Morgunblaðið - 30.10.2015, Page 21

Erlent
MORGUNBLAÐIÐ FÖSTUDAGUR 30. OKTÓBER 2015
SAMKVÆMT BÓKSÖLU Í PENNANUM EYMUNDSSON UM LAND ALLT
METSÖLULISTI EYMUNDSSON
VIKAN 21.10.15 - 27.10.15
1 2
5 6
7 8
109
43
Mamma klikk !
Gunnar Helgason
Þarmar með sjarma
Giulia Enders
Íslensk litadýrð
Elsa Nielsen
Dimma
Ragnar Jónasson
Heimska
Eiríkur Örn Norðdahl
Eitthvað á stærð við alheiminn
Jón Kalman Stefánsson
Útlaginn
Jón Gnarr/Hrefna Lind Heimisdóttir
Hrellirinn
Lars Kepler
Hundadagar
Einar Már Guðmundsson
Inn í myrkrið
Ágúst Borgþór Sverrisson
Bogi Þór Arason
bogi@mbl.is
Tíu frambjóðendur í forkosningum
repúblikana tóku þátt í sjónvarps-
kappræðum í fyrrakvöld og spjótin
beindust þá einkum að Donald
Trump og Ben Carson sem eru með
mest fylgi ef marka má síðustu
skoðanakannanir.
Báðir eru þeir óreyndir í stjórn-
málunum; Ben Carson er fyrrver-
andi taugaskurðlæknir en Trump
einn af þekktustu auðkýfingum
Bandaríkjanna. Trump þótti óvenju
stilltur í framgöngu að þessu sinni,
forðaðist að gagnrýna keppinauta
sína og var jafnvel „forsetalegri“ en
áður, eins og fréttaskýrandi CNN
orðaði það. Hann telur að Trump
hafi komið vel út úr kappræðunum
og e.t.v. sefað áhyggjur kjósenda
sem telja hann of duttlungafullan til
að geta gegnt forsetaembættinu.
Ben Carson forðaðist einnig að
gagnrýna keppinauta sína og hafði
sig lengst af lítið í frammi. Hann
þurfti ekki að blása til sóknar því að
kannanir benda til þess að fylgi hans
hafi aukist síðustu vikur og talið er
að kappræðurnar hafi lítil áhrif á
stuðninginn við hann. Carson hefur
verið gagnrýndur vegna nokkurra
vafasamra ummæla sinna í kosn-
ingabaráttunni, m.a. um að líkurnar
á útrýmingarherferð nasista gegn
gyðingum hefðu verið miklu minni ef
byssueign almennings í Þýskalandi
hefði ekki verið takmörkuð.
Skoðanakannanir benda til þess að
Carson njóti einkum góðs af því að
margir kjósendanna telja hann vera
viðkunnanlegri en keppinautarnir,
m.a. vegna rólegs viðmóts hans og
hnyttni, auk virðingarinnar sem
hann ávann sér sem taugaskurð-
læknir eftir að hafa brotist til
mennta úr fátækt, að sögn New
York Times.
Atlagan kom Bush í koll
Einn frambjóðendanna, John Kas-
ich, ríkisstjóri Ohio, gagnrýndi efna-
hagsstefnu Trumps og Carsons og
sagði loforð þeirra um skattalækk-
anir vera „draumórastefnu“ sem
myndi stórauka fjárlagahalla Banda-
ríkjanna. „Gott fólk, við verðum að
vakna. Við getum ekki kosið ein-
hvern sem veit ekki hvernig standa
þarf að verki. Þið þurfið að kjósa ein-
hvern sem hefur reynslu.“
Kasich er á meðal nokkurra fram-
bjóðenda sem höfða til miðjumanna
og reyna að sannfæra ráðandi öfl í
flokki repúblikana – og peningaöflin
– um að þeir séu best til þess fallnir
að sigra þá frambjóðendur sem eru
lengra til hægri og síðan Hillary
Clinton, sem er talin líklegust til að
verða forsetaefni demókrata. Helstu
keppinautar Kasich í þeirri baráttu
eru Chris Christie, ríkisstjóri New
Jersey, Jeb Bush, fyrrverandi ríkis-
stjóri Flórída, og Marco Rubio, öld-
ungadeildarþingmaður frá Flórída.
Margir fréttaskýrendur telja að
Rubio hafi verið helsti sigurvegarinn
í þriðju sjónvarpskappræðum fram-
bjóðendanna í fyrrakvöld, tæpum
100 dögum áður en forkosningar
repúblikana hefjast. Aðrir telja að
Chris Christie hafi staðið sig best en
flestir eru sammála um að Jeb Bush
hafi komið illa út úr rimmunni.
