Gerðir kirkjuþings - 01.01.2014, Blaðsíða 31

31
embættanna og laun starfsmanna Biskupsstofu greiðist af fjárlagalið 06-701 Þjóðkirkjan.
Annar rekstrarkostnaður er hjá 06-705 kirkjumálasjóði auk launa starfsmanna sjóðsins.
15% af tekjum Jöfnunarsjóðs sókna er eins og undanfarin ár ráðstafað til kirkjumálasjóðs
á sama hátt og Kristnisjóði, en síðarnefndi sjóðurinn hefur runnið til kirkjumálasjóðs frá
og með árinu 2006. Þess er gætt að fjármunum sé ráðstafað í samræmi við lögbundinn
tilgang hvors sjóðs um sig, með aðgreiningu í bókhaldi á viðfangsefnum sjóðanna.
Áfram verði Jöfnunarsjóður sókna, Skálholt, Strandarkirkja og Tónskóli þjóðkirkjunnar
aðgreindar stofnanir ásamt ýmsum vörslusjóðum sem biskup Íslands varðveitir. Þessar
breytingar tóku gildi um síðustu áramót. Fjárhagsáætlanir og bókhald er fært til samræmis
við framangreindar breytingar. Breytingarnar hafa verið kynntar Ríkisendurskoðun.
Tekjuskerðing þjóðkirkjunnar
Þjóðkirkjan hefur tekið á sig umtalsverða tekjuskerðingu þar sem greiðslur ríkisins
til kirkjunnar hafa minnkað ár frá ári. Annars vegar er þar um að ræða lögbundin
sóknargjöld, félagsgjöld, sem ríkið innheimtir og hins vegar samningsbundnar greiðslur
ríkisins vegna kirkjueigna sem ríkinu voru afhentar með sérstöku samkomulagi frá 1997.
Óumdeilt er að sóknir þjóðkirkjunnar hafa orðið fyrir mun meiri skerðingu en stofnanir
innanríkisráðuneytisins. Ríkið hefur viðurkennt þetta misræmi og hefur bætt skerðingu
sóknargjalda undanfarinna ára að hluta með viðbótarframlagi. Fram hafa farið viðræður
þjóðkirkjunnar og ríkisins um fjárhagsleg samskipti. Markmið þeirra viðræðna er m.a.
leiðrétting á sóknargjöldunum, að gerður verði skriflegur samningur um innheimtu og
skil sóknargjalda og að skerðingar undanfarinna ára á kirkjujarðasamkomulaginu gangi til
baka. Kirkjuráð leggur þunga áherslu á að ríkið standi við skuldbindingar sínar samkvæmt
samningum ríkis og kirkju.
Fram kemur í ársreikningum sjóða og stofnana að góður árangur hefur náðst í rekstri
þjóðkirkjunnar undanfarin ár samhliða því að unnið hefur verið að því að verja
grunnþjónustu kirkjunnar. Þjóðkirkjan hefur brugðist við niðurskurðarkröfum ríkisins
með því að fækka prestum og starfsfólki Biskupsstofu. Auk þess hefur rekstrarkostnaður
verið dreginn saman, prófastsdæmi sameinuð og námsleyfi hafa verið skert. Þá hafa eignir
verið seldar sem eru óhagkvæmar í rekstri til að tryggja þjónustu kirkjunnar þrátt fyrir
rýrnandi tekjustofna.
Fjárlagafrumvarp 2015 og fjárhagsáætlun 2015
Fjárlagafrumvarp fyrir árið 2015 var lagt fram 9. september 2014. Fyrri umræða um
fjárhagsáætlanir sjóðanna fyrir árið 2015 fór fram á kirkjuráðsfundi 8.október sl.
Áætlanirnar fyrir 2015 verða kynntar á kirkjuþingi 2014 og þær ræddar þar. Gengið er frá
endanlegum fjárhagsáætlunum að jafnaði á desemberfundi kirkjuráðs.
Fundur af hálfu kirkjuráðs með fulltrúum innanríkisráðuneytis
Kirkjuráð óskaði eftir fundi í innanríkisráðuneytinu til að ræða fjárframlög til
þjóðkirkjunnar og var hann haldinn 15. september sl. Var ákveðið að embættismenn
og kirkjuráðsmaður færu á fundinn og sátu fundinn af hálfu kirkjuráðs þau sr. Gísli
Gunnarsson, kirkjuráðsmaður og Sigríður Dögg Geirsdóttir, fjármálastjóri Biskupsstofu.