Þjóðmál - 01.12.2013, Blaðsíða 6

Þjóðmál VETUR 2013 5
Ég man að þegar Halldóra var að hjálpa
mömmu að klæða Áslaugu systur í kápuna,
fannst henni hún klaufaleg við það og
afsakaði sig með því að hún væri óvön að
klæða litlar dömur!
Mörgum áratugum seinna talaði maður
nokkur á fjölmennum fundi Kaup manna-
samtaka Íslands á Hótel Sögu og gat þess
meðal annars í ræðu sinni að Bolungarvík
væri líklega eina bæjarfélagið á landinu
þar sem kaupfélag hefði ekki þrifist . Þá
var ég varaformaður samtakanna . Ég var
næstur á mælendaskrá og hóf mál mitt á
því að upplýsa fundarmenn um að ástæða
erfiðleika á rekstri kaupfélags í Bolungarvík
væri trúlega sú að þar hefðu aldrei verið
óvinsælir kaupmenn .
*
Hátindur jólanna, þegar ég var að alast upp, var jólatrésskemmtunin sem
Hjálpræðisherinn á Ísafirði hélt í Stúku-
húsinu í Bolungarvík á þrettándanum, 6 .
janúar . Þrátt fyrir að það kostaði sjötíu og
fimm aura fyrir börn á skemmtunina tókst
okkur systkinunum furðu oft að komast á
þessa ógleymanlegu hátíð . Við hrifumst af
stóra jólatrénu með rafmagnskertunum, öllu
fallega skrautinu og konunum sem spiluðu
á banjó og gítar . Þær kenndu okkur fallega
söngva og léku með alls konar handa hreyf-
ingum um leið . Við krakkarnir í Bolungar vík
sungum þessa söngva í langan tíma á eftir .
Ennþá man ég nokkra af þessum söngvum .
Á himni hjá Jesú mun ég hvít klæðin fá,
kórónu á höfuðið og gullhörpu slá —
var sungið með tilheyrandi handa hreyf-
ingum . Þessi söngur var líka vinsæll:
Jesús kastaði öllum syndum mínum bak við sig,
og ég sé þær aldrei meir .
Eins og austrið er frá vestri eru þær fjarri mér,
og ég sé þær aldrei meir .
E in af jólabókunum í ár er Bernskudagar, æsku minn-
ingar Óskars Jóhannssonar fyrr-
verandi kaupmanns í Sunnu-
búðinni .
Óskar fæddist í Bolungarvík
árið 1928 . Hann missti föður
sinn ungur og móðir hans
þurfti einsömul að ala önn
fyrir stórum barnahópi . Sex
ára gamall fór Óskar að vinna
fyrir sér á sumrin í sveit hjá
ókunnugum . Þar kynntist hann
vel aldagömlum vinnubrögðum
og striti kynslóðanna á Íslandi .
Tólf ára flutti hann að heiman
— til Reykjavíkur þar sem hann
haslaði sér völl sem blaðasali hjá
útlendu hermönnunum sem
höfðu lagt undir sig borgina .
Bernskudagar er einstaklega
nærfærin þroskasaga drengs
og lýsing á lífsháttum fátæks
alþýðufólks fyrr á tíð .