Morgunblaðið - 24.09.2015, Blaðsíða 36

36 FRÉTTIRInnlent
MORGUNBLAÐIÐ FIMMTUDAGUR 24. SEPTEMBER 2015
ÚR BÆJARLÍFINU
Skapti Hallgrímsson
Akureyri
Þegar árrisulir norðanmenn risu úr
rekkju í gær var veturinn kominn
vestan megin fjarðar enda best
geymdur þar, vetraríþróttamegin.
Vaðlaheiðin hins vegar enn sum-
arleg að sjá.
  
Veður hefur verið gott við Pollinn
upp á síðkastið, í það minnsta fal-
legt, og verður áfram um tíma ef
marka má spá.
  
Leikritið Býr Íslendingur hér?
var frumsýnt af Leikfélagi Akureyr-
ar í Samkomuhúsinu um síðustu
helgi í leikstjórn Jóns Páls Eyjólfs-
sonar, leikhússtjóra LA. Það er
byggt á samnefndri bók Garðars
Sverrissonar, þar sem Leifur Muller
segir óhugnanlega sögu sína af vist í
útrýmingarbúðum nasista í Sach-
senhausen.
  
Sagan lét engan ósnortinn þegar
bókin kom út 1988 og sama verður
án efa upp á teningnum nú, þegar
fólk sér leikritið. Sagan jafn hrylli-
leg í samtímanum og á enn erindi.
  
Leifur Muller er á sviðinu allan
tímann og meira segja tveir frekar
en einn. Benedikt Karl Gröndal túlk-
ar hann ungan en Arnar Jónsson
horfir til baka í ellinni. Sýningin er
róleg, ekki hasar og læti og mér,
ómenntuðum manninum í þessum
fræðum, finnst það vel til fundið;
þarna er verið að segja mjög sterka
sögu og mikilvægt að hún komst vel
til skila. Það tekst.
  
Frumsýningin var alls ekki
hnökralaus og verkið hefði líklega
þolað nokkra æfingadaga í viðbót en
það er varla aðalatriðið heldur
magnað verk og sterk upplifun
áhorfandans.
  
Brynja, ísbúðin landsþekkta við
Aðalstræti, er ekki lengur í eigu
hjónanna Fríðar Leósdóttur og Júl-
íusar Fossberg. „Já, búin að selja.
Nýir eigendur taka við 1. október,“
sagði Fríður við Morgunblaðið í
gær. Aðdáendur íssins þurfa þó
engu að kvíða, að hennar sögn. „Ég
rek Brynju áfram og ekkert breyt-
ist. Ísinn verður alveg eins.“
  
Ekki verður upplýst um nýja eig-
endur fyrr en um mánaðamót en það
er „frábært fólk fyrir sunnan“, segir
Fríður, athafnafólk sem ekki hefur
komið nálægt ísbransanum til þessa.
  
Fríður staðfesti orðróm þess efnis
að til stendur að selja Brynjuís í
Reykjavík frá og með næsta ári. Það
gleður án efa að ísinn óvenjulegi,
sem notið hefur fádæma vinsælda,
verði í boði á borgarhorninu.
  
Þriðja starfssumar hvalaskoð-
unarbátsins Ambassadors er langt
komið og velgengnin slík að eig-
endur hafa ákveðið að kaupa annað
ámóta skip, sem tekur um 100 far-
þega. Þá á að kaupa nokkra hrað-
skreiða gúmmíbáta, svokallaða RIB
báta, til hvalaskoðunar og annarrar
afþreyingar í firðinum.
  
Þrjár ferðir voru á áætlun Am-
bassadors á dag í sumar en ásóknin
slík að iðulega varð að bæta þeirri
fjórðu við og um tíma leigðu þeir
Ambassadorar trébátinn Húna II að
auki til hvalaskoðunar. Öðruvísi var
ekki hægt að anna eftirspurn.
  
Magnús Guðjónsson, fram-
kvæmdastjóri Ambassadors, segir
ásókn í hvalaskoðun heldur meiri en
gert var ráð fyrir í áætlun fyrirtæk-
isins þegar starfsemin hófst. „Fjölg-
un ferðamanna hefur verið meiri en
við gerðum ráð fyrir þegar við hóf-
um starfsemi.“ Útlendingar eru í yf-
irgnæfandi meirihluta viðskipta-
vina.
  
