Morgunblaðið - 22.03.2016, Qupperneq 10
10 FRÉTTIRInnlent
MORGUNBLAÐIÐ ÞRIÐJUDAGUR 22. MARS 2016
SVIÐSLJÓS
Guðni Einarsson
gudni@mbl.is
Samgönguáætlun fyrir árin 2015-
2018 var lögð fram á Alþingi sem
þingsályktunartillaga fyrir síðustu
helgi. Með henni er verkefnaáætlun
fyrir annað tímabil stefnumótandi
samgönguáætlunar fyrir árin 2011-
2022 endurskoðuð og uppfærð.
Umfang samgönguáætlunar ár-
anna 2015-2018 er upp á rúmlega
125 milljarða króna. Þar af er veg-
og hafnaáætlun upp á samtals 105,9
milljarða, framlög til hafn-
arframkvæmda eiga að verða 4,3
milljarðar og rúmlega 8,5 milljarðar
eiga að fara til flugvalla og flug-
leiðsöguþjónustu. Til reksturs Sam-
göngustofu fara 6,4 milljarðar.
Almenn verkefni vegna stofn-
kostnaðar vega var 4,4 milljarðar
2015, verður 3,2 á þessu ári, hækkar
í 6,8 milljarða 2017 og 7,7 árið 2018.
Áfram Reykjavíkurflugvöllur
Í áætluninni eru skilgreind ýmis
markmið og áherslur varðandi sam-
göngumál. Þar á meðal eru fimm
markmið um greiðar samgöngur.
Þau eru m.a. að bæta aðgengi og
hreyfanleika í samgöngukerfinu fyr-
ir fólks- og vöruflutninga innan og á
milli svæða. Einnig að skilgreind
verði vinnusóknarsvæði í samræmi
við sóknaráætlun landshluta. Þá á
uppbygging og rekstur samgangna
að efla atvinnulíf innan og milli
landshluta. Huga á að samgöngu-
bótum með tilliti til uppbyggingar
og þróunar ferðaþjónustu. Auk þess
verði gáttir landsins skilgreindar og
styrktar og unnið verði að opnun
fleiri gátta til og frá landinu í þágu
jákvæðrar byggðaþróunar.
Meðal áherslna til að ná mark-
miði um greiðar samgöngur er m.a.
að „viðræðum ríkisins og Reykja-
víkurborgar verði framhaldið með
það markmið að Reykjavíkur-
flugvöllur geti áfram þjónað innan-
landsflugi á fullnægjandi hátt.“
Endurskoða á almennings-
samgöngur á grundvelli nýrra laga
um farþegaflutninga á landi. Skipu-
lag þeirra miðist við heildstætt
kerfi. Áfram á að vinna að forgangi
þeirra í umferðinni með uppbygg-
ingu sérreina, forgangi á umferða-
ljósum og öðrum aðgerðum. Einnig
eru sett fram markmið um hag-
kvæmar samgöngur, umhverfislega
sjálfbærar samgöngur, öryggi í
samgöngum og jákvæða byggðaþró-
un.
Varðandi öryggi í samgöngum er
t.d. nefnt að hraðamyndavélum
verði fjölgað. Einnig verði hugað að
upptöku sjálfvirks meðalhraðaeftir-
lits. Meðalhraði ökutækis á nokk-
urra kílómetra kafla verður þá
mældur en ekki einungis hraði á
einstökum stöðum eins og hingað
til.
Ný aðferð við hraðamælingar
Um 125 milljörðum króna varið til samgöngumála á árunum 2015-2018 Ný samgönguáætlun
2015-2018 lögð fram á Alþingi Skilgreind markmið og áherslur varðandi samgöngur í landinu
Morgunblaðið/Ómar
Vegakerfið Auka á fjárframlög til almennra verkefna við stofn- og tengivegakerfið á árunum 2017 og 2018. Þau
verða 3,2 milljarðar á þessu ári en fara í 6,8 milljarða á næsta ári og svo 7,7 milljarða á árinu 2018.
Morgunblaðið/RAX
Reykjavíkurflugvöllur Stefnt er að því að flugvöllurinn geti áfram þjónað
innanlandsfluginu á fullnægjandi hátt í þágu greiðra samgangna.
