Tímarit hjúkrunarfræðinga - 01.04.2009, Page 30

Tímarit hjúkrunarfræ›inga – 2. tbl. 85. árg. 200926
Suzanne Gordon er blaðamaður og
hefur skrifað fjölda greina og bóka frá
femínísku sjónarhorni. Hún kom fyrst til
Íslands 2003 og stýrði þá vinnusmiðju
sem hét „Rjúfum þagnarmúrinn“ auk
þess að halda fyrirlestra víða. Ýtarlega var
fjallað um þessa heimsókn í 5. tölublaði
Tímarits hjúkrunarfræðinga 2003.
Hún kom svo aftur 2006 og nú í mars
2009 í þriðja sinn, í þetta skipti í boði
hjúkrunarfræðideildar Háskóla Íslands
og Félags íslenskra hjúkrunarfræðinga. Í
heimsókninni hélt hún erindi á Landspítala
sem nefndist „From virtue to knowledge:
making nursing credible“ og annað
erindi á ársfundi Rannsóknarstofnunar í
hjúkrunarfræði sem fjallaði um orðræðu
og rannsóknir í hjúkrun. Hún gaf sér einnig
tíma til að heimsækja Félag íslenskra
hjúkrunarfræðinga og ræða um ímynd
hjúkrunarfræðinga. Eftirfarandi frásögn
byggist á þessum þremur erindum
Suzanne Gordon.
Í fyrirlestrinum í Hringsal á Landspítala
fór Suzanne Gordon gagnrýnum orðum
um hjúkrunar fræðinga. Þetta var
hins vegar upp byggileg gagn rýni því
Suzanne er mikill tals maður þess að
hjúkrunarfræðingar skipi hærri sess í
þjóð félags umræðunni. Hún hefur skrifað
um heil brigðis mál og hjúkrun allt síðan
hún gaf út bókina „Life support: three
nurses on the front lines“ 1996. Nú er
hún að undirbúa nýja bók með vinnuheitið
„When chicken soup is not enough“.
Titill bókarinnar vísar til fjölda „Chicken
soup for the soul“­bóka sem hafa verið
gefnar út í Bandaríkjunum og innihalda
uppbyggilegar sögur. Ein þeirra heitir
„Chicken soup for the nurse's soul“ og
var hún kynnt í Tímariti hjúkrunarfræðinga
í 4. tbl. 2008.
Í nýrri bók Suzanne Gordon verða einmitt
sögur hjúkrunarfræðinga. Hún segir
reyndar að erfitt sé að fá hjúkrunarfræðinga
til þess að segja sögur. Þegar þeir á
Christer Magnusson, christer@hjukrun.is
„HJÚKRUNAR HVAÐ?“
Suzanne Gordon í heimsókn á Íslandi
Margir íslenskir hjúkrunarfræðingar þekkja nafnið
Suzanne Gordon. Hún hefur skrifað bækur um rödd
hjúkrunar og kom nýlega í þriðja sinn til Íslands til þess
að tala um baráttumál sitt – að upplýsa almenning
um þekkingu og hæfni hjúkrunarfræðinga.