Morgunblaðið - 23.09.2016, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 23. SEPTEMBER 2016
Í fjáraukalögum ársins 2016 er lögð
til 319,4 milljóna króna fjárheimild
vegna óvæntra og ófyrirséðra út-
gjalda sveitarfélaga og ríkis við
brýnustu viðbrögð og framkvæmdir
í kjölfar óveðurs og sjávarflóða í lok
síðasta árs og vegna afleiðinga síð-
asta Skaftárhlaups.
Fram kemur í greinargerð að ík-
jölfar óveðurs og sjávarflóða á
Austfjörðum í lok síðasta árs hafi
samráðshópur ráðuneytisstjóra
fjögurra ráðuneyta haldið stöðu-
fundi með aðilum sem að málum
hafa þurft að koma. Með hópnum
störfuðu fulltrúar frá Viðlagatrygg-
ingu Íslands og fulltrúar frá al-
mannavarnadeild Ríkislögreglu-
stjóra, Minjastofnun Íslands og
Ofanflóðasjóði.
Samráðshópurinn hefur einnig
fjallað um þörf á viðbrögðum í kjöl-
far síðasta Skaftárhlaups. Upplýs-
ingar um kostnað við brýnustu
landgræðsluframkvæmdir voru
fengnar frá Landgræðslu ríkisins
sem og Veðurstofu Íslands vegna
mats á hættu við Skaftárhlaup.
Skipting á upphæðinni er sem
hér segir: Vegagerðin vegna við-
halds 143 milljónir króna, aðstoð
við sveitarfélög 63,2 milljónir,
Landgræðsla ríkisins 40 milljónir,
Hafnarbótasjóður 38,2 milljónr og
Húsfriðunarsjóður 35 milljónir.
Framlagið til sveitarfélaga skipt-
ist þannig: Fjarðabyggð 46,3 millj-
ónir króna, Breiðdalshreppur 13,7
m.kr., Borgarfjörður eystri 1,5
m.kr. og Djúpavogshreppur 1,7
m.kr. sisi@mbl.is
Tjón vegna
óveðurs og
sjávarflóða
Skaftá Mikið tjón varð í hlaupinu.
Sigtryggur Sigtryggsson
sisi@mbl.is
Í frumvarpi um fjáraukalög ársins
2016, sem lagt var fram á Alþingi í
fyrrakvöld, er gerð tillaga um 242
milljóna króna framlag vegna bið-
launa og orlofsuppgjörs þingmanna
og ríkisstjórnar. Inni í þessari tölu
eru einnig ýmis útgjöld í kjölfar
kosninganna, s.s. vegna kaupa á
tækjum og búnaði fyrir nýja al-
þingismenn og standsetningu hús-
næðis.
Óskað er eftir 121 milljónar
króna framlagi vegna biðlauna og
orlofsuppgjörs vegna fráfarandi
þingmanna sem reiknað er með að
muni falla til eftir fyrirhugaðar
alþingiskosningar í lok október. Þá
er sótt um 74 milljóna króna fram-
lag vegna biðlauna til fráfarandi
ráðherra og aðstoðarmanna þeirra.
Samtals eru þetta 195 milljónir.
Helmingur kemur til
útborgunar árið 2017
Fram kemur í greinargerð að
áætlun um útgjöld vegna kosning-
anna miðist við hliðstæðan kostnað
eftir kosningarnar árið 2013 en að
teknu tilliti til þess að nú gefa fleiri
þingmenn ekki kost á sér til endur-
kjörs en þá. Um er að ræða áætl-
aðan heildarkostnað við þessa út-
gjaldaþætti en reiknað er með að
rúmlega helmingur biðlaunanna
muni þó ekki koma til útborgunar
fyrr en á árinu 2017. Er því gert
ráð fyrir að afgangur af þessari
fjárheimild í árslok verði fluttur yf-
ir til ársins 2017.
Nú liggur fyrir að a.m.k. 24 af 63
núverandi þingmönnum munu ekki
taka sæti á næsta alþingi. Í þeim
hópi eru þrír ráðherrar. Þessir
þingmenn eru að hætta að eigin
ósk eða hafa ekki hlotið brautar-
gengi í prófkjörum hjá sínum
flokki. Fleiri þingmenn gætu bæst í
þennan hóp eftir alþingiskosning-
arnar 29. október næstkomandi.
