Gerðir kirkjuþings - 01.01.2014, Side 121

121
BISKUPSSTOFA Laugavegi 31 150 Reykjavík Sími 528 4000 Fax 528 4098 kirkjan@kirkjan.is www.kirkjan.is
The Evangelical Lutheran Church of Iceland BISHOP’S OFFICE Laugavegur 31 IS 150 Reykjavik Iceland
Tel. 528 4000 Fax 528 4098 kirkjan@kirkjan.is www.kirkjan.is

Kirkjuráð

Reykjavík, 26. maí 2014

Fjármála- og efnahagsráðherra
Bjarni Benediktsson

Efni: Athugasemdir kirkjuráðs við svari fjármála- og efnahagsráðherra vegna fyrirspurnar
Birgittu Jónsdóttur, alþingismanns, um sóknargjöld.

Á fundi kirkjuráðs þann 9. apríl sl. var fjallað um svar fjármála- og efnahagsráðherra vegna
fyrirspurnar Birgittu Jónsdóttur, alþingismanns um sóknargjöld. Kirkjuráð telur að í svari
ráðherra til alþingismannsins gæti ýmiss misskilnings varðandi sóknargjöld og vill því fá að
koma að nokkrum leiðréttingum.

Eðli sóknargjalda.
Í svari ráðherra til alþingismannsins kemur m.a. fram að innheimtufyrirkomulag
sóknargjaldsins og lögboðnar forsendur þess eigi „sér ekki hliðstæðu í fjárlögum í framlögum
til reksturs annarra aðila sem fjármagnaðir eru úr ríkissjóði“. Sóknargjaldið er félagsgjald
safnaðanna en ekki framlag úr ríkissjóði og upphaflega innheimt beint af sóknarnefndunum,
en síðar af gjaldheimtum sveitarfélaganna samkvæmt sérstökum samningi. Þegar staðgreiðsla
opinberra gjalda var tekin upp er það innheimt með tekjuskatti, eins og á sér stað með útsvar
sveitarfélaganna og kom sú tilhögun til að frumkvæði ríkisins. Sóknargjaldið er því
sjálfstæður tekjustofn (félagsgjald) trúfélaganna með sama hætti og útsvarið er sjálfstæður
tekjustofn sveitarfélaganna.

Lögum um sóknargjöld o.fl. nr. 91/1987 var ætlað að tryggja söfnuðum áfram sömu tekjur og
þeir höfðu haft þegar gjaldið var miðað við útsvarsstofninn. Skal það því ítrekað að í raun
gildir hliðstætt fyrirkomulag um innheimtu sóknargjalda og útsvarsins, enda var upphæð
sóknargjaldsins áður tengd útsvarinu.

Skilgreining á sóknargjaldi.
Í svari ráðherra kemur fram að sóknargjöld séu þrískipt í fjárlögum. Þarna er um misskilning
að ræða.
- Sóknargjald
Sóknargjald sem byggir á lögum um sóknargjöld o.fl. (fjárlagaliður 06-735) er vissulega
óumdeilt.
- Jöfnunarsjóður sókna
Framlag í Jöfnunarsjóð sókna (fjárlagaliður 06-736) sem nemur 18,5% af gjöldum er renna til
þjóðkirkjusafnaða er ekki sóknargjald. Það kemur annars vegar í stað þess ákvæðis í eldri
lögum, að hægt var að sækja tímabundið um allt að helmings álag á sóknargjald til þeirra
safnaða sem stóðu í fjárfrekum framkvæmdum og kröfðust aukinna tekna. Hins vegar var
þessu framlagi svo ætlað að koma í stað ýmissa fastra framlaga til þjóðkirkjunnar á fjárlögum,
1. mál Fskj. I