Lagt er til í þingsályktunartillögu
að samgönguáætlun 2015-2018 að
framkvæmdir við jarðgöng á milli
Arnarfjarðar og Dýrafjarðar verði
boðnar út seint á þessu ári. Fram-
kvæmdir við jarðgöngin hefjist eft-
ir mitt ár 2017 og að þeim ljúki árið
2020. Áætlað er að Dýrafjarð-
argöng muni kosta um 9,2 milljarða
króna. Jarðgöngin munu stytta
Vestfjarðaveg um 27 kílómetra.
Gert er ráð fyrir því að vinna að
jarðfræðirannsóknum í væntanlegu
gangastæði Seyðisfjarðarganga
fari fram á árunum 2015-2018.
Framkvæmdir við Norðfjarð-
argöng hófust árið 2013 og þeim
mun væntanlega ljúka á næsta ári.
Jarðgöngin munu kosta um 12,5
milljarða króna, samkvæmt jarð-
gangaáætlun.
Framkvæmdir eru hafnar við
jarðgöng að iðnaðarsvæðinu á
Bakka við Húsavík og munu þau
kosta um 3,1 milljarð. Sú fram-
kvæmd er utan þjóðvegakerfisins.
Heildarlengd jarðganga Vega-
gerðarinnar er nú 37,6 kílómetrar
og 43,4 að viðbættum Hvalfjarð-
argöngum sem Spölur rekur.
Fram kemur í athugasemdum að
í fyrri samgönguáætlunum hafi
verið miðað við að aðeins væri unn-
ið að einum jarðgöngum á hverjum
tíma. Ákveðið var með samþykkt
viðauka samgönguáætlunar 2007-
2010 að unnið yrði að gerð tveggja
jarðganga samtímis. gudni@mbl.is
Framlög til jarðganga
Heimild: Samgönguáætlun 2015-2018.Upphæðir eru í milljónum króna.
2015 2016 2017 2018
Norðfjarðargöng 3.000 3.000 2.230
Dýrafjarðargöng 1.500 3.000
Seyðisfjarðargöng 70 70
Jarðgangarannsóknir 10 10
Jarðgöng undir Húsavíkurhöfða 850 1.490 670
Ný jarðgöng fyrir
austan og vestan
Dýrafjarðar- og Seyðisfjarðargöng
Hefðu gjaldskrár markaðra
tekjustofna Vegagerðarinnar
verið hækkaðar til samræmis
við verðlag, eins og flestar aðr-
ar opinberar gjaldskrár, myndu
tekjustofnarnir skila hátt í 23
milljörðum króna á ári í stað 16
milljarða nú. Þetta kemur m.a.
fram í athugasemdum við
þingsályktunartillögu um sam-
gönguáætlun 2015-2018.
Vegagerðin fær bæði fé af
mörkuðum tekjustofnum og
bein framlög úr ríkissjóði.
Hafnarframkvæmdir fá hins
vegar aðeins bein framlög úr
ríkissjóði. Bein framlög úr ríkis-
sjóði 2015 voru samtals 7.833
milljónir króna. Þar af 6.994
milljónir til Vegagerðarinnar og
839 milljónir til hafnarfram-
kvæmda. Samsvarandi tala á
þessu ári er 7.206 milljónir, á
næsta ári 10.025 milljónir og
8.658 milljónir árið 2018. Áætl-
aðar sértekjur Vegagerðarinnar
eftir sameiningu stofnana eru
395 milljónir króna á ári.
Á síðasta ári, 2015, er áætlað
að markaðar tekjur Vegagerðar-
innar hafi verið bensíngjald
7.310 milljónir, kílómetragjald
eða þungaskattur 770 milljónir,
olíugjald 8.140 milljónir og vita-
gjald 274 milljónir. Samgöngu-
áætlunin gerir ráð fyrir árlegum
hækkunum þessara gjalda.
Þannig skili bensíngjaldið 9.150
milljónum árið 2018, þunga-
skatturinn rúmum milljarði,
olíugjaldið 9.925 milljónum og
vitagjaldið 354 milljónum.
Markaðar
tekjur og
framlög
VEGAGERÐIN