Samkvæmt lögum um þingfarar-
kaup alþingismanna og þingfarar-
kostnað frá 1995 á alþingismaður
rétt á biðlaunum er hann lætur af
þingmennsku. Biðlaun jafnhá þing-
fararkaupi skal þá greiða í þrjá
mánuði. Eftir þingsetu í tvö kjör-
tímabil eða lengur skal þó greiða
biðlaun í sex mánuði. 12 þingmenn
auk ráðherra eiga rétt á biðlaunum
í sex mánuði.
Ráðherra á rétt á biðlaunum úr
ríkissjóði er hann lætur af emb-
ætti. Biðlaun jafnhá ráðherralaun-
um eru þá greidd í þrjá mánuði.
Eftir ráðherrastörf í samfellt eitt
ár eða lengur eru greidd biðlaun í
sex mánuði. Allir þrír ráðherrarnir
sem nú hætta, þau Illugi Gunnars-
son, Ragnheiður Elín Árnadóttir
og Sigrún Magnúsdóttir, eiga rétt
á biðlaunum í sex mánuði.
Aðstoðarmenn ráðherra eiga rétt
á biðlaunum í þrjá mánuði.
195 milljóna króna framlag
vegna biðlauna þingmanna
 Óvenjumargir þingmenn hætta  Fjöldi þeirra á rétt á biðlaunum í 6 mánuði
Morgunblaðið/Styrmir Kári
Alþingi Yfirstandandi þingi, 145. löggjafarþinginu, lýkur innan skamms. Fjölmargir þingmenn munu þá hætta.
Borgarstjórn Shanghai-borgar í
Kína sæmdi nýlega Arnþór Helga-
son, formann Kínversk-íslenska
menningarfélagsins (KÍM), heið-
ursmerki hinnar hvítu magnolíu.
Magnolían er borgablóm Shanghai.
„Þetta kom mér mjög á óvart og
mér þótti mjög vænt um þann heiður
sem mér var sýndur,“ sagði Arnþór.
Hann sagði að KÍM hefði lengi unnið
með Shanghai. Fyrsta sendinefnd
Íslendinga til Kína kom við í borg-
inni árið 1952 og aftur 1956. Arnþór
kom þangað fyrst í lok menning-
arbyltingarinnar 1975.
KÍM hefur haft mikil samskipti
við Vináttusamtökin í Shanghai sem
tilnefndu Arnþór. „Ég lít einnig á
þetta sem viðurkenningu fyrir það
starf sem Kínversk-íslenska menn-
ingarfélagið hefur unnið,“ sagði
Arnþór. Hann var í hópi 50 erlendra
ríkisborgara sem borgarstjórnin
heiðraði 7. september síðastliðinn.
Viðurkenningin hefur verið veitt á
hverju ári frá 1989. Tilnefningar
koma frá fjölda samtaka, svo sem
samtökum iðnaðar, verslunar,
menntastofnana og utanríkismála.
Arnþór var kjörinn vináttusendi-
herra Kína 2009, sá fyrsti á Norð-
urlöndum. Í því felst viðurkenning
og er leitað til hans um ýmsa fyrir-
greiðslu. gudni@mbl.is
Shanghai Formaður utanríkismálanefndar Shanghai sæmdi Arnþór Helga-
son (t.v.) heiðursmerki hinnar hvítu magnolíu 7. september sl.
Var sæmdur heiðurs-
merki í Shanghai
Á fjáraukalögum er sótt um 10 milljóna króna framlag
vegna kostnaðar í tengslum við og í framhaldi af emb-
ættistöku nýs forseta. Í fyrsta lagi er talið nauðsynlegt
að ráða starfsmann til að sinna almennum verkefnum á
Bessastöðum, en starfsmannafjöldi embættis forseta
hefur haldist óbreyttur undanfarna áratugi. Í annan
stað hafði brotthvarf fyrri forseta úr embætti og emb-
ættistaka nýs forseta í för með sér margvísleg útgjöld.
Heildarkostnaður vegna þessa í ár er talinn nema fimm
milljónum króna.
Í þriðja lagi hefur heimasíða embættis forseta verið
óbreytt undanfarin sextán ár, en brýnt er talið að færa vefinn til nútíma
horfs, auka gagnvirkni og aðgengi snjalltækja. Stefnt er að því að efna til
útboðs síðar í haust og opna nýja heimasíðu forseta Íslands fyrir lok
þessa árs. Áætlaður kostnaður við það verk nemur fimm milljónum króna.
Starfsmaður og ný heimasíða
FORSETAEMBÆTTIÐ FÆR AUKAFRAMLAG
Guðni Th.
Jóhannesson