Þjóðmál - 01.12.2013, Blaðsíða 9

8 Þjóðmál VETUR 2013
hrunsins og þess sem sigldi í kjölfarið .
Hæfileg málamiðlun hefur tekist milli
stjórn ar flokkanna .
Fyrstu viðbrögð eru jákvæð . Lilja Móses-
dóttir sem bauð sig fram til þings árið
2009 undir merkjum vinstri grænna
(VG) til að rætta hlut skuldugra heimila
sagði á vefsíðunni eyjan.is sunnudaginn 1 .
desember:
Það voru mikil svik við alla þá
sem trúðu á mikilvægi norrænu
velferðarstjórnarinnar að Steingrímur J .
[Sigfússon] skyldi hafna tillögu minni
um almenna leiðréttingu með 4 milljón
króna þaki árið 2009 . Þess í stað reyndu
Steingrímur og Jóhanna [Sig urðardóttir]
að snúa öllu á haus með því að kalla
sértækar aðgerðir almennar aðgerðir í
anda norræna velferðarkerfisins .
Nú eru það svokallaðir hægriflokkar sem
fara í almenna aðgerð í anda norræna vel-
ferðar kerfisins fjórum árum seinna . Ekki
nóg með það heldur ætla hinir svokölluðu
hægri flokkar að láta hrægammasjóðina
greiða fyrir leiðréttinguna (beinu leið rétt-
inguna og skattafsláttinn) en það fannst
Steingrími og Jóhönnu ófært .
Jóhanna og Steingrímur J . fengu slæman
dóm í kosningunum 27 . apríl 2013 . Þau
fylgdu stefnu sem var reist á úreltum hug-
myndum í efnahags- og skattamálum .
Í bókinni um Steingrím J . Sigfússon
(VG) segir söguhetjan að sér hafi tekist sem
fjár málaráðherra að hrinda í framkvæmd
skattastefnu sem hann boðaði í bók sem
hann skrifaði fyrir hrunið . Í bókinni út-
listar hann sósíalísk viðhorf sín . Hann
notaði sem sagt tækifærið til að hrinda þeim
í fram kvæmd í skjóli hrunsins og án þess
að hafa í sjálfu sér fengið til þess umboð
kjósenda . Sig mundur Davíð Gunn laugs-
son og Bjarni Bendiktsson fengu umboð
kjósenda til þeirra aðgerða sem þeir hafa
nú kynnt .
Í Tíund, tímariti ríkisskattstjóra, birtist í
maí 2013 grein eftir Ragnheiði Björnsdótt-
ur, lögfræðing hjá embætti ríkisskattstjóra,
þar sem hún birtir á sex þéttskrifuðum síðum
yfirlit yfir helstu skattalagabreytingar eftir
hrun en í fyrirsögn segir að aldrei hafi verið
gerðar jafnmargar breytingar á sköttum á
jafn stuttum tíma . Breytingarnar hafi verið
umfangsmestar á beinum sköttum og þá
sérstaklega lögum um tekjuskatt .
Þegar Steingrímur J . hratt af stað þessari
miklu hrinu skattalagabreytinga var látið í
veðri vaka að þær væru nauðsynlegar vegna
hrunsins . Það var skálkaskjól . Steingrímur
J . nýtti sér einfaldlega hrunið til að skapa
hreint umrót í skattkerfinu og í því skyni að
fara sem dýpst í vasa þeirra sem hann taldi
helstu pólitísku andstæðinga sína . Þessi saga
heiftar og langrækni hefur ekki verið sögð á
þann veg sem ber .
II .
M orgunblaðið minntist 100 ára afmæl is síns með því að senda
blaðamenn og ljósmyndara umhverfis
Steingrímur J . nýtti sér einfaldlega hrunið til að
skapa hreint umrót í skatt-
kerfinu og í því skyni að fara
sem dýpst í vasa þeirra sem
hann taldi helstu pólitísku
andstæðinga sína . Þessi saga
heiftar og langrækni hefur ekki
verið sögð á þann veg sem ber .