Gerðir kirkjuþings - 01.01.2014, Blaðsíða 77

77
Skýrsla um rekstur og fjármál
Þjóðkirkjunnar Unnið dagana 16.01-05.02.2014
7
hverjir munu sitja í samninganefnd Þjóðkirkjunnar í viðræðum við ríkið og jafnframt að til
þess starfs verði valdir aðilar er ekki sitja í yfirstjórn kirkjunnar.
Vert er að minna viðsemjendur embættisins á þá staðreynd að ríkið fékk um gríðarlegan
fjölda af jörðum landsins með þessu samkomulagi árið 1907, margar þeirra ómetanlegar.
Afar mikilvægt er að reyna að gera sér einhverja grein fyrir þessu, t.d. bara sem
áróðurstæki. Greiðslur sem nema innan við 2.000 millj króna á ári er ekki há greiðsla fyrir
þetta land í dag. Með mjög grófri nálgun má segja að í dag sé ríkið að greiða leigu sem
nemur 5 aurum á fermetra af því landi sem það fékk á sínum tíma.
Þar sem um þjóðkirkjuna er að ræða og samþykkt félagsgjöld (sóknargjald), er að mati
nefndarinnar eðlilegast að tengja greiðslur á allan hátt við það gjald hverju sinni. Er þá
allra hagur að halda uppi öflugu „markaðsstarfi“ í því að boða trúna, rækta
náungakærleika og stuðla með ráðum og dáð að fjölgun sóknarbarna um allt land.

5. Fullvirðisréttur.
Embættið á í dag 1.765 ærgildi og um 98.000 lítra mjólkurkvóta. Með sölu þessara eigna
fást í kringum 90 millj króna (Ath. Ekki hægt að selja mjólkurkvóta í Hraungerði vegna
erfðaábúðar). Samkvæmt upplýsingum sem nefndin fékk er verð á ærgildinu kr. 34.000 og
mjólkurlítrinn er verðlagður, samkvæmt bestu heimildum nefndarinnar, á 320 krónur.

6. Kirkjumálasjóður
a. Almennt
Kirkjumálasjóður á talsverðar fasteignir. Erfitt er að meta nákvæmt verðmæti þeirra en
hugmyndir eru uppi um sölu, bæði prestbústaða og annarra eigna. Stefna embættisins ætti
að vera sú að lágmarka eignaumsýslu sína með sölu á öllum þeim eignum sem ekki er
bráðnauðsynlegt að eiga. Samkvæmt efnahagsreikningi eru eignir að fasteignamati yfir
2.500 millj króna. Hinsvegar eru skuldir sjóðsins nú um 320 millj og ætti því að lágmarki
að stefna að því, sem allra fyrst, að selja eignir upp í skuldir svo að sjóðurinn verði
skuldlaus. Við það eykst greiðslugetan um 15-20 milljónir á ári sem í dag fara í greiðslur á
afborgunum og vöxtum.
b. Húsnæði Biskupsstofu
Lagt er til að Biskupsstofa skipti út skrifstofuhúsnæðinu sínu hið fyrsta. Húsnæðið er á
allan hátt óhentugt til rekstrar embættisins, á það við um staðsetningu, aðgengi og
starfsaðstaðöðu. Sem dæmi telur nefndin að húsnæði Biskupsstofu eigi að rúma kirkjuþing
og minni og stærri fundi sem þurfa að eiga sér stað á vegum embættisins. Húsnæðið við
Laugarveg er um 1.000 fm en áætlað er að heildarfjöldi fm sem Biskupsstofa þarf og annað
húsnæði sem tengt er rekstri hennar sé um 1.500 fm. Áætlað söluverð á Laugavegi 31 er
um 400-430 milljónir. Áhvílandi skuldir eru um 210 milljónir Því má gera ráð fyrir að
nettóeign Biskupsstofu í húsnæðinu við Laugarveg 31 sé um 200 milljónir. Nóg er af lausu
og hentugra húsnæði annars staðar á Reykjavíkursvæðinu og án efa verður hægt að að
finna mjög hentugt húsnæði án þess að íþyngja Kirkjumálasjóði um of. Áætlað er að
kaupverð slíks húsnæðis gæti verið um 250 milljónir. Þessi breyting, ef hentugt húsnæði