Gripla - 20.12.2015, Blaðsíða 179

179
twe iare den cristene louen. vnde bekerde dat volk to gode. vnde do he den
louen dar wol hadde beuestighet. do kerede he syk wedder in Alexandrien.
bet dat syn leuent eyn ende nam.
de leue sunte marcus hadde schone oghen. vnde ene lange neze vnde
enen langen bart. vnde metighe lippen. vnde ein inghesprenget graw har.
vnde eyn middel older. vnde was vul van gnaden. vnde was so othmodich
dat he synen dumen leet aff houwen darumme dat he nicht mochte prester
werden na mynschlyker menynge. do ghink de schikkinge godes vor. vnde
sunte peters wald wente he makede ene ane synen willen to enem bisschope
in Alexandria.
jn enem pasche daghe wolde sunte Marcus mysse singen do quemen de
bozen lude. vnde bunden em eyn seel vmme synen hals. vnde toghen ene
dar mede ouer stock vnde ouer steen. dat eme syn vlesck aff ghink. dar na
leden se ene in enen kerkener. vnde tor middernacht quam eyn engel van
deme hemmele de sprak Marce wes vro. wente dyn name de is ghescreuen
in den ewyghen leuende. vnde byst eyn vorste in egypten land. vnde hefst
vele gheleden. dat wil dy god belonen mir den ewyghen vrouden. dar
mede vorswand de engel. Do quam ene grote ertbeuinge in dat land. do
sprak sunte marcus syn bed mit groter andacht. vnde hof vp syne hende to
gode in deme hemmel. vnde syn herte waert nicht van gode ghescheyden.
do openbarde syk em de here jhesus voer in deme vrygdaghe eer he ghe-
martert wart. vnde sprak gutlyken to eme. marce myn vrede sy myt dy. dar
mede vorswant he. do vroude syck sunte marcus des trostes den em god
ghedaen hadde. Do quemen de bozen lude. vnde leden em anderwerue eyn
seel vmme synen hals. vnde toghen ene ouer stok vnde ouer steen dat he
ghans krank wart Des dankede he gode. vnde wolde mit der martere vnde
mit deme lydende gherne dat hemmelryke vordenen. do sach sunte marcus
vp in den hemmel. vnde sprak o alweldighe god. yk beuele mynen ghest
in dyne hende. vnde bidde dy. dat du myne martere latest nochaftich syn.
do voer syne zele vth to den ewyghen vrouden. Unde dat scach do nero
regerede na godes bort als men screff .lvij. do makede dat volk ein vuer
vnde wolden sunte marcus lycham vorbrent hebben. Do quam eyn groet
wedder van donre vnde van blixem. vnde waerde van deme morghen bet
in de nacht. vnde dodede etlyke mynschen. vnde wedderde so grezelyken.
dat se menden se mosten alle steruen. vnde de bewarer vloen van dem lic-
hamme. vnde vorhudden syk. vnde leten den licham liggen Do quemen de
LOW GeRmAN LeGeNds OF tHe APOstLes . . .
GRIPLA XXVI. - 12.12.B.indd 179 12/13/15 8:24:50 PM