Morgunblaðið - 10.03.2016, Blaðsíða 6
6 FRÉTTIRInnlent
MORGUNBLAÐIÐ FIMMTUDAGUR 10. MARS 2016
BAKSVIÐ
Agnes Bragadóttir
agnes@mbl.is
Ólafur Guðmundsson, varaformaður
Félags íslenskra bifreiðaeigenda
(FÍB), hefur undanfarin ár talað um
það opinberlega að götur borgar-
innar væru verr farnar ár eftir ár.
Miklar rásir og holur væru í götum,
gera þyrfti meiri kröfu til malbikun-
ar við útboð og gera kröfu um ákveð-
ið lágmarkshitastig malbiks.
„Ég ræddi þetta síðast í janúar sl.
í samtali við Morgunblaðið. Ég gerði
hið sama í fyrra og árið þar áður, við
afar takmarkaðar undirtektir,“
sagði Ólafur í samtali við Morgun-
blaðið í gær.
„Svo gerist það allt í einu að borg-
arstjórinn segir í Fréttablaðinu að
ráðast þurfi í róttækar aðgerðir, en
það er í fyrsta skipti sem Dagur B.
Eggertsson segir slíkt opinberlega,“
sagði Ólafur.
Uppsöfnuð þörf 40 kílómetrar
Ólafur segir að að vísu hafi 250
milljónum króna verið bætt við mal-
bikunarframkvæmdir í fyrra, þannig
að malbikað hafi verið fyrir 690
milljónir króna. „Það var ekki nema
helmingurinn af því sem ég var bú-
inn að segja að þyrfti að gera, árlega
í þrjú ár. Nú er það búið að lengjast í
4 ár. Ég hef reiknað út þörfina og
það er lágmark að við malbikum 15
kílómetra á ári til þess að halda í
horfinu, sem er það sem við gerðum
fram að hruni, en kílómetrafjöldinn
núna í malbikun á ári er kominn nið-
ur í 8,9 hjá borginni. Uppsöfnuð þörf
hjá borginni er þannig komin í 40
kílómetra og svo bætast alltaf við 15
á ári,“ sagði Ólafur.
„Ef við gefum okkur það að við
ætlum að hreinsa þetta upp á þrem-
ur til fjórum árum, þá kostar þetta
1,3 milljarða króna á ári, bara hjá
borginni og annað eins líklega hjá
Vegagerðinni,“ sagði Ólafur.
Vitlausir vagnar, vitlaust bik
Hann segir að þeim mun fyrr sem
brugðist verður við, þeim mun betra,
vegna þess að skemmdirnar verði
alltaf dýrari og dýrari. „Við erum
komnir niður í burðarlagið á vegun-
um og kostnaðurinn margfaldast af
þeim sökum. Það er í raun allt að hjá
okkur. Við erum með vitlausa vagna,
vitlaust bik, við erum með alltof
þunnt malbik og við höfum ekki eft-
irlit með hitanum á malbikinu. Hit-
inn þarf að vera í 140 gráðum þegar
það kemur aftan úr malbikunarvél-
inni og þegar hann er minni, þá
myndast þessar holur. Hitatapið er
gífurlegt frá malbikunarstöð að mal-
bikunarstað. Vegna þess að borgin
gerir engar kröfur um lágmarkshita
malbiksins, þá er það bara þannig að
sá sem er með lægsta tilboðið og
versta verklagið, fær verkefnið, því
borgin gerir ekki kröfur um gæði
verksins,“ segir Ólafur.
Ólafur segir að samkvæmt hans
rannsóknum sé það skylda í Þýska-
landi og allri Skandinavíu að mal-
bikið sé að lágmarki 140 gráða heitt.
Hann bendir á að malbikið á
Reykjavíkurflugvelli sé stráheilt,
þótt sama tíðarfar og álag sé þar, að
undanskildum nöglum og á götum
borgarinnar. „Flugvöllurinn var
malbikaður árið 2000 með norsku
kvarsi og þeir pössuðu upp á hitann
á því. Það er ekki ein sprunga í flug-
vellinum, samkvæmt því sem þeir
hjá Isavia segja mér,“ segir Ólafur.
