Morgunblaðið - 24.09.2015, Blaðsíða 48

48 FRÉTTIRErlent
MORGUNBLAÐIÐ FIMMTUDAGUR 24. SEPTEMBER 2015
Laugavegi 34 101 Reykjavík | Sími: 551 4301 | gudsteinn.is
Guðsteins Eyjólfssonar sf
V E R S L U N
Herra náttföt
Verð 9.900,-
Bogi Þór Arason
bogi@mbl.is
Leiðtogar aðildarríkja Evrópusam-
bandsins komu saman í Brussel í
gær til að ræða hvernig taka ætti á
mesta flóttamannavanda í Evrópu
frá síðari heimsstyrjöldinni. ESB-
ríkin eru klofin í afstöðunni til
flóttamannakvóta sem voru sam-
þykktir með meirihluta atkvæða á
fundi innanríkisráðherra aðildar-
landanna í fyrradag og stjórnvöld í
Slóvakíu sögðust ætla að höfða mál
til að reyna að fá samþykktinni
hnekkt.
Fjögur lönd – Rúmenía, Slóvakía,
Tékkland og Ungverjaland –
greiddu atkvæði gegn flóttamanna-
kvótunum. Finnland sat hjá í at-
kvæðagreiðslunni, en stjórn Pól-
lands, sem hafði lagst gegn bindandi
kvótum, ákvað að greiða atkvæði
með tillögu framkvæmdastjórnar-
innar um að skikka ESB-lönd til að
taka við ákveðnum fjölda flótta-
manna. Að sögn fréttaskýranda
breska ríkisútvarpsins er það mjög
óvenjulegt að slíkt mál, sem varði
fullveldi þjóða, sé afgreitt með sam-
þykki aukins meirihluta, en ekki
með einróma samþykki í ráðherra-
ráði Evrópusambandsins.
Robert Fico, forsætisráðherra
Slóvakíu, sagði að Slóvakar hygðust
brjóta reglur Evrópusambandsins
frekar en að fara eftir „þessari til-
skipun frá Brussel“. Samkvæmt
ákvörðun innanríkisráðherranna á
Slóvakía að taka við 1.502 flótta-
mönnum af 120.000 sem skipta á
milli ESB-landa. „Slóvakar ætla
ekki að virða kvóta sem byggjast á
tilskipunum,“ sagði Fico. „Við ætl-
um að höfða mál fyrir Dómstól Evr-
ópusambandsins í Lúxemborg.“
„Aðeins framtíðin getur leitt í ljós
hversu mikil mistök þetta eru,“
sagði Milos Zeman, forseti Tékk-
lands, um niðurstöðu ráðherrafund-
arins. Ríkisstjórn Tékklands kvaðst
þó ekki ætla að höfða mál vegna
deilunnar.
Stjórn Rúmeníu sagði landið geta
tekið við þeim fjölda sem því var út-
hlutaður en Klaus Iohannis, forseti
Rúmeníu, sagði að ekki væri hægt
að leysa flóttamannavandann með
bindandi kvótum.
Viktor Orbán, forsætisráðherra
Ungverjalands, mótmælti einnig
niðurstöðu innanríkisráðherranna
og sakaði Angelu Merkel, kanslara
Þýskalands, um „siðferðislega
heimsvaldastefnu“ með því að
þröngva afstöðu sinni upp á önnur
ESB-ríki. Hann sagði að Ungverjar
hefðu lýðræðislegan rétt til að taka
aðra afstöðu en þýski kanslarinn í
flóttamannamálinu. „Ungverska
þjóðin vill þetta ekki og við biðjum
um að óskir Ungverja verði virtar.“
Óttast að milljónir flóttamanna
fari til Evrópu
Donald Tusk, forseti leiðtogaráðs
Evrópusambandsins, lagði áherslu á
að herða þyrfti eftirlit við ytri landa-
mæri Schengen-svæðisins til að
koma í veg fyrir enn meiri straum
flóttamanna til Evrópu frá
Miðausturlöndum og Afríku. „Átök-
unum í Miðausturlöndum, einkum í
Sýrlandi og Írak, lýkur ekki á næst-
unni,“ sagði Tusk og bætti við að
milljónir manna kynnu að reyna að
komast til Evrópu. Hann sagði að
um átta milljónir manna væru á
flótta innan landamæra Sýrlands og
um fjórar milljónir til viðbótar hefðu
flúið til grannríkjanna, m.a. Tyrk-
lands, Jórdaníu og Líbanons. „Þess
vegna stöndum við núna frammi fyr-
ir þeim möguleika að milljónir
manna reyni að komast til Evrópu,
ekki þúsundir.“
Slóvakar höfða mál gegn ESB
 Sætta sig ekki við flóttamannakvóta sem samþykktur var með auknum meirihluta atkvæða
 Forsætisráðherra Ungverjalands sakar Angelu Merkel um „siðferðislega heimsvaldastefnu“
AFP
Komust yfir hafið Flóttamaður kemur að landi með barn í fanginu eftir
siglingu á gúmmíbáti yfir Eyjahaf frá Tyrklandi til grísku eyjunnar Lesbos.