Bush hefur hingað til verið tregur
til að gagnrýna Marco Rubio, fyrr-
verandi skjólstæðing sinn, en ákvað
að leggja til atlögu við hann í kapp-
ræðunum með því að skírskota til
þess að þingmaðurinn hefur misst af
meira en 60 atkvæðagreiðslum í öld-
ungadeildinni frá því að hann bauð
sig fram í forkosningunum. „Þetta er
sex ára kjörtímabil, þú ættir að
mæta í vinnuna,“ sagði Jeb Bush við
Rubio. „Er þetta frönsk vinnuvika?
Segðu bara af þér og látu einhvern
annan taka við starfinu.“
Rubio varðist þessu fimlega og
margir fréttaskýrendur telja að at-
lagan hafi komið Bush sjálfum í koll.
„Við sækjumst eftir sama embætti
og einhver hefur sannfært þig um að
það hjálpi þér að ráðast á mig,“ sagði
Rubio og skírskotaði til þess að fylgi
Bush hefur minnkað í könnunum.
„Kosningabarátta mín snýst um
framtíð Bandaríkjanna. Hún snýst
ekki um að ráðast á þá sem eru
hérna með mér á sviðinu. Ég held
áfram að bera mikla virðingu fyrir
Bush.“
Ted Cruz er einnig talinn hafa
komið vel út úr kappræðunum, eink-
um þegar hann setti út á gagnrýnar
spurningar spyrla CNBC-sjónvarps-
ins sem stóð fyrir kappræðunum.
„Spurningarnar sem við höfum feng-
ið hingað til í kappræðunum sýna
hvers vegna bandaríska þjóðin
treystir ekki fjölmiðlunum,“ sagði
Cruz og sakaði þá um að draga taum
demókrata.
Spjótin beindust að
Trump og Carson
 Rubio, Christie og Cruz komu vel út úr slagnum en Bush illa
AFP
Tekist á Jeb Bush, Marco Rubio, Donald Trump, Ben Carson og Carly Fior-
ina í sjónvarpskappræðum í borginni Boulder í Colorado-ríki í fyrrakvöld.
Ben Carson í sókn
» Donald Trump er enn fylgis-
mesti frambjóðandinn í for-
kosningum repúblikana ef
marka má kannanir síðustu
vikna en Ben Carson hefur sótt
í sig veðrið og skaust fram úr
honum í könnun sem birt var á
þriðjudag.
» Að meðaltali er Trump með
26,8% fylgi og Carson 22% í
könnunum sem gerðar hafa
verið í öllu landinu, að því er
fram kemur á vefnum Real-
ClearPolitics.
» Marco Rubio er í þriðja sæti
með 9%, Jeb Bush með 7% og
Ted Cruz 6,6%.
Stjórnvöld í Kína tilkynntu í gær að
ákveðið hefði verið að afnema þá
reglu að hvert par mætti aðeins
eignast eitt barn. Barneignir verða
þó ekki frjálsar því að hvert par má
aðeins eignast tvö börn eftir breyt-
inguna.
Einbirnisstefnan var tekin upp ár-
ið 1979 til að draga úr fólksfjölgun í
landinu. Kínversk stjórnvöld segja
að hún hafi komið í veg fyrir 400
milljónir barnsfæðinga. Pör sem
brutu einbirnisregluna voru sektuð,
sum misstu vinnuna og margar kon-
ur voru neyddar í fóstureyðingu.
Stefnan varð til þess að kínverska
þjóðin eldist nú hratt og það er talið
hamla hagvexti. Kínverjum á vinnu-
aldri hefur fækkað og um 30%
þjóðarinnar eru eldri en 50 ára.
Einbirnisstefnan varð einnig til
þess að mörgum kvenfóstrum var
eytt vegna þess að pörin vildu frekar
eignast dreng og talið er að margar
nýfæddar stúlkur hafi verið bornar
út. Fyrir hverjar 100 stúlkur fæðast
um 118 drengir í Kína, að sögn heil-
brigðisyfirvalda í Peking.
Þvingunum verði hætt
Vegna þessara vandamála hafa
kínversk stjórnvöld slakað á stefn-
unni á síðustu árum. Pörum í sveit-
um landsins var t.a.m. heimilað að
eignast tvö börn ef frumburðurinn
var stúlka. Fyrir tveimur árum var
sett sú regla að pör mættu eignast
annað barn ef að minnsta kosti ann-
að foreldranna er einbirni.
Mannréttindahreyfingar fögnuðu
í gær þeirri ákvörðun að afnema ein-
birnisstefnuna en sögðu að barn-
eignir hefðu ekki verið gerðar frjáls-
ar og kínversk yfirvöld þyrftu að
hætta því að þvinga konur í ófrjó-
semisaðgerðir eða í fóstureyðingu.
Einbirnisstefna afnumin í Kína
en barneignir ekki frjálsar
 Hvert par má eignast tvö börn eftir breytinguna
AFP
Tvö börn Kínversk börn geta nú
eignast systkin, en aðeins eitt.