Dagur B. Eggertsson borgarstjóri
kannast ekki við að borgaryfirvöld
hafi haldið því fram að ástand gatna
í Reykjavík væri viðunandi. „Það
hefur enginn sagt það fyrir hönd
borgarinnar, að ástand gatna í
Reykjavík væri viðunandi,“ sagði
borgarstjóri í samtali við Morgun-
blaðið í gær.
Telja ástand gatna viðunandi
Í frétt hér í Morgunblaðinu hinn
5. mars sl. sagði m.a. undir fyrir-
sögninni „Telja ástand gatna í borg-
inni viðunandi“: „Borgaryfirvöldum
hefur tekist að halda götum Reykja-
víkur í viðunandi horfi þrátt fyrir að
þær komi nú margar illa undan
slæmu tíðarfari í vetur. Þetta er mat
Ámunda Brynjólfssonar, skrifstofu-
stjóra framkvæmda og viðhalds hjá
Reykjavíkurborg, í samtali við
Morgunblaðið.
Blaðamaður reyndi í gær (4. mars
- innskot blm. (að fá viðbrögð Dags
B. Eggertssonar borgarstjóra við
fréttum af holum og öðrum
skemmdum á götum borgarinnar,
tjóni á ökutækjum og hættu sem
þetta skapar í umferðinni, en hann
vildi ekki svara því hvað borgaryf-
irvöld væru að gera í málinu og
hvernig hann brygðist við gagnrýni
sem fram hefði komið og vísaði á
embættismanninn.“
– Dagur var spurður hvort ekki
þyrftu að koma til háar og auknar
fjárveitingar, til þess að geta ráðist í
raunverulegar bætur á gatnakerf-
inu: „Jú, tvímælalaust. Bæði sveit-
arfélögin og ríkið verða að setja
meiri peninga í þessar fram-
kvæmdir, en ráð hefur verið fyrir
gert. Það komu aukafjárveitingar
frá öllum sveitarfélögunum og Vega-
gerðinni í fyrra, með sérstakri
ákvörðun ríkisstjórnarinnar, en aug-
ljóslega þarf að huga að slíkum fjár-
veitingum aftur nú í ár,“ sagði Dag-
ur.
Víðar þarf bætur en í Reykjavík
Borgarstjóri segir að verkefnið sé
stærra en það, að gera við götur
Reykjavíkur, vegna þess að fregnir
berist úr nágrannasveitarfélögum,
eins og Mosfellsbæ, að þegar séu
orðnar skemmdir á götum sem gert
var við í fyrra. Samtölin sem hann
hafi átt við vegamálastjóra og ná-
grannasveitarfélögin gangi út það að
lagt verði mat á þörfina, ekki bara
fyrir þetta ár, og að áætlun verði
gerð bæði um viðhald og endurnýjun
gatnakerfisins, þannig að ekki verði
um viðvarandi vandamál að ræða.
Hann segir að á þessu stigi sé ekki
hægt að leggja mat á hversu dýrt
þetta muni reynast borginni, en það
séu umtalsverðar fjárhæðir.
Þörfin sé 1,3 milljarðar á ári
Varaformaður FÍB segir uppsafnaða malbikunarþörf í borginni vera 40 kílómetra Borgarstjóri
segir að auka þurfi fjárveitingar til malbikunar og holuviðgerða og ekki megi tjalda til einnar nætur
Morgunblaðið/Eggert
Holur Starfsmenn Reykjavíkurborgar við viðgerðir á holu- og malbiksskemmdum neðst á Hverfisgötu síðdegis í gær. Þeirra bíður viðlíka verkefni víða á
götum Reykjavíkur. Borgarstjóri segir að stóraukið fjármagn þurfi íviðgerðir og endurnýjun gatnakerfisins. Sama gildi um nágrannasveitarfélögin.
Ólafur
Guðmundsson
Dagur B.
