Morgunblaðið - 23.09.2016, Blaðsíða 34

34 ÍSLENDINGAR
MORGUNBLAÐIÐ FÖSTUDAGUR 23. SEPTEMBER 2016
Hauganes er flotturáfangastaður,“segir Aðalsteinn
Svan Hjelm, sem er mark-
aðsstjóri hjá saltfiskverk-
uninni Ektafiski og Hvala-
skoðuninni á Hauganesi.
„Hvalaskoðunin er sú elsta
á landinu, en hún hefur
starfað frá 1994. Við erum
komnir með veitingastað
hjá Ektafiski og svo er
bjórverksmiðjan Kaldi
hérna líka.“
Hauganes er á milli Dal-
víkur og Akureyrar og er
um 30 mínútna akstur frá
Akureyri. „Það verður
kótelettukvöld hjá okkur á
morgun og við verðum
með ýmsar uppákomur í
vetur. Við héldum veglegt
skákmót hérna í sumar og
vorum við með sigins fisks-
kvöld í vor og fengum tenóra til að syngja og það sló algjörlega í gegn.
Svo eru einnig haldin ættarmót og fermingarveislur hérna. Veitinga-
staðurinn er ekki opinn almennum gestum á veturna en við tökum á
móti hópum og sýnum hvernig saltfiskverkunin fer fram og erum með
kokka til að elda flotta saltfiskrétti. Hvalaskoðunin gengur einnig vel,
við förum út þrisvar á dag á háannatímanum, við erum hérna í miðjum
firðinum og það tekur um 20 mínútur að komast á hvalaslóðirnar.“
Aðalsteinn er Hafnfirðingur, lauk MA-prófi í alþjóðamarkaðsfræði
frá EADA Business School í Barcelona og býr á Akureyri. „Konan mín
er héðan frá Hauganesi, en hún er af Reykjalín-ættinni.“ Ættarnafnið
Hjelm er hins vegar færeyskt að uppruna, en föðurafi Aðalsteins var
Færeyingur.
Aðalsteinn er mikill hlaupari og stefnir á maraþon í New York, en
hann hefur þrisvar hlaupið maraþon. „Hlaup og ljósmyndun eru aðal-
áhugamálin og fjölskyldan að sjálfsögðu og ferðalög. Ég fer oft upp á
hálendið og svo býr systir mín í Grikklandi og ég reyni að heimsækja
hana eins og hægt er.“
Eiginkona Aðalsteins er Ellý Reykjalín Elvarsdóttir, deildarstjóri
við leikskóla, og börn þeirra eru Sigmar Ágúst, f. 2000, Eiður, f. 2008,
og Ingunn, f. 2011.
„Ég verð með afmælisveislu á morgun milli kl. 1 og 6 en í dag verð
ég í faðmi fjölskyldunnar. Móðir mín og systkini koma í heimsókn
hingað norður svo það verður gott mannamót.“
Afmælisbarnið Aðalsteinn Svan Hjelm.
Veisla og kótelettu-
kvöld á morgun
Aðalsteinn Svan Hjelm er fertugur í dag
Ó
lafur Beinteinn Ólafsson
fæddist í Reykjavík
23.9. 1946 og ólst upp í
húsi foreldra sinna,
Fagranesi við Elliða-
vatn: „Föðuramma mín bjó hjá okk-
ur og í nágrenninu, á býlinu Vatns-
enda, bjuggu móðurforeldrar mínir.
Okkur krökkunum við Elliðavatn
var ekið af Vatnsendahæðinni og í
Miðbæjarskólann. Það var því oft
glatt á hjalla í skólabílnum með 20
nemendum.
Fagranes var tónlistarheimili.
Pabbi hafði verið skemmtikraftur
um árabil með ýmsum sönghópum
og mamma varð ein dáðasta óperu-
söngkona þjóðarinnar.
Ég var svo í sveit að Fjalli á
Skeiðum sumrin 1956-59, hef ætíð
haldið vinasambandi við fjölskyld-
una þar, mætt í réttarsönginn í
Skeiðaréttum og alltaf í kjötsúpu í
Vorsabæ að loknum réttum.“
Fjölskylda Ólafs flutti til Reykja-
víkur. er hann var 13 ára. Hann
stundaði nám við Tónlistarskóla
Reykjavíkur 1958-61 með píanó sem
aðalhljóðfæri, lauk gagnfræðaprófi
frá Gagnfræðaskóla Austurbæjar
1963 og kennaraprófi frá KÍ 1967.
Ólafur var kennari við Lækjar-
skóla í Hafnarfirði 1967-80 og við
Bjarnastaðaskóla á Álftanesi 1980-
86. Þá fór hann í framhaldsnám við
tónlistardeild DLH í Kaupmanna-
höfn og snéri sér alfarið að tónlist
Ólafur Beinteinn Ólafsson tónmenntakennari – 70 ára
Börnin Beinteinn Veigar, Elías, Ingibjörg Aldís og Íris Björg en fremstur stendur Ólafur Björn, sonur Ingibjargar.
Kennari í hálfa öld og
virkur í tónsmíðum
Hjónin Ólafur Beinteinn og Dagný á góðri stund á ferðalagi erlendis.
Jón Kristinn Óskarsson er fæddur 22.
september 1936 og varð því 80 ára í
gær. Eiginkona hans er Sigurborg Hlíf
Magnúsdóttir. Jón Kristinn heldur
veislu í Oddfellows-salnum á morgun
frá kl. 15.00-18.00.
Árnað heilla
80 ára
Tinna Katrín Sigurðardóttir og Guðrún Bergrós Ingadóttir stóðu fyrir tombólu á
Akureyri og söfnuðu með því 6.089 krónum. Þær ákváðu að styrkja Rauða kross-
inn með ágóðanum.
Hlutavelta
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Bíla- og vélavörur
...sem þola álagið!
Það borgar sig
að nota það besta!
Viftur
HjólalegusettKúlu- og rúllulegur Hemlahlutir Hjöru- og öxulliðir
Stýrisendar
og spindilkúlurViftu- og tímareimar
Kúplingar- og höggdeyfar
Dalvegi 10–14 • 201 Kópavogi • Sími: 540 7000 • www.falkinn.is