Morgunblaðið - 30.10.2015, Síða 2

2 FRÉTTIRInnlent
MORGUNBLAÐIÐ FÖSTUDAGUR 30. OKTÓBER 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
„Það hefur verið meiri umræða en
oft áður að þetta sé að færast fram.
Það er ekki rétt hvað okkur varðar,“
segir Þórarinn Ævarsson, fram-
kvæmdastjóri IKEA á Íslandi, en
jólin komu þar á bæ þann 15. októ-
ber síðastliðinn. „Við byrjum alltaf á
sama tíma og viðbrögðin í ár hafa
verið góð og hefðbundin.“
Marga daga tekur að undirbúa
verslunina fyrir komu jólanna, en
hún er skreytt í bak og fyrir með
jólaljósum og öðru jólaskrauti.
Landsmenn fara jafnan ekki var-
hluta af því þegar jólageitin rís á lóð
IKEA hvert ár en í þetta skipti
brann hún til kaldra kola.
„Það er fullt af fólki sem er sér-
fræðingar í IKEA og áttar sig á því
að jólavaran kemur í mjög takmörk-
uðu upplagi,“ segir Þórarinn. Því
komi margir á fyrsta degi jólasöl-
unnar til að tryggja sér nýjan varn-
ing fyrir jólin. „Í ár voru það
skemmtilega rauð jólaglös sem klár-
uðust fyrst,“ segir hann en ómögu-
legt sé að sjá fyrir hvað verði vinsæl-
ast á hverju ári.
Jólakortin lifa enn góðu lífi
Rúmfatalagerinn hefur einnig ýtt
jólunum úr vör í sínum verslunum.
Það er gert í lok september á hverju
ári. „Viðbrögðin hafa verið mjög
góð,“ segir Bjarki Beck, markaðs-
stjóri Rúmfatalagersins. Segir hann
það sjást fljótt í aukinni sölu þegar
búið sé að auglýsa komu jólavarn-
ingsins í búðirnar.
„Seríurnar hafa alltaf verið mjög
sterkar en það er gaman að sjá að við
vorum með tax free um síðustu helgi
og þá voru jólakortin mjög ofarlega,“
segir hann léttur í bragði, en margir
hafi haldið að þau væru á útleið með
tilkomu samfélagsmiðlanna. „Þau
lifa enn mjög góðu lífi.“
Búðirnar eru einnig jólaskreyttar
í bak og fyrir en þó hafa jólalögin
ekki tekið að óma þar enn. „Nei, við
erum ekki komin svo langt en það
styttist í það,“ segir Brynjar og ósk-
ar landsmönnum gleðilegra jóla.
laufey@mbl.is
Góð viðbrögð við snemmbúinni jólaverslun
Morgunblaðið/Eggert
Jólafjör Margar verslanir hafa þegar byrjað að selja jólavarning og skraut.
 Jólaverslun hefst iðulega tveimur mánuðum fyrir jól  Mikil ásókn myndast í vinsælar jólavörur
Ísak Rúnarsson
isak@mbl.is
Ingveldur Geirsdóttir hlaut í gær
hvatningarverðlaun Brjóstaheilla
fyrir að afhjúpa líkama sinn á forsíðu
Morgunblaðsins þann 22. febrúar
þessa árs. Verðlaunin voru veitt í
fyrsta skipti í ár, en Brjóstaheill
hyggjast veita þau aftur að ári. Ingv-
eldur, sem var barnshafandi þegar
myndin var tekin, hefur nú lokið
lyfjagjöf og er á batavegi. Hún er nú í
fæðingarorlofi en dóttir hennar
fæddist í apríl.
Ingveldur sagði í samtali við
Morgunblaðið að hún hefði ekki endi-
lega gert sér grein fyrir því hversu
stórt skref hún væri að taka þegar
hún afhjúpaði líkama sinn en að hún
hefði þó vitað að sennilega hefði eng-
in slík mynd birst í hérlendum miðl-
um. „Ég fann enga mynd en svo sá
ég grein í erlendum miðli en þar var
kona í viðtali og beraði sig og sýndi
örið. Hún var reyndar ekki ólétt en
mér fannst þetta svo áhrifamikið.
Það gerði svo mikið fyrir mig á þeim
tíma að sjá aðra konu í sömu stöðu.
