Bókasafnið - 01.06.2016, Síða 39

Bókasafnið 40. árg – 2016 39
starfandi iðnaðarmenn væru án þessarar grunnkunnáttu.
Skólinn hefur borið mörg nöfn í gegnum tíðina, svo sem
Borgarskolan, Malmö tekniska söndags- och aftonskola,
Tekninska yrkesskolan i Malmö og fleiri heiti. Aðaláherslan
í starfsemi skólans hefur samt lengst af verið sú sama, það
er undirbúningur undir háskólanám og starfsnám.
Ný framhaldsskólalög tóku gildi í Svíþjóð 1970 og í kjöl-
farið breyttist ýmislegt í starfsemi skólans. Nafni hans var
breytt í Värnhemsskolan og ýmsar námsleiðir voru færðar til
annarra skóla í hagræðingarskyni enda var skólinn um það
leyti stærsti framhaldsskóli landsins. Nemendafjöldinn var
rúmlega 7000 nemendur skólaárið 1972-73 en er núna um
1300 nemendur á aldrinum 16–19 ára. Við þessar breyt-
ingar voru skýrari námsleiðir markaðar, það er menntaskóli,
iðnskóli og tveggja ára starfsbrautir með mörgum ólíkum
námsleiðum.
Við skoðuðum meðal annars bakarí skólans, blómaskreyt-
ingastofu og kennslustofu í fatasaum. Einn nemenda í
fataiðn er íslensk stúlka og lét hún vel af skipulagi námsins.
Einnig skoðuðum við húsnæði þar sem nemendur selja
afurðir þessara kennslugreina. Ekki var annað að sjá en að
afskaplega vel væri að verknáminu búið.
Värnhemsskolan er í góðu sambandi við stofnanir og fyrir-
tæki í Malmö og nágrenni enda mikilvægt að skapa aðstæð-
ur til starfsþjálfunar nemenda. Einnig er skólinn í samstarfi
við erlenda skóla vegna nemendaskipta og starfsþjálfunar.
Lestrarátak
Í Malmö er hlutfallslega mjög mikið af innflytjendum og
í Värnhemsskolan er hátt í helmingur nemenda af öðru
þjóðerni en sænsku. Margir þessara nemenda eru afar illa
staddir í sænsku og jafnvel ekki læsir á eigin móðurmál.
Þess vegna er í skólanum lögð mjög mikil áhersla á læsi og
kennarar eru hvattir til að taka frá að minnsta kosti 30 mín-
útur á dag fyrir frjálsan lestur nemenda. Stjórnendur meta
það svo að þarna sé í mörgum tilvikum síðasta tækifæri
skólakerfisins að gera ungmennin læs. Nemendum er í upp-
hafi raðað í bekki eftir lestrarfærni svo auðveldara sé að hafa
hópana sem jafnasta.
Hverjum nýnema er gert að lesa fimm bækur á önn sem
hann svo þarf að segja frá, ýmist munnlega eða skriflega.
Hver nemandi í Värnhemsskolan fær að láni iPad og að
auki eru 750 tölvur í skólanum. Nemendur fá nánast allar
námsbækur ókeypis í skólanum eins og víða á Norður-
löndum.
Bókasafn - Mediatek
Í skólanum er vel búið bókasafn, „mediatek“. Í tengslum við
safnið eru hópvinnuherbergi, kennslustofur og kvikmynda-
salur auk góðrar lestraraðstöðu nemenda, hvort heldur sem
það eru einstaklingsbásar eða stærri borð. Fjórir starfsmenn
starfa á safninu, tveir bókasafns- og upplýsingafræðingar,
einn starfsmaður sem aðallega annast iPad þjónustu og einn
aðstoðarmaður. Safnið er opið í 39 klukkustundir á viku.
Fjárveiting til bókakaupa
er lítil að mati starfsmanna
og megináhersla er því
lögð á að kaupa bækur sem
nýtast í lestrarátaki skól-
ans. Keyptar eru bækur,
ýmist léttlestrarbækur eða
venjulegar óstyttar bækur á
mörgum tungumálum svo
nemendur geti bæði náð
lestrarfærni á eigin móður-
máli og sænsku. Ekki
var betur séð en að fjöldi
bekkjarsetta væri til af
vinsælustu bókunum. Auk
þessa er hægt að hlaða
niður nánast öllu sænsku
Í Pauliskólanum í Malmö
Endurunnar bækur