Orð og tunga - 01.06.2009, Qupperneq 178

168
Orð og tunga
anna eftir föngum. Hlutdeild sérfræðinga með fagþekkingu hafði þar
með aukist á kostnað húmanista á borð við Guðmund Finnbogason
og Sigurð Nordal.
Frágangur
Nokkurrar ósamkvæmni gætir í meðferð beinna tilvitnana. Þegar
vitnað er beint í íslenska texta er textinn stundum þýddur á sænsku án
þess að birta íslenska textann eða geta þess sérstaklega að um þýðingu
sé að ræða (sjá til dæmis á bls. 39-40 og fjölda tilvitnana í fjórða kafla).
Stundum er íslenski textinn birtur og sænsk þýðing innan sviga, eins
og á bls. 96-97, enda er íslenskan þar beinlínis til umfjöllunar. í tilvitn-
unum á bls. 98-99,135-36 og 154 er aftur á móti aðeins íslenski textinn
og engin sænsk þýðing. Allur texti í töflu 6 á bls. 101 er líka á íslensku
án sænskrar þýðingar. Hætt er því við að umfjöllun þarna missi marks
nema lesandi hafa dágóða þekkingu á íslensku.
Svipuð ósamkvæmni er í meðferð íslenskra titla á greinum og bók-
um. A bls. 14 eru nefndir titlarnir „Rætur íslenskrar þjóðernisstefnu"
og „Réttlæting þjóðernis. Samanburður á alþýðufyrirlestrum Jóns Að-
ils og hugmyndum Johanns Gottlieb Fichte" án þess að þeir séu þýdd-
ir. Lesandi þarf því að vera nokkuð vel að sér í íslensku til að fá vit-
neskju um efni þessara rita. Oft fylgir þó sænsk þýðing íslenskra titla,
til dæmis er nefnd „íslensk [svo] menning (Islándsk kultur)" eftir Sig-
urð Nordal á bls. 41, en á bls. 32 er þessu reyndar öfugt farið. Fyrst
er sænsk þýðing titla (skáletruð) og svo upprunalegi íslenski titillinn
innan sviga: „Islándsk nationalitet (íslenskt [svo] pjóðerni) och Cryning
(Dagrenning)" eftir Jón Aðils. Á bls. 23 er greint frá því að orðanefnd
Verkfræðingafélagsins hafi gefið út Terminologisk ordbok árið 1928.
Þessi titill er skáletraður, enda þótt við blasi að þetta sé þýðing á titl-
inum. Hins upprunalega íslenska titils er ekki getið þarna og sá sem
leitar að Tertninologisk ordbok í ritaskrá grípur í tómt. í ritaskrá er aftur
á móti rit með titlinum íðorðasafn frá 1928. Þegar fjallað er um Nýyrði
I-IV (1953-56) og Tækniorðasafn Sigurðar Guðmundssonar (1959) á bls.
24 eru aftur á móti engir titlar og lesandi á því bágt með að finna þessi
rit í ritaskrá. Ritgerðin er skrifuð á sænsku (en reyndar er lokakaflinn
bæði á sænsku og íslensku) og því er eðlilegt að íslenskt efni sé þýtt
á sænsku. Stofnanaheitin á bls. 90 hefði því átt að þýða á sænsku en
ekki ensku eins og þar er gert.