Þá hugsaði ég að það væri kannski
bara tími til kominn að einhver gerði
þetta hér á landi,“ sagði Ingveldur.
Hún sagði jafnframt að eftir að við-
talið birtist hefði hún tekið eftir því í
nærumhverfi sínu að konur sem
hefðu glímt við krabbamein væru
ekki lengur eins feimnar gagnvart
þeim útlitsbreytingum sem fylgdu
krabbameini.
Þá hefur Ingveldur allt frá því hún
hafði heilsu til eftir aðgerðina sótt
sundstaði á höfuðborgarsvæðinu og
segir að þar sé hvorki glápt, starað
né dæmt. Hún nefnir það vegna þess
að hún hafði heldur ekki séð konur
sem höfðu farið í gegnum brjóstnám í
sundi þegar viðtalið var tekið í febr-
úar síðastliðnum en hún telur það
hluta af þeirri feimni sem ríkir gagn-
vart útlitsbreytingum af völdum
krabbameins.
Anna Sigríður Arnardóttir, vara-
formaður Brjóstaheilla, veitti Ingv-
eldi verðlaunin, en hún segir mikil-
vægt að verðlauna það sem vel er
gert og benda á þegar einhver mann-
eskja hefur verið öðrum hvatning.
„Við tókum það upp á stjórnarfundi,
þegar myndin birtist í febrúar, hvað
þetta væri sterkt og náttúrulega
rosalega gott fordæmi,“ segir Anna.
Hún bætti við að Ingveldur væri
mikill brautryðjandi og það væri
mikilvægt fyrir konur sem greindust
með krabbamein að vita að brjóst-
nám væri ekkert til þess að vera
feimin yfir. Að hver fyrirmynd skipti
máli fyrir þær 240 konur sem greind-
ust árlega með krabbamein og þyrftu
að takast á við sjúkdóminn. „Ef þú
getur séð rosalega flotta konu varpa
þessu fram og umvefur það einhverri
væntumþykju þá hugsa allar: Já, ég
get þetta líka,“ segir Anna.
Morgunblaðið/Eggert
Verðlaun Anna Sigríður Arnardóttir, varaformaður Brjóstaheilla, afhendir Ingveldi Geirsdóttur hvatningar-
verðlaunin í gær. Kristinn Ingvarsson ljósmyndari og Brynja Björk Gunnarsdóttir standa til hægri.
Ingveldur hlýtur
hvatningarverðlaun
 Sýndi líkamann eftir brjóstnám á forsíðu Morgunblaðsins
Forsíðan Ingveldur birtist á forsíðu
Morgunblaðsins í febrúar.
STÆRÐFRÆÐI-
KENNARAR LÆRI
MEIRI STÆRÐFRÆÐI
16
22. FEBRÚAR 2015
ANNSÓKNR
ENGAR FORMÚLUR
BARATILFINNINGAR SUNNUDAGUR
AF HVERJU
EKKI ÉG?
AF HVERJU ÉG? SPYRJA MARGIR SEM
GREINAST MEÐ KRABBAMEIN.
INGVELDUR GEIRSDÓTTIR TEKUR
ANNAN PÓL Í HÆÐINA. AF HVERJU
EKKI ÉG? VORU VIÐBRÖGÐ HENNAR
VIÐ SKÆÐU KRABBAMEINI Í
BRJÓSTI SEM GREINDIST Á
MIÐRI MEÐGÖNGU. HVORT
TVEGGJA GENGUR VEL,
LYFJAMEÐFERÐIN OG
MEÐGANGAN 46
HOPPANDI GLÖÐ
YFIR EDDUNNI
MATARVEISLA MEÐ SÖNG
BRYNHILDUR ÓLAFS 2
ALBERT OG BERGÞÓR 30
Biskup Íslands, Agnes M. Sigurðar-
dóttir, braut jafnréttislög þegar sr.
Þráinn Haraldsson var skipaður í
embætti prests í Garðaprestakalli í
janúar á þessu ári. Sr. Úrsúla Árna-
dóttir kærði ráðninguna og hafði
betur.
