Tímarit hjúkrunarfræðinga - 01.03.2000, Blaðsíða 20

ing sé mjög mikil hjá þessum hópi. Leikfimin er kennd á
Hrafnistu í Hafnarfirði og sér Lovísa Einarsdóttir íþrótta-
kennari um kennsluna. „Þetta eru tveir tímar í viku, annar
fer fram í sundlauginni en hinn í sal. Þessi leikfimi hefur
verið stökkpallur fyrir margar konur til að fara aftur í sína
gömlu leikfimi og er það í samræmi við stefnu samtakanna
að koma konunum aftur út í lífið. Við getum lifað góðu lífi
þó við séum með eitt brjóst eða ekkert."
Kristbjörg segir margar spurningar vakna hjá konu sem
greinst hefur með brjóstakrabba. „Það eru margar spurn-
ingar t.d. varðandi maka, þeir eru oft að kljást við svipuð
vandamál og konan sjálf, ótta um afdrif fjölskyldunnar. Á
sumum Norðurlandanna nýta makar sér viðtöl sem boðið
er upp á við maka sjálfboðaliðanna. Hér er sjaldan óskað
eftir þessu þó makar sumra sjálfboðaliðanna hafi boðist til
að ræða þessi mál.“ Hún segir ýmis hagnýt málefni einnig
til umræðu, svo sem gervibrjóst og brjóstahaldarar sem
hafa þróast mikið á undanförnum árum. Uppbygging
brjósts eða nýtt brjóst er sjaldnast það sem konan hugsar
fyrst um þegar hún hefur greinst með brjóstakrabba þó
margir læknar telji það aðkallandi vandamál. Það er oftast
ekki fyrr en konan er komin yfir erfiðasta tímabilið og sér
fram á líf fram undan að hún fer að hugsa um það.
Opið hús er haldið einu sinni í mánuði og er þar boðið
upp á ýmis fræðsluerindi. Aðsókn er mjög góð og mæta
að meðaltali 80-120 konur í hvert sinn. í opna húsinu er
boðið upp á kaffi og er gestum frjálst að borga fyrir ef þeir
vilja en Kristbjörg leggur áherslu á að samtökin taki ekki
við greiðslum fyrir þau störf sem eru lögð af mörkum.
Hún hvetur að lokum konur til að fara reglulega í
skoðun, mæting á höfuðborgarsvæðinu sé því miður ekki
nægilega góð þar sem eingöngu tvær konur af þremur
mæta reglulega til skoðunar. „Það er konan sjálf sem
þekkir best sinn líkama og á að fylgjast vel með honum til
að halda sem bestri heilsu.“
Símatími samtakanna er þriðjudaga kl. 13-16.30.
Tilgangur samtakanna
* Að veita konum persónulega ráðgjöf og aðstoð eftir
greiningu brjóstakrabbameins.
* Að stuðla að bættri endurhæfingu kvenna eftir meðferð.
* Að fylgjast með og stuðla að kynningu á nýjungum,
m.a. varðandi hjálpargögn, og miðla af reynslu sinni af
uppbyggingu brjósta.
* Að stuðla að fræðslu í samvinnu við Krabbameinsfélagið.
* Að stuðla að auknum skilningi heilbrigðisstétta á mál-
efnum kvenna sem hafa fengið brjóstakrabbamein.
* Að efla samvinnu við erlenda aðila sem starfa á sama
grundvelli.
-vkj
Ljósmóðurfræði
háskólaárið 2000-2001
Frestur til að sækja um innritun til náms í Ijósmóðurfræði rennur
út 3. apríl nk.
Umsækjendur skulu hafa próf í hjúkrunarfræði, viðurkennt í því
landi þar sem námið var stundað, og íslenskt hjúkrunarleyfi frá
heilbrigðis- og tryggingamálaráðuneytinu.
Gert er ráð fyrir að taka 8 nemendur inn í námið. Til að
námsskrá í Ijósmóðurfræði á íslandi sé í samræmi við
námsstaðla Evrópusambandsins og að kröfur, sem gerðar eru á
háskólastigi séu uppfylltar, þurfa hjúkrunarfræðingar, sem ekki
hafa lokið BS-prófi, að Ijúka 16 eininga fornámi.
Nánari upplýsingar um fornám, reglur um val nemenda og
skipulag námsins er að finna í kennsluskrá Háskóla íslands.
Umsóknum ásamt upplýsingum um námsferil og fyrri störf,
meðmælum, afritum af prófskírteinum og hjúkrunarleyfi ásamt
greinargerð umsækjanda um áhuga á námi í Ijósmóðurfræði og
hvernig sá áhugi þróaðist skal skila í síðasta lagi 3. apríl 2000 á
skrifstofu námsbrautar í hjúkrunarfræði, Eirbergi, Eiríksgötu 34,
101 Reykjavík.
Umsóknareyðublöð og nánari upplýsingar veitir Lára
Eriingsdóttir, fulltrúi Ijósmóðurfræði, eftir hádegi alla virka daga
á skrifstofu námsbrautar í hjúkrunarfræði, Eirbergi, Eiríksgötu
34, Reykjavík, sími: 525-4217.
Netfang: lara@rhi.hi.is.
Hjúkrunarfræðingar - Sumar 2000
Nú í vor verður laus staða hjúkrunarfræðings í Heilsustