Bókasafnið - 01.06.2016, Side 47

Bókasafnið 40. árg – 2016 47
Næsta dag var siglt með ferju frá Gautaborg yfir til
Frederikshavn í Danmörku. Siglingin tók góða þrjá tíma
og tíminn var notaður vel, haldin var málstofa þar sem
nokkrir úr hópi skipuleggjenda ferðarinnar sögðu frá sínum
ferli og hugleiðingum um starfið og starfsþróun. Þeir ræddu
meðal annars hvort starfsfólk safnanna hefði þekkingu eða
„réttan“ undirbúning úr sínu námi til að takast á við ný og
stöðugt fjölbreyttari verkefni í bókasöfnunum.
Þegar í land kom Danmerkurmegin hjóluðum við beint á
bókasafnið í Frederikshavn þar sem við fengum höfðing-
legar móttökur og kynningu á safninu og því sem efst er á
baugi hjá starfsmönnum safnsins. Nefnum tvö dæmi; virkja
sjálfboðaliða til að auka þátttöku íbúanna og sérstök áhersla
á þjónustu við börn, og hefur sérfræðingur í málefnum
barna verið ráðinn.
Í dönskum söfnum eru margháttuð verkefni í gangi til að
laða sem flesta að og víða getur almenningur sótt alls kyns
þjónustu sem aðrar opinberar stofnanir hafa sinnt fram að
þessu. Verkefni tengd fjölmenningu sjást víða og greinilega
er mikið lagt upp úr því að bókasafnið sé staður fyrir alla.
Bókum fækkar en í staðinn koma leiktæki og fjölbreytt
afþreying. Safnið í Frederikshavn er dæmi um „opið“ safn
en það eru þau bókasöfn kölluð sem eru opin notendum
utan viðverutíma starfsmanna, á kvöldin eða snemma á
morgnana. Notendur nota bókasafnsskírteinið sitt eða
önnur skilríki til að fara inn og nota safnið að vild, nota
vinnuaðstöðu, fá lánað efni og skila efni. Víðast eru aldurs-
takmörk á þessum aðgangi og myndavélar vakta söfnin.
Þetta fyrirkomulag er útbreitt í Danmörku og ryður sér til
rúms víðar á Norðurlöndum.
Næstu fjóra dagana í Danmörku, á Jótlandi nánar tiltekið,
hjóluðum við mikið á gömlum járnbrautarleiðum, sem hefur
verið breytt í afskaplega skemmtilega hjólastíga, og í fallegu
landslagi. Sólin skein á okkur þessa daga sem var kærkomið
eftir heldur rysjótt veður bæði í Svíþjóð og Noregi.
Fjölmörg áhugaverð bókasöfn voru heimsótt en ómögulegt
að segja frá öllum svo við stiklum á stóru en verðum að
nefna hið rómaða Hjørring bibliotek. Það er hannað af
Rosan Bosch, Bosch og Fjord. Hönnunin er mjög frumleg
og hvergi hvikað frá upprunalegum hugmyndum. Starfs-
menn voru spurðir hvort fastar innréttingar eins og t.d.
rauði ormurinn væru íþyngjandi við fyrirkomulag eða
endurskipulagningu safnkosts en þeir töldu svo ekki vera.
Í Álaborg heimsóttum við m.a. Álaborgarútibú danska
bókavarðaskólans (IVA). Þar var haldin málstofa og sögðu
þrír kennarar skólans frá rannsóknum sínum og einn
nemandi ræddi um framtíðarsýn sína. Umfjöllunarefni voru
Meta-evaluation of information searching, Digital literacy
og Transmediality. Á eftir bauð skólinn veglegar veitingar
og skemmtilegar samræður. Hjólað var í náttstað í svarta
myrkri undir styrkri umferðarstjórn okkar góða forystufólks.
Við heimsóttum einnig borgarbókasafn Álaborgar. Þar á bæ
var aðalverkefnið, sem okkur var kynnt, starfsfólkið sjálft,
hvernig unnið er að því að efla það, þekkingu þess og hæfni
til miðlunar og ekki síst framkomu og þjónustulund gagn-
vart bæði viðskiptavinum og hvert öðru.
Í bókasafninu í Aars var okkur mætt með rauðum dregli
enda komin inn í Vesthimmerland hérað þar sem Bo Jacob-
sen, einn skipuleggjenda, stjórnar fjórum almenningsbóka-
söfnum. Í lok dags hjóluðum við undir blöðruhlið í hlað á
Aalestrup bókasafni þar sem við gistum. Kvöldmaturinn var
í sal yfir bókasafninu og kvöldskemmtun þar sem margir
spreyttu sig á dönskum þjóðdönsum.
Hópurinn