Þjóðmál - 01.12.2013, Blaðsíða 87

86 Þjóðmál VETUR 2013
og einlægan hug á að setjast í slíka hópa
til að vinna að því, sem nefnt var „fasi 2“ í
aðgerðum stjórnvalda eftir bankahrunið .
Nú liggur fyrir að þarna setti Samfylking-
in á svið leikrit til að blekkja okkur ráðherra
Sjálfstæðisflokksins . Tveimur dögum áður
hafði Össur lagt „lokahönd“ á myndun
nýrrar ríkisstjórnar . Hafi Geir H . Haarde
verið ljóst að hann var beittur blekkingum
veit ég ekki . Hann var hins vegar með
hugann við annað og stærra persónulegt
mál sem hlaut að valda honum jafnvel
meiri áhyggjum en það sem gert yrði í nafni
ríkisstjórnarinnar .
Miðstjórn og þingflokkur sjálfstæðis-
manna komu saman í hádegi föstudags
23 . janúar 2009 til að ræða landsfund sem
boðaður hafði verið 29 . janúar 2009 . Þar
átti meðal annars að ræða spurninguna um
ESB-aðild eftir athugunina undir forystu
Kristjáns Þórs Júlíussonar .
Í upphafi miðstjónarfundarins sagði
Geir H . Haarde að staðan í stjórnmálum
væri á þann veg, öll rök hnigu að því að
boða til kosninga annan laugardag í maí,
hinn venjulega kjördag hin síðari ár, að
þessu sinni 9 . maí 2009 . Í ljósi þessa væri
skynsamlegt að fresta landsfundi flokksins
til síðustu helgarinnar í mars .
Fyrir utan þessi stjórnmálarök sagði Geir
að annað persónulegra mælti með frestun
landsfundarins, hann hefði þriðjudaginn
20 . janúar 2009 greinst með krabbamein í
vélinda og yrði að gangast undir aðgerð
erlendis 29 . janúar 2009, það er fyrirhugaða
landsfundarhelgi . Þetta hefði komið í ljós
við reglulega skoðun lækna .
Þennan sama föstudag 23 . janúar 2009
kom Ingibjörg Sólrún Gísladóttir til landsins
frá Stokkhólmi, þar sem hún hafði gengist
undir aðgerð og rannsókn vegna heilaæxlis .
Við heimkomuna skýrði hún frá því að
rannsóknir hefðu staðfest að æxlið væri
góðkynja en það hafði verið til rannsóknar
frá því að hún veiktist hastarlega í New York
í september 2008 .
Formenn beggja stjórnarflokkanna
glímdu við alvarleg veikindi . Þeir hafa síðan
sem betur fer náð fullum starfsþrótti sem
þótti óvíst þennan örlagaríka föstudag .
Í umræðum um hina hröðu atburðarás
loka dagana í janúar 2009 minnast menn
ekki lengur á tillögu Geirs H . Haarde
um þingkosningar 9 . maí 2009 . Þegar
tillagan kom fram tók Steingrímur J . að
múðra . Hann vildi ekki að kjördagur yrði
9 . maí, kjósa ætti fyrir páska . (Kosið var
eftir páska 25 . apríl 2009 og hinn 10 . maí
2009 mynduðu Samfylking og VG meiri-
hlutastjórn .)
Stjórnarslit
Samfylkingin sleit stjórnarsamstarfinu við Sjálfstæðisflokkinn mánudaginn 26 .
janúar 2009 . Af því tilefni sagði ég í dag bók
minni á bjorn.is:
Sögulegur dagur er að kvöldi kominn .
Klukkan 10 .00 kom þingflokkur sjálf-
stæðis manna saman í þinghúsinu . Geir
H . Haarde gerði okkur grein fyrir við-
ræðum við Ingibjörgu Sól rúnu Gísla-
dóttur sunnudaginn 25 . janúar, þar sem
endapunkturinn hefði orðið sá, að Sam-
fylkingin vildi fá „verk stjórn“ í ríkis stjórn,
það er forsætis ráðherra embættið .
Þetta var lokaskilyrði Samfylkingar fyrir
framhaldi á stjórnarsamvinnu við Sjálf-
stæðisflokkinn og gekk Geir svo langt
gagnvart ósk Ingibjargar, að hann lagði
til, að þau vikju bæði úr stjórninni og
Þorgerður Katrín Gunnarsdóttir yrði
starf andi forsætisráðherra . Þetta vildi
Ingi björg Sólrún ekki samþykkja .
Þingflokkur sjálfstæðismanna var
þeirrar skoðunar, að héldi Samfylking fast
í kröfuna um nýjan „verkstjóra“ yrði hún