Eggertsson
Ívar Ásgeirsson hjá MAX1 Bíla-
vaktinni á Bíldshöfða segir að
eftir að götur í Reykjavík fóru
að koma undan snjó og klaka,
með gífurlegum malbikunar-
skemmdum og holum, hafi þeir
hjá MAX1 klárlega orðið þess
áskynja að ýmsar skemmdir á
bifreiðum hafa aukist Öku-
menn hafi óvart ekið ofan hol-
ur eða yfir aðrar malbiks-
skemmdir, eins og sprungur í
malbiki.
„Langalgengustu skemmd-
irnar eru á hjólbörðum, sem
eru þá iðulega skornir á hlið-
um, en einnig hafa í mörgum
tilvikum orðið skemmdir á
felgum,“ sagði Ívar í samtali
við Morgunblaðið í gær.
Hann segir að þar að auki
hafi það gerst að skemmdir
hafi orðið á balansstangar-
endum, fjöðrunargormum og
dempurum.
Skemmdir
hafa aukist
MAX1 BÍLAVAKTIN
Bjarni Benediktsson fjármálaráð-
herra fór hörðum orðum um trygg-
ingafélögin á Alþingi í gær en trygg-
ingafélögin boða sem kunnugt er
hækkandi iðgjöld og milljarða arð-
greiðslur. Helgi Hjörvar, þingmaður
Samfylkingarinnar, spurði fjármála-
ráðherra út í greiðslurnar í óundir-
búnum fyrirspurnartíma á Alþingi.
Sagði Bjarni að tryggingafélögin
væru undir sömu sök seld og önnur
atvinnustarfsemi á landinu þegar
kæmi að því að taka þátt í því með
þinginu, vinnumarkaðnum, sveitar-
félögunum og ríkisvaldinu að endur-
heimta traust sem rofnaði hér á landi
vegna hruns á fjármálamarkaði.
„Maður kallar einfaldlega eftir því
að tillögur sem þaðan berast um
rekstraráform, um það hvernig ráð-
stöfun hagnaðar
eða eigna fer
fram, séu í eðli-
legum takti við
það ákall sem við
vitum að er enn í
samfélaginu. Ég
get ekki annað en
tekið undir með
þingmanninum
að það hlýtur að
hljóma illa í eyr-
um allra landsmanna að menn boði
iðgjaldahækkanir en ætli á sama
tíma að taka út arð sem er langt um-
fram hagnað síðastliðins árs. Þetta
er fyrir mig eiginlega alveg óskilj-
anlegt. En menn sitja þá bara uppi
með skömmina af því,“ sagði Bjarni.
Hann telur þó ekki lagagrundvöll
fyrir ríkið að skerast í leikinn. Helgi
kom aftur í ræðustól og benti Bjarna
á að eigendurnir sætu uppi með
skömmina en almenningur með
reikninginn. Þá sagðist Helgi hafa
heimildir fyrir því að tveir milljarðar
af arðgreiðslum í einu trygginga-
félagi væru fjármagnaðir með lán-
tökum.
Bjarni sagði þá að þrátt fyrir arð-
greiðslurnar væru vátrygginga-
félögin fjárhagslega sterkar stofnan-
ir. „Það breytir því ekki að okkur er
misboðið þegar menn ganga svona
fram gagnvart neytendum og sér-
staklega er það þannig þegar um er
að ræða lögboðnar tryggingar,
tryggingar sem við ákveðum með
lögum að fólk þurfi að taka.“
benedikt@mbl.is
„Okkur er misboðið“
Bjarni Benediktsson harðorður í garð tryggingafélaga
Segir eigendur sitja uppi með skömmina af arðgreiðslum
Bjarni
Benediktsson
GLÆSIBÆ KRINGLUNNI SMÁRALIND utilif. is
Á
R
N
A
S
Y
N
IR
Kíkið á verðin eftir
tollalækkun
Æfingapeysa, hálfrennd
6.990 kr.
íþróttafatnaður
stærðir 36-46