Múlaþing: byggðasögurit Austurlands - 01.01.1991, Blaðsíða 96

94
MÚLAÞING
bygdi jon narfason biarna marteinsyne j umbode hustru margretar
ætta kugillde ok fioretige til fullrar leigu.
Ok til sannennda her vm settum vær fyr nefnder menn vor jnzsigle
firir þetta bref skrifat a ketilstodum æ uollum j fliozdals hierade fausto-
dagin næsta firir jonsmessu baptiste æ sama ære sem fyr segir.“
Ýmsir álíta að Margrét Vigfúsdóttir hafi gift dætur sínar burtu árið
1464 eða 1465 og að brúðkaup þeirra hafi verið skömmu afstaðið þegar
Bjarni fékk heimanmund konu sinnar afhentan. Einar Bjarnason pró-
fessor fjallar um þetta í íslenskum ættstuðlum II. b.3 Þar vitnar E. Bj.
í Skarðsárannál þar sem segir frá því við árið 1460 að Margrét hafi
haldið brúðkaup dætra sinna og hafi orðið „mektugt hóf og fjölmenni
mikið.“ E. Bj. telur að annállinn fari með rétt mál.
Þegar litið er á heimanmund Ragnhildar vekur athygli hver firna
auður hefur verið til skipta í búi Margrétar ríku. Auk þess kemur í
ljós, að Bjarni Marteinsson hefur þurft að leggja a.m.k. 6 hundruð
hundraða í búið á móti Ragnhildi.
Rétt er að geta þess að stórbýlin Njarðvík í Borgarfirði og Ketils-
staðir á Völlum munu aldrei hafa verið í eigu Bjarna Marteinssonar og
litlar líkur á að Bjarni hafi búið á Ketilsstöðum eins og víða er talið.
í testamentisbréfi Páls Brandssonar á Möðruvöllum frá 1494,4 en
hann var kvæntur Ingibjörgu Þorvarðardóttur, segir: „In primis gefur
ec austur til helga blod þessar jjj iarder ketilstaði æ uollum, kollstaði.
mynes.“ Erlendur Bjarnason hefur eignast Ketilsstaði fyrir 23. ágúst
1500,5 en þá setur Stefán Skálholtsbiskup hálfkirkjuskyld á Ketilsstaði.
Guðríður Þorvarðardóttir, sem giftist Erlendi Erlendssyni á Hlíðar-
enda, hefur fengið Njarðvík í sinn hlut, sonur hennar, Þorvarður
Erlendsson, selur Þorvarði Bjarnasyni Njarðvík 17. ágúst 15096.
Þessar jarðir ásamt Eiðum voru hluti af föðurarfi Ingibjargar Páls-
dóttur eftir Eiða-Pál7.
Ekki verður séð að Bjarni Marteinsson hafi komið með til búsins
stóreignir í jörðum úr Múlaþingi, enda má lesa úr afhendingarbréfinu
vegna heimanmundar Ragnhildar, að hann tók á leigu 48 kúgildi af
tengdamóður sinni, sem hann hefði tæpast gert ef hann hefði átt óðul
sín í næsta nágrenni Eiða.
Helst er að líta til barna Bjarna og Ragnhildar þegar uppruna
Bjarna er leitað.
Börn þeirra voru sex8, Þorvarður bóndi á Eiðum, Erlendur sýslu-
maður á Ketilsstöðum, Marteinn sem kvæntist Margréti Sturludóttur