Hvalaskoðun hefur gengið æv-
intýralega vel í sumar, eins og
Magnús orðar það. „Síðan 29. maí
hefur verið 100% sýningarhlutfall;
við höfum séð hval í hverri einustu
ferð, að jafnaði sjö til fimmtán í
hverri ferð.“ Allt er það hnúfubakur.
  
Boðið verður upp á hvalaskoð-
unarferðir út október en í þessari
viku hófu þeir Ambassadorar að
bjóða upp á Norðurljósasiglingar og
tókst einkar vel til. Magnús er bjart-
sýnn á framhaldið á þeim vettvangi.
  
Jón Kristinn Þorgeirsson, sem
er aðeins 16 ára, er skákmeistari
Norðlendinga og skákmeistari
Skákfélags Akureyrar í ár. Skák-
þing Norðlendinga, hið 81. í röðinni,
fór fram um síðustu helgi.
  
Jón Kristinn gerði sér lítið fyrir
og lagði tvo alþjóðlega meistara úr
Reykjavík á mótinu, þá Guðmund
Kjartansson og Einar Hjalta Jens-
son. Fyrirfram var gert ráð fyrir að
slagurinn um sigur á mótinu yrði
fyrst og fremst milli þeirra tveggja
en Jón Kristinn snéri á þá.
Af hörmungum, hval og Brynju-ís
Morgunblaðið/Skapti
Býr Íslendingur hér? Benedikt Gröndal og Arnar Jónsson, Gunnar I. Gunn-
steinsson, framkv. stjóri Menningarfélags Akureyrar, og Jón Páll Eyjólfsson.
Morgunblaðið/Skapti Hallgrímsson
Haust Haustlitir trjánna og drifhvít áminning um að vetur nálgast tónuðu bærilega saman á Akureyri í gær.
Smiðjuvegi 68-72, Rvk Hjallahrauni 4, Hfj Fitjabraut 12, Njarðvík Eyrarvegi 33, Selfossi Barðinn, Skútuvogi 2
Við tökum að okkur: Peruskipti, rafgeymaþjónustu,
bremsuviðgerðir, stýrisenda, spindilkúlur, kerti,
kertaþræði, hjólalegur, fjöðrunarbúnað, viftureimar,
hjólastillingar og margt fleira.
LAGFÆRUM
BÍLINN
VIÐ
www.solning.is
Stóðréttir eru víða í Skagafirði og
Húnavatnssýslum á föstudag og
laugardag. Laufskálarétt sem kölluð
er drottning íslenskra stóðrétta
verður á laugardag.
Skagfirðingar gera mikla hátíð úr
Laufskálaréttinni enda dregur hún
að sér þúsundir gesta á hverju ári.
Haldnir eru dansleikir og skemmt-
anir í Reiðhöllinni Svaðastöðum á
Sauðárkróki og í danshúsum, hót-
elum og menningarhúsum. Tilboð
eru á veitingum úti um allt hérað.
Margir hrossaræktendur eru með
opið hús enda blómstra hrossa-
viðskiptin. Landsmót hestamanna
kynnir á laugardag, milli kl. 15 og
17, framkvæmdir við nýjan lands-
mótsstað á Hólum í Hjaltadal.
Á laugardagsmorgni fer fjöldi
fólks ríðandi í Kolbeinsdal til að reka
stóðið til réttar á Laufskálaholti.
Stóðið er rekið til réttar uppúr
klukkan 11.30 og réttastörfin hefjast
um klukkan 13.
Á föstudag verða stóðréttir í Ár-
hólarétt, Deildardalsrétt og Una-
dalsrétt í Skagafirði. Á laugardag
verður Auðkúlurétt, Undirfellsrétt
og Þverárrétt í Húnavatnssýslum.
Morgunblaðið/Sigurður Aðalsteinsson
Stóðrétt Laufskálaréttir eru þekktustu stóðréttir í landinu.
Drottning stóðrétta
 Skagfirðingar og gestir gera sér
glaðan dag um Laufskálaréttarhelgina