Tímarit hjúkrunarfræðinga - 01.05.1996, Blaðsíða 57
Hjúkrun '96
Klínískar rannsóknir í hjúkrun
-R_áðstefna Félags íslenskra
hjúkrunarfræðinga verður haldin á Hótel
Loftleiðum dagana 10. og 11. maí 1996.
Yfirskrift ráðstefnunnar er „Klfnískar
rannsóknir í hjúkrun“. Meginmarkmið
hennar er að leiða saman í vitund
hjúkrunarfræðinga rannsóknir í hjúkrun
og daglegt starf. Reynsla og rannsóknir
erlendis hafa sýnt að með því að fram-
kvæma rannsóknir samhliða klínísku
starfi og nýta niðurstöður þeirra er hægt
að bæta þá hjúkrun sem veitt er og draga
úr kulnun í starfi.
Með markvissum rannsóknum í
hjúkrun má bæta þann fræðilega grunn
sem hjúkrunarstarfið hvílir á og leysa
sérhæfð klínisk vandamál. Tilgangur
klíniskra rannsókna er alltaf sá að finna
leiðir til að veita betri hjúkrun en jafn-
framt kemur stundum í ljós ijárhagslegur
og stjórnunarlegur ávinningur af rann-
sókn. Gestafyrirlesari ráðstefnunnar,
Dr. Karin Kirchhoff, er klíniskur vís-
indamaður í hjúkrun og hefur hún verið
framkvæmdastjóri hjúkrunarrannsókna
við háskólasjúkrahúsið í Salt Lake City
síðastliðin 9 ár. Einnig mun Dr. Auðna
Ágústsdóttir kynna doktorsrannsókn
sína.
Að vera neytandi rannsókna
Stundum hefur viljað brenna við að
hjúkrunarfræðingum í starfi í heil-
brigiðskerfinu hafi fundist rannsóknir
ekki vera þeim viðkomandi, heldur vera
verkefni þeirra sem sinna fræðimennsku.
Jafnframt telja margir hjúkrunarfræð-
ingar að lestur rannsóknagreina sé mjög
erfitt verk og lítið upp úr því að hafa.
Þessi ráðstefna mun sýna að svo er ekki.
Hjúkrunarfræðingar bæði í klínisku
starfi og kennslu munu kynna rann-
sóknarverkefni sem flest hafa verið
unnin með því fólki, heilbrigðu og sjúku,
sem hjúkrunarfræðingar sinna í daglegu
starfi f heilbrigðiskerfinu. Eins verða
fróðleg erindi um reynslu hjúkrunar-
fræðinga af því að taka þátt í að fram-
kvæma rannsóknir með sínu hefðbundna
starfi, ánægju og erfiðleika því samfara.
Það að framkvæma rannsóknir er ekki
eina leiðin til að bæta hjúkrun. Ekki er
síður mikilvægt að vera „neytandi
rannsókna“ með því að lesa
rannsóknargreinar og nýta niðurstöður
frá rannsóknum erlendis og hérlendis
þegar við á. Fjallað verður um slíka
„neyslu“ rannsókna í erindum fyrir-
lesara. Á ráðstefnunni verður bryddað
upp á ýmsum skemmtilegum og fróð-
legum nýjungum. Nokkrir hjúkrunar-
fræðingar munu sýna ráðstefnugestum að
stéttin býr yfir ýmsum góðum hæfi-
leikum til viðbótar því að hjúkra af list.
Við setningu ráðstefnunnar mun
Ráðstefna
lO.-ll. maí 1996
hjúkrunar-fræðingur/söngkona gleðja
með ljúfum tónum og á göngum verða til
sýnis listaverk hjúkrunarfræðinga.
Fræðadeildin
Onnur nýjung tengist beint efni
ráðstefnunnar. Fræðadeild Félags
íslenskra hjúkrunarfræðinga mun vera
með bás. Þar verður spumingum
ráðstefnugesta svarað um hin ýmsu skref
rannsókna í klínísku starfi og veitt
byrjunarráðgjöf þeim sem hyggja á
framkvæmdir. Við hvetjum alla
hjúkrunarfræðinga til að nýta sér það til
fullnustu að hafa auðveldan aðgang að
sérfræðingum í hjúkrunarrannsóknum.
Ef þið, og stofnanir þær sem þið vinnið
við, emð með hugmyndir eða sérstök
vandamál sem þið viljið leita svara við,
þá er einnig hægt að senda inn skriflega
lýsingu til fræðadeildar félagsins fyrir
ráðstefnuna svo sérfræðingar geti
undirbúið svörin sem best. Gert er ráð
fyrir að einn eða fleiri sérfræðingar verði
við í básnum í matar -og kaffihléum
seinni dag ráðstefnunnar.
Ágætu starfsfélagar, notum þetta
einstæða tækifæri til að þróa starfsgrein
okkar og okkur sjálf með því að mæta
sem flest á þessa ráðstefnu. Munið að
síðasti skráningardagur er 3. maí '96.
Frœðslu- og menntamálanefnd.
Láttu þrífa og bóna bílinn
hjá Emmu og Kristjáni
ÞRIF • BÓNUN • HREINSUN • DJÚPHREINSUN • BLETTUN
• Sækjum og skilum bílnum þér að kostnaðarlausu!
• Við tvíbónum bílinn til að ná sem bestum árangri!
• Allir bílar eru tryggðir hjá okkur!
• Gerum tilboð ef þess er óskað
Vandvirkni og góð þjónusta
Kársnesbraut 112 að neðanverðu, Kópavogi
S 554 5100 • GSM sími 896 5900 • Símboði 845 8029
OPNUNARTÍMI:
virka daga: 09.00-24.45
laugardaga: 09.00-24.45
sunnudaga: 10.00-24.45
TÍMARIT HJÚKRUNARFRÆÐINGA 2 . tbl. 72. árg. 1996