Múlaþing: byggðasögurit Austurlands - 01.01.1991, Blaðsíða 6

4
MÚLAÞING
Elsta brúin á Eyvindará
í Múlaþingi 11 1981 er endurprentaður kafli úr Endurminningum Tryggva
Gunnarssonar, þar sem höf. segir frá atvikum sem ollu því að hann gaf til-
höggvið efni í brú á Eyvindará og flutti það ókeypis með skipi Gránufélagsins
á Vestdalseyri í Seyðisfirði. Þar á eyrinni liggur brúarefnið í hirðuleysi frá 1876
virðist vera og til 1878. Þá hefur það verið, segir höf., flutt upp á Héraðssanda
og ekið inn Hérað að brúarstæðinu, og eftir frásögn Tryggva að dæma virðist
brúin þá komast á ána.
f Almanaki Þjóðvinafélagsins ár 1902 segir í Yfirliti urrt 19. öldina: „1880 - -
- Brú með nýju lagi gefin og sett á Eyvindará í Múlasýslu.“
Þessi ártöl hjá Tryggva virðast tekin eftir minni hans, en 1880 er nær lagi en
1878. Sýslufundargerðir Suður-Múlasýslu taka þó af öll tvímæli, þar sem þar er
um samtímaheimild að ræða. Þar sést að vísu ekki hvenær brúarefnið kemur
upp til Seyðisfjarðar, en það sýnist hafa verið flutt þaðan og uppyfir veturinn
1880-1881. Vorið 1881 er efnið komið að brúarstæðinu, og þá er farið að undir-
búa brúarsmíðina, hlaðnir brúarsporðar o.fl., en veturinn 1881-1882 voru burð-
arbitarnir settir á meðan áin var á haldi, og sumarið 1882 var brúnni lokið. Þessi
brú entist til 1920, er ný var byggð, sú sem enn stendur mikið breytt.
En hvernig var „Hvíta brúin“ á Eyvindará? Upplýsinga um það var leitað hjá
mönnum sem mundu brúna, þeim Birni Sveinssyni frá Eyvindará og Ingvari
Guðjónssyni frá Uppsölum. Ennfremur var leitað til Vegagerðar ríkisins. Þar
fannst teikning af brúnni eftir Jón Þorláksson landsverkfræðing (síðar forsætis-
ráðherra). Eftir þessari teikningu gerði Björn Kristleifsson myndina af þessu
gamla og þarfa mannvírki.
Þessi brú entist til 1920, er ný var byggð, sú sem enn stendur mikið breytt.
Vegurinn norður frá brúnni lá í fyrstu upp með gilinu nær ánni en nú, enda
sýsluvegur um Miðhús, Dalhús og Þuríðarstaði inn til Tungudals og Eskifjarð-
arheiðar.
Eyvindarárbrúin var fyrsta brú í Suður-Múlasýslu, sem nokkuð kvað að, en
áður voru þó brúaðar Slenja og Gilsá á Völlum. - Á.H.