Tímarit hjúkrunarfræðinga - 01.04.2009, Qupperneq 31

Tímarit hjúkrunarfræ›inga – 2. tbl. 85. árg. 2009 27
endanum setji eitthvað á blað fjalli það oft um dyggðir og tilfinningar frekar en um
það hvað hjúkrunarfræðingurinn gerði. Hjúkrunarfræðingar virðist vera á móti því
að tala um verkþætti, hæfni sína og hugsanir og vilja frekar tala um tilfinningar.
Umhyggja verður að dyggð frekar en einhverju sem hjúkrunarfræðingurinn
framkvæmir. Sjúklingurinn virðist ekki hafa líkama og hjúkrunarfræðingurinn
er sjaldan að gera eitthvað með höndunum. Suzanne Gordon segir þetta
koma fram í sögum sem hjúkrunarfræðingar hafa skrifað þegar þeir sækja um
framgang í starfi. Þetta er óheppilegt að hennar mati. Umhyggja er mikilvæg
en sjúklingurinn, almenningur og þeir sem stýra umræðunni vilja heyra um
þekkingu, hæfni og verk hjúkrunarfræðinga. Þessi atriði birtast að hennar sögn
meðal annars í einföldum aðgerðum sem hjúkrunarfræðingar ættu að tala meira
um. Hún gefur dæmi um hjúkrunarfræðing sem er að tala við sjúkling en er á
sama tíma að skoða hann og leggja mat á tug atriða. Þetta veit almenningur
lítið um.
Suzanne Gordon heldur því fram að þessi sagnahefð, þar sem tilfinningar
tala frekar en verkin, geti reynst hjúkrunarfræðingum sérstaklega hættuleg á
krepputímum. Almenningur hefur lítinn skilning á þekkingargrunninum sem þarf
til þess að hjúkra. Þessu mega hjúkrunarfræðingar alls ekki við á tímum eins
og nú eru. Nú er mikilvægara en nokkru sinni að hjúkrunarfræðingar geti sagt
sögur um áhrif þeirra á bataferli sjúklingsins. Hjúkrunarfræðingar þurfa að sýna
fram á hvernig þeir á snilldarlegan hátt tengja saman hið tæknilega umhverfi
heilbrigðisstofnana og það sem mannlegt er. Þeir eru einnig snillingar í að
tengja saman einkenni og hegðun sjúklingsins við allt það sem þeir hafa lært í
sjúkdómafræði og svo framvegis. Suzanne Gordon segir að hjúkrunarfræðingar
séu eins konar geislamælar sem uppgötva snemma að eitthvað sé að gerast og
geta þannig komið í veg fyrir stórslys. Þeir þurfa hins vegar að geta sýnt fram
á það með tölum og orðum hvernig þeir bjarga þannig mannslífum, koma í veg
fyrir sársauka og þjáningu og spara peninga um leið.
Fr
ét
ta
pu
nk
tu
r
Nýtt nám í sálgreiningu
í Færeyjum
Dansk Institut for Kropsorienteret
Psykoterapi er einkarekin
menntastofnun sem hefur verið
starfandi síðan 1988. Stofnunin var
meðal þeirra fyrstu í Danmörku að
bjóða upp á nám í sálgreiningu.
Námið stenst vel alþjóðlegan saman­
burð og er stofnunin viðurkennd af
danska sálgreinafélaginu.
Til þess að geta veitt Íslendingum,
Færeyingum og Grænlendingum
betri aðgang að fagmenntun og
endurmenntun hefur stofnunin nú
ákveðið að bjóða upp á eins árs
og þriggja ára nám í sálgreiningu
í Færeyjum. Námið byggist á
kenningum alþjóðlega viðurkenndra
sálgreina eins og Wilhelm Reich,
Albert Pesso, Alexander Lowen og
Peter Levine og er bæði bóklegt og
verklegt.
Námið byrjar í ágúst 2009 og er
kennt 5 sinnum á ári í samtals 20
daga. Nánari upplýsingar um námið
veitir Rigmor Hansen, info@difkp.dk
eða í síma 0045 43 62 28 79.