Aðstoðin aukin
» Ríki Evrópusambandsins
ætla að auka fjárframlög sín til
hjálparstofnana Sameinuðu
þjóðanna um milljarð evra,
jafnvirði rúmra 140 milljarða
króna, vegna neyðaraðstoðar
við flóttafólk, samkvæmt drög-
um að yfirlýsingu leiðtoga-
fundar ESB.
» Angela Merkel, kanslari
Þýskalands, sagði fyrir fundinn
að brýnt væri að afstýra hung-
ursneyð í flóttamannabúðum.
Öryggislögregla Danmerkur (PET)
telur að lítil sem engin hætta sé á því
að hryðjuverkamenn séu meðal
þeirra flótta- og farandmanna sem
koma til Danmerkur, að sögn Finns
Andersens, starfandi forstjóra PET.
Hann segir þetta mat byggjast á
upplýsingum um að mjög ólíklegt sé
að hryðjuverkasamtök noti leiðir
smyglara til þess að koma hryðju-
verkamönnum inn í Danmörku frá
Miðausturlöndum. „Einfaldlega
vegna þess að leiðin er hættuleg og
þess vegna ekki fýsileg í þeirra
huga,“ sagði Anderson á blaða-
mannafundi með dómsmálaráðherra
Danmerkur, Søren Pind, og ríkislög-
reglustjóranum Jens Henrik Høj-
bjerg.
Flýja ofríki íslamista
Óttinn við að hryðjuverkamenn og
skæruliðar séu meðal flóttafólks sem
er komið til Evrópu eða á leiðinni
þangað er vinsælt umræðuefni á net-
inu og samskiptavefjum. Ekki hefur
bætt úr að samtök íslamista, Ríki ísl-
ams, hafa kynt undir óttanum með
því að halda því fram að samtökin
hafi sent þúsundir skæruliða til Evr-
ópu í dulargervi flóttafólks. PET
gefur lítið fyrir yfirlýsingar Ríkis
íslams og segir að með þessu séu
samtökin að reyna að leiða um-
ræðuna á villigötur því að flestir
flóttamenn séu að flýja undan ofríki
hryðjuverkasamtaka á borð við Ríki
íslams. Þess vegna sé mjög lítil
hætta á að flóttafólkið hafi nokkra
samúð með Ríki íslams eða öðrum
samtökum íslamista. „En að sjálf-
sögðu getum við ekki hafnað því að á
meðal flóttafólks leynist ein-
staklingar sem hneigist til að styðja
áróður íslamista,“ sagði Andersen.
24.03131.443
9.287
10.500
4.646
1.100
7.214
2.047 1.705 1.364
6.752
1.300
Skipting 32.256 flóttamanna (skv. tillögu frá júlí)
Íbúafjöldi (í milljónum)
Skipting 120.000 flóttamanna milli landa
11
Belgía
Írland
Hyggst taka við 1.500
flóttamönnum (landið á
ekki aðild að ESB)
Bretland
Stefna annarra landa
Sviss
Danmörk Tekur við 1.000 manns
Greiddu atkvæði gegn flóttamannakvótunum
9,5
Svíþjóð
8,4
Austurríki
10,6
Portúgal
10,4
Tékkland
5,4
Finnland
Áform ESB um flóttamannakvóta
Heimildir: Framkvæmdastjórn ESB, Eurostat
Þýskaland
80,2
80,2
20,1
Rúmenía
64,9
Frakkland
46,8
Spánn
Pólland
38 16,7
Holland
7,4
Búlgaría
5,4
Slóvakía
4,3
Króatía
3
Litháen
2
Slóvenía
2
Lettland
0,5
Lúxemborg
1,3
Eistland
0,8
Kýpur
0,4
Malta
9,9
Ungverjal.
4.564
Hyggst taka við 20.000
flóttamönnum á fimm árum
frá búðum nálægt Sýrlandi
Tekur við 2.900 manns
4.469
14.931
3.640 3.074 2.978 2.398
1.600 1.502 1.064 780
631 526 440 373 274 133
0
1.369
0
1.309 1.100 792
450 100 400 255
230 200 320 130 173 60 0
Lítil hætta á að hryðjuverka-
menn séu meðal flóttafólks