Gerðir kirkjuþings - 01.01.2014, Blaðsíða 75

75
Skýrsla um rekstur og fjármál
Þjóðkirkjunnar Unnið dagana 16.01-05.02.2014
5
d. Skapa þarf betri verkferla um innheimtu leigutekna annarra jarða kirkjumálasjóðs.
Ríkisendurskoðun hefur gagnrýnt að verkferlar séu ekki nógu skilvirkir hjá embættinu.
Talsvert virðist skorta á að innheimta á leigutekjum embættisins sé skilvirk, og að mati
starfsmanns er varlega áætlað að 5-10 milljónir falli þar árlega milli skips og bryggju.

2. Kostnaður biskupsstofu
a. Afkoma og launakostnaður
Meginhluti reksturskostnaðar embættisins eru launagreiðslur. Árið 2012 var 84 milljóna
króna hallarekstur og fjárvöntun er rúmlega 140 millj fyrir árið 2014. Með endurskoðun
launa gætu sparast 10-20 millj.kr. á ári. Taka verður fram að sýnileiki þessa kostnaðar er
lítill í ársreikningum (sérstaklega Kirkjumálasjóði), þar sem kostnaður sem þessi er
bókaður undir ýmsa liði. Ríkisendurskoðun gerði athugasemd í umfjöllun sinni að
launaáætlanir stæðust ekki hjá embættinu, samkvæmt skjali nr. 13010381bréf frá
Ríkisendurskoðun. Hluti af þeirri skýringu gæti verið hversu víða laun eru bókuð og að
sérstaklega sé greitt fyrir verkefni sem eru innifalin í störfum eins og nefndarsetu. Öðru
máli gegndi ef um aðkeypt vinnuafl væri að ræða. Hér er því breytinga þörf, ekki síst á
verkferlum bókunar svo ársreikningurinn verði gagnsærri og allar lykiltölur aðgengilegar.

b. Nefndarlaun
Skilgreina þarf hvenær verkefni nefnda og vinnuhópa falla innan verksviðs þeirra sem sem
í þeim eru. Ef jafnað er til ríkisstofnana, þá tíðkast þar að greiða nefndarlaun þeim sem
kallaðir eru til slíkra starfa við verkefni sem falla utan verksviðs þeirra. Þeir sem sitja í
nefndum og vinnuhópum sem fjalla um mál sem falla innan verksviðs viðkomandi fá ekki
greidd sérstök nefndarlaun. Að sjálfsögðu yrði greitt fyrir útlagðan kostnað eins og t.d.
akstur.

3. Skipulagsmál
Starfsfólki finnst gott að vinna hjá embættinu. Þó kemur fram í samtölum við starfsfólk að
óánægja er með skipulag starfseminnar á Biskupsstofu, óljósar boðleiðir og borið hefur á
gagnrýni á fælni við ákvörðunartöku. M.a. er stjórnskipulagi Biskupsstofu kennt um, þar
sem skipuritið er ekki samhæft fyrir embættið. Vinnuhópurinn telur grundvallaratriði að
skipulagi og verkþáttum á Biskupsstofu verði breytt. Það sé forsenda þeirra rekstrarlegu
breytinga sem gera þarf á starfseminni. Vinnuhópurinn styður heilshugar áður
framkomnar tillögur m.a. frá Ríkisendurskoðun um skiptingu yfirstjórnunar Biskupsstofu
annars vegar í stjórnun og framkvæmd trúarlegra málefna og hins vegar stjórnun
veraldlegra rekstrarlegra þátta sem er í átt að þeim tillögum sem Ríkisendurskoðun lagði
til í skýrslu sinni árið 2011. Æðsti yfirmaður kirkjunnar verði áfram Biskup Íslands en
hans næsti undirmaður verði framkvæmdarstjóri sem stjórnar veraldlegum rekstri
Biskupsstofu. Jafnframt gegndi viðkomandi starfsmaður stöðu framkvæmdastjóra
kirkjuráðs og hefði yfirumsjón með fasteignum þjóðkirkjunnar, fjármálum og bókhaldi.
Hér skiptir miklu mál að til starfsins veljist einstaklingur sem hefur reynslu af rekstri,
menntun og hæfileika til að gegna þessu embætti í góðu samstarfi við biskup, starfsfólk