Bókasafnið - 01.06.2016, Qupperneq 51

Bókasafnið 40. árg – 2016 51
sýningar, tónleikar og aðrir viðburðir yrðu sífellt fyrirferðameiri. Í því
sambandi þyrfti að endurhugsa skipulag bókasafnanna og hönnun þeirra.
Nokkrum vikum fyrir ráðstefnuna bað Pawar ráðstefnugesti um að senda
inn myndir og hugleiðingar um sín bókasöfn og benda á kosti þeirra og
galla. Höfundur var ein þeirra sem sendi inn slíkar hugleiðingar með
myndum og því var það óneitanlega ánægjulegt að sjá myndir úr bóka-
safni Þjóðminjasafnsins, sem valið hafði verið til umfjöllunar, blasa við á
einum átta sýningarspjalda þegar inn í fyrirlestrasalinn kom. Þar fór fram
vinnusmiðja (e. workshop) með þátttakendum þar sem meðal annars hver
og einn þurfti að gera grein fyrir „sínu“ bókasafni, hugmyndum og fram-
tíðarsýn. Sannarlega áhugavert og lærdómsríkt þar sem ekki er allt sem
sýnist.
Dagskrá síðari hluta dagsins fór síðan fram í borgarbókasafni Umeå, hinu
stórglæsilega Väven – Umeå stadsbibliotek. Það er ekki ofsögum sagt
að þetta bókasafn stendur undir þeirri skilgreiningu að vera eitt stærsta
og fegursta almenningsbókasafn á Norðurlöndum. Það var teiknað og
hannað sem sambygging við eldri byggingar í miðborg Umeå, á fallegu
svæði niður við Umeälven, af sænsku arkitektastofunni White Arkitekter
ásamt norska Snøhetta. Safnið er á þremur hæðum þar sem er hátt til lofts
og vítt til veggja og gegnir svo sannarlega hlutverki sínu sem félagsleg og
menningarleg miðstöð allra.

Þarna hlýddu ráðstefnugestir á fyrirlestur Katja Hogenbook, arkitekts og
doktorsnema, sem fjallaði um það umhverfi sem ýtir undir „menningar-
legt ímyndunarafl“ (e. cultural imagination), umhverfi sem er hvetjandi
og sameinar alla þá ólíku þætti sem eru kjarninn í því gangvirki sem
einkennir allar kraftmiklar borgir og samfélög. Að lokum fengu gestir
leiðsögn um bygginguna og starfsemi safnsins og var þar af nógu að taka.
Um kvöldið var síðan hátíðakvöldverður í
hinum sögufræga Svävargård, sem gegndi
mikilvægu hlutverki í stríði sem Svíar háðu
við Rússa upp úr aldamótunum 1800. Húsið
stóð þá nokkuð fyrir norðan Umeå og þegar
Rússar fóru með sigur af hólmi úr stríðinu
héldu þeir til í húsinu en brenndu öll önnur
hús í nágrenninu. Árið 1920 var þetta stóra
og glæsilega hús síðan flutt til Umeå þar sem
hefur bæði verið rekið safn og veitingahús
allar götur síðan. Sannarlega eftirminnilegt
kvöld og maturinn ljúffengur.
Ráðstefnu ARLIS/Norden 2015 lauk síðan
formlega á laugardeginum 29. ágúst með
þremur mjög eftirminnilegum viðburðum.
Fyrst var frægur höggmyndagarður - Um-
edalen skulpturpark - heimsóttur. Hann er
í um 10 km fjarlægð frá Umeå og er í eigu
svo kallaðrar Baltic grupp, sem kemur víða
við sögu sem styrktaraðili menningar og lista
í Umeå. Garðurinn er á mjög víðáttumiklu
svæði þar sem áður var geðsjúkrahús fyrir
alla Norður-Svíþjóð og jafnvel Finnland og
Noreg. Húsin, um 20 talsins, eru öll nýlega
uppgerð og hýsa núna aðstöðu fyrir lista-
menn, íbúðir fyrir aldraða, dagheimili, skóla
og svo framvegis. Þarna hafa verið haldnar
sýningar á höggmyndalist allar götur síðan
1994 og núna á garðurinn um 50 útilistaverk
og höggmyndir. Sömuleiðis sýna listamenn
víðs vegar að úr heiminum verk sín þarna á
tímabundnum sýningum. Fyrir höfund var
þetta einn af hápunktum ferðarinnar.
Því næst var hið þekkta gítarsafn – Guitars
museum - heimsótt. Þetta mun vera eina
gítarsafn heimsins sem stendur undir nafni,
fyrir utan eitt eða tvö í Bandaríkjunum.
Safnið er í einkaeigu en nýtur góðvildar ým-
issa safnara og gítaráhugafólks og sömuleiðis
er það styrkt af bæjarfélaginu. Safnið er á
þremur hæðum og það eru tvíburabræður
sem ráða þar alfarið ríkjum. Einhver hvíslaði
því að mér að þeir vissu ALLT um gítara
og þá einkum þá sem rokkhljómsveitir nota,
en síður um það sem er að gerast í heims-
fréttunum! Þarna gat að líta hreint ótrúlegt
safn af gítörum, hljómplötum, fatnaði og
öðrum fylgihlutum frægra rokkara, jafnvel
bílapartar úr þeirra eigu. Fékk fólk afar langa
og nákvæma leiðsögn um safnið þar sem þeir
félagar sýndu sjálfir góða takta á rafmagns-
gítara. Ótrúleg upplifun!
Í lok dags var síðan farið með leiðsögumanni
um elsta hluta Umeå og gamlar og nýjar
byggingar skoðaðar og var mjög áhugavert