Tímarit Máls og menningar - 22.10.2002, Side 24

Ljóð
Kristín Bjarnadóttir
Fyrsti dansinn
I.
móðir mín sýndi mér vikivaka að vestan
við stóð ég úti í túnglsljósi
kenndi mér færeyingaspor og hringdans
á skákborði eldhússgólfsins
hún breyttist við dansinn og eitthvað úr önundarfirði
gerði hana dreymna í spori svo fjaður kom í korkinn
magnaði upp veggi og glugga
kom í gufuna uppúr matnum fyrir hádegi
en mest í hana sjálfa líkt og í rödd hennar á kvöldin
sem bjó til engla úr bænum sem hún bar með sér að vestan
við tvær og tunglsljósið um hábjartan dag
voru töfrar og fannhvítir fákar
þegar við stigum hringdans
um dökka reiti og ljósa
á korklögðu eldúsgólfinu heima
og drottningin sú arna kom og heilsaði og hló
kom til baka þegar við vildum
hvort hún kom að vestan vildi mamma aldrei segja
en tunglsljósið atarna kom bara úr einni átt
eftir vikivakann okkar
24 Ljóð Kristín Bjarna 17.10.2002 11:02 Page 24