Í úrskurði kærunefndar jafnrétt-
ismála kemur fram að embættið hafi
verið auglýst til umsóknar í byrjun
nóvember á síðasta ári og við val á
presti yrði hæfni í mannlegum sam-
skiptum meðal annars lögð til grund-
vallar sem og reynsla af barna- og
unglingastarfi. Tíu umsóknir bárust.
Í úrskurðinum kemur fram að Úr-
súla hafi lokið embættisprófi í guð-
fræði árið 2006 og vígst til prestþjón-
ustu í desember 2008. Þráinn lauk
embættisprófinu 2009 og vígðist í
Noregi árið 2011. Þá hafði Úrsúla
lokið diplomaprófi í sálgæslu og
ýmsum námskeiðum, meðal annars á
vegum Endurmenntunar Háskóla
Íslands þar sem eitt námskeiðið
fjallaði um sálgæslu barna og ung-
linga.
Þráinn hafði lokið 6. stigs prófi í
einsöng og fékk 10 stig fyrir hjá val-
nefndinni fyrir aðra menntun. Úr-
súla fékk engin stig fyrir sína mennt-
un jafnvel þó að hún hafi sungið í kór
um árabil.
Fyrir liðinn
starfsferil fékk
Þráinn tíu stig en
Úrsúla fjögur
stig. Í umsókn
Úrsúlu kom fram
að hún hefði verið
á vinnumarkaðn-
um síðan 1978,
gegnt embætti
sóknarprests á
landsbyggðinni í
tæp fimm ár og gegnt í afleysingum
starfi prests og sóknarprests í
Garðaprestakalli og á höfuðborgar-
svæðinu í eitt ár. Þráinn hafði verið
prestur í þrjú ár í Noregi.
Fyrir lá að Þráinn var talinn hæf-
astur þrátt fyrir minni menntun og
styttri starfsferil. Úrsúla var metin
jafnhæf hvað varðaði menntun og
starfsreynslu. Segir í úrskurðinum
að leiddar séu líkur að því að kyn-
ferði hafi legið til grundvallar
ákvörðun um skipun í embætti
prests í prestakallinu. Er það mat
nefndarinnar að biskup Íslands hafi
ekki fært fram málefnalegar ástæð-
ur fyrir skipuninni. Braut hún því
gegn ákvæði 1. mgr. 26. grein laga
númer 10/2008 um jafna stöðu og
jafnan rétt kvenna og karla.
benedikt@mbl.is
Braut jafnréttis-
lög við ráðningu
Agnes M.
Sigurðardóttir
 Einsöngspróf metið hærra en sálgæsla
Eygló Harðardóttir, félags- og hús-
næðismálaráðherra, og Poul Mic-
helsen, utanríkis- og vinnu-
málaráðherra Færeyja og
samstarfsráðherra Norðurlanda í
Færeyjum, áttu fund í gær þar sem
rætt var um málefni flóttafólks og
aðstæður landanna tveggja til að
taka á móti flóttamönnum.
Eygló gerði á fundinum grein
fyrir stöðu þessara mála hér á landi
og áformum stjórnvalda um mót-
töku flóttafólks fram undan. Fram
kom hjá Michelsen að Færeyingar
vildu gjarnan fylgjast með því
hvernig Íslendingar stæðu að mál-
um þar sem Ísland og Færeyjar
ættu það meðal annars sammerkt
að vera tiltölulega fámennar eyjar á
norðlægum slóðum. Rætt var um
hvernig til hefði tekist með móttöku
hópa flóttafólks á liðnum árum hér
á landi, samstarf ráðuneyta og
sveitarfélaga og frjálsra fé-
lagasamtaka, aðkomu Rauða kross-
ins og fleira sem snýr að skipulagi
móttöku flóttafólks.
Ef allt gengur að óskum munu
þrettán fjölskyldur frá Sýrlandi
sem dvelja í flóttamannabúðum þar
koma hingað til lands fyrir jól. Gögn
hafa borist frá Flóttamannastofnun
Sameinuðu þjóðanna til velferðar-
ráðuneytisins um fjölskyldurnar. Sú
fjölmennasta telur níu manneskjur.
Eygló fundaði um þessi mál með
flóttamannaefnd í gær.
Ræddu um komu
flóttamanna til landsins
Ráðherrar Eygló Harðardóttir og
Poul Michelsen frá Færeyjum.
 13 sýrlenskar fjölskyldur væntanlegar