Tímarit Hjúkrunarfélags Íslands - 01.03.1972, Blaðsíða 7
u
R
D
A
G
S
I
N
S
o
N
N
Um leið og við heilsum nýju ári, bjóðum við velkominn nýjan félaga í
ritstjórn Tímarits Hjúkrunarfélags Islands. Er það Sigrún Einarsdóttir
deildarhjúkrunarkona á gjörgæzludeild Borgarspítalans. Sigrún er kær-
kominn tengill við Borgarspítalann, en slíkra tengsla við þá stofnun höf-
um við saknað um nokkurt skeið. Það er mikið atriði fyrir tímaritið að
eiga fulltrúa á hinum stærri sjúkrahúsum borgarinnar. Auk þess leggj-
um við áherzlu á að hafa ákveðna aðila á hinum ýmsu stöðum, sem við
getum snúið okkur til.
Um s.l. áramót lét af störfum ritnefnd hjúkrunarnema, er séð hefur
um þáttinn „Raddir nema" í u. þ. b. tvö ár af dugnaði og áhuga. Þær
voru: Margrét Gústafsdóttir, Elín Einarsdóttir, Ólöf Guðmundsdóttir og
Katrín Þórlindsdóttir. Hina nýkjörnu ritnefnd skipa: Hulda Kristjáns-
dóttir, Hanna Þórarinsdóttir og Elín Stefánsdóttir.
Við bjóðum þær velkomnar til starfa og þökkum fráfarandi ritnefnd
fyrir gott samstarf.
Þar sem starfið við tímaritið hefur að nokkru leyti verið fært inn á
skrifstofu félagsins, er ritstjóri þess þar til viðtals miðvikudaga og fimmtu-
daga frá kl. 9—12.
Að vanda skiptir forsíða tímaritsins nú um lit og verður í ár okkurgul.
1 byrjun þessa árs ákvað stjórn HFl að hætta lausasölu ritsins á þeim
forsendum, að hér er um fagblað að ræða. Heimilt er að gerast áskrifandi
að ritinu, og veitir skrifstofa HFÍ allar nánari upplýsingar þar að lút-
andi. Mál þetta var tekið fyrir að ósk ritstjórnarinnar.
Heyrzt hafa raddir um það, hvort ekki mætti fækka auglýsingum eða
jafnvel fella þær alveg niður. Það er ekki auðvelt að vera án þeirra tekna,
sem þær gefa, þar sem þetta eru einu beinu tekjur ritsins, ef frá eru talin
áskriftargjöld.
Söfnun og innheimta auglýsinga er ærið verk og umfangsmikið, og
eins og flestir vita, er útgáfa blaða og bóka kostnaðarsöm. Auglýsinga-
tekjur hafa því verið okkur kærkomin stoð. Viljum við þakka öllum aug-
lýsendum og velunnurum tímaritsins fyrir veittan stuðning, og ekki hvað
sízt þeim mörgu aðilum, sem skrifað hafa fræðslugreinar í tímaritið á
s. 1. ári.
Við viljum enn einu sinni minna á að senda ritinu allar auglýsingar um
lausar stöður hjúkrunarkvenna, það er þjónusta á báða bóga.
Ósk ritstjórnarinnar er, að tímaritið flytji fræðslu- og fréttaefni til
hjúkrunarstéttarinnar. Því vill ritstjórnin eindregið hvetja allar hjúkr-
unarkonur, bæði heima og heiman, til að senda ritinu ábendingar, greinar
og annað efni og aðstoða okkur á þann hátt við að gera efni þess sem
fjölbreytilegast.
Að lokum óskum við þess, að tímaritið verði sterkur tengiliður milli
stjórnar Hjúkrunarfélags Islands, nefnda, sem starfa innan félagsins, og
allra annarra félaga þess.
7. Á.