Morgunblaðið - 23.09.2016, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 23. SEPTEMBER 2016
Láttu okkur ráða
Elja starfsmannaþjónusta 4 150 140 elja.is elja@elja.is
Þarftu að ráða
matreiðslumann?
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
„Hættið að reykja!“, „Reykingar drepa!“,
„Smoking kills“. Þetta var meðal þeirra slagorða
sem nemendur 7. bekkjar Landakotsskóla höfðu
ritað á spjöld sem þau gengu með um miðbæ
Reykjavíkur í vikunni. Kennarinn var með í för
en um var að ræða verkefni bekkjarins í tóbaks-
vörnum. Markmiðið var að vekja máls á skað-
semi reykinga og hvetja fólk til að hætta að
reykja. Slagorðin voru bæði á íslensku og ensku.
Hvöttu vegfarendur til að hætta að reykja
Morgunblaðið/Eggert
Nemendur 7. bekkjar Landakotsskóla með verkefni í tóbaksvörnum
Jón Birgir Eiríksson
jbe@mbl.is
Vilji er í stjórnskipunar- og eftirlits-
nefnd Alþingis til að funda með
Björgu Thorarensen, prófessor í
stjórnskipunarrétti, vegna fyrirhug-
aðrar innleiðingar evrópskra reglna
um fjármálaeftirlit.
Hætt var við atkvæðagreiðslu um
málið á Alþingi í gær vegna mót-
mæla stjórnarandstöðunnar og mál-
ið í kjölfarið rætt í nefndinni. Í sam-
tali við mbl.is á miðvikudag sagði
Björg að eftirlitsheimildirnar fælu í
sér of víðtækt framsal valdheimilda
með hliðsjón af stjórnarskrá.
Birgir Ármannsson, varaformað-
ur stjórnskipunar- og eftirlitsnefnd-
ar, segir að skiptar skoðanir um mál-
ið séu ekki nýjar af nálinni, en hann
gerir ráð fyrir að málið verði afgreitt
fyrir kosningar.
„Ég geri ráð fyrir því að málið
verði klárað enda hafði umfjöllun um
það formlega verið lokið bæði í utan-
ríkismálanefnd og stjórnskipunar-
og eftirlitsnefnd. Þegar það gerðist í
síðustu viku var enginn ágreiningur
innan nefndanna um að málin væru
útrædd á þeim vettvangi,“ segir
hann.
„Það er samt sem áður eðlilegt,
þegar eftir því er leitað, að rætt sé
við prófessor í stjórnskipunarrétti
um málið og þess vegna verður gerð
tilraun til þess að koma á slíkum
fundi í fyrramálið,“ sagði Birgir í
samtali við Morgunblaðið í gær-
kvöldi. Hann átti þó ekki von á að ný
sjónarmið kæmu fram á fundinum.
Ólík markmið nefndarmanna
Ögmundur Jónasson, formaður
stjórnskipunar- og eftirlitsnefndar,
segist sáttur við málið eins og það er,
með fyrirvara sem gerður var við
innleiðingu reglnanna um „neyðar-
hemil“ Íslands, verði landið fyrir
stórfelldu efnahagstjóni.
Varðandi framsalið segir hann
mismunandi hluti vaka fyrir meðlim-
um stjórnskipunar- og eftirlits-
nefndar.
„Annars vegar eru það þeir sem
berjast fyrir breytingum á stjórnar-
skránni, sem gera okkur auðveldara
að kokgleypa allt sem frá Brussel
kemur, hins vegar erum við hin, sem
viljum horfa á innihaldið. Þegar við
gerum það í þessu tilviki þá setjum
við fyrirvara til að reyna að verja okk-
ur. Ég er bærilega sáttur við að gera
þetta með þessum hætti frekar en
þannig að opna allar gáttir þannig að
kokið verði víkkað. Það er tvennt ólíkt
sem vakir fyrir fólki,“ segir hann.
„Við erum búin að gera það sem
við getum til að tryggja okkar hags-
muni og svigrúm til ráðstafana. Þá
spyr ég, hvað getum við meira gert?“
segir Ögmundur.
Vilji til fundar með Björgu
 Varaformaður stjórnskipunar- og eftirlitsnefndar býst við að málið klárist á
þessu þingi  Formaður nefndarinnar segist sáttur við málið í óbreyttri mynd
Birgir
Ármannsson
Ögmundur
Jónasson
Á þýskri vefsíðu fer fram uppboð á
gömlum íslenskum peningaseðlum
úr einkasafni. Seðlarnir eru 22
talsins og spanna útgáfuárin allt
frá árinu 1794 til 1928.
Nokkrir seðlar hafa þegar selst,
flestir fyrir nokkur þúsund evrur,
en sá dýrasti fór á 20.000 evrur
eða um 2,6 milljónir króna á nú-
verandi gengi.
Magni R. Magnússon, fyrrver-
andi mynt- og frímerkjakaupmað-
ur, fylgist grannt með uppboðs-
markaðnum og segir að í safninu
séu nokkur stórmerkileg eintök.
„Eftirspurnin er bæði í Þýska-
landi og Danmörku. Fyrstu seðl-
arnir voru á danska ábyrgð og síð-
an fáum við íslensku seðlana með
tilkomu Landssjóðs, Landsbankans
og síðan Íslandsbanka sem fór á
hausinn. 50 krónu seðillinn er
óhemjusjaldgæfur því hann var
prentaður fyrir ríkissjóð Íslands
og þú getur rétt ímyndað þér hve
mikil upphæð það var á þeim
tíma.“
Auk íslensku seðlanna er einn
kanadískur seðill frá árinu 1907
sem merktur er Íslendingnum
Helga Einarssyni. Að sögn Magna
er seðillinn vöruávísun frá Helga
sem stundaði viðskipti í Manitoba í
Kanada. Sjaldgæfasta eintakið og
jafnframt það dýrasta er hins-
vegar hundrað króna Íslands-
bankaseðill frá 1919 sem var
prentaður á bakhlið eldri fimm
króna seðils.
Magni segir að kaupendurnir
séu sennilega menn sem hafi verið
í fjármálageiranum og skilji þrótt
peninga. Endurnýjun í bransanum
sé lítil en í Félagi mynt- og frí-
merkjasafnara eru yngstu með-
limir um sextugt.
Gamlir íslenskir seðlar eru flest-
ir í Seðlabanka Íslands og erlend-
um bönkum sem hafa safnað sýnis-
eintökum gegnum tíðina. Við og
við dúkka upp íslenskir seðlar á
uppboðum úti í heimi, síðast í
London og Danmörku fyrir um
tveimur árum. tfh@mbl.is
Milljónir fyrir hundraðkall
Skjáskot/cortrie.de
Verðmæti Dýrasti íslenski seðillinn
í safninu var gefinn út árið 1919.
 Gamlir íslenskir
peningaseðlar seljast
fyrir háar fjárhæðir
Björk Guð-
mundsdóttir hélt
tónleika í Royal
Albert Hall í
Lundúnum í
fyrrakvöld. Í
kjölfarið fékk
hún frábæra
dóma í breskum
fjölmiðlum. Tón-
leikarnir fengu
fimm stjörnur
hjá gagnrýnendum Times, Daily
Telegraph og The Art Desk og fjór-
ar stjörnur hjá gagnrýnanda blaðs-
ins Guardian.
Gagnrýnandi Daily Telegraph
sagðist aldrei hafa séð áhorfendur í
Royal Albert Hall sýna viðlíka við-
brögð. „Ég hef ekki áður orðið vitni
að jafn áköfum áhrifum hjá jafn hug-
föngnum áhorfendum í Royal Albert
Hall og þeim sem íslenski einfarinn
og söngkonan Björk kallaði fram,“
segir í dómi Daily Telegraph.
„Áhorfendur í stæði þrýstu sér upp
að sviðsskilrúminu og stóðu í lotn-
ingarfullri þögn, rétt eins og þeir
væru að verða vitni að trúarupp-
lifun. „Ég held ég fari að gráta,“
hvíslaði konan við hliðina á mér og
það var áður en söngkonan gaf frá
sér eitt einasta hljóð,“ segir þar
einnig.
Gagnrýnandi Times segir tón-
leikana hafa gætt eina persónuleg-
ustu plötu Bjarkar til þessa lífi.
Tónleikum
Bjarkar
vel tekið
Björk
Guðmundsdóttir
 Fimm stjörnu
dómar í blöðunum
Á fundi borgarráðs í gær var ákveð-
ið að fresta samþykkt viljayfirlýs-
ingar um viðræður, sem m.a. felur í
sér að Reykjavíkurborg úthluti bif-
reiðaumboðinu Heklu hf. 24 þúsund
fermetra lóð án útboðs undir starf-
semi fyrirtækisins í Syðri-Mjódd.
Fulltrúar borgarstjórnarmeiri-
hlutans lögðu til að viljayfirlýsingin
yrði samþykkt en fulltrúar Sjálf-
stæðisflokksins og Framsóknar
lögðu þá fram tillögu um að vilja-
yfirlýsingin yrði ekki samþykkt fyrr
en hagsmunaaðilum, t.d. íþrótta-
félögum og íbúasamtökum, hefði
verið gefinn kostur á því að gefa um-
sögn.
Afgreiðslu málsins var frestað að
nýju til næsta fundar borgarráðs.
Frestuðu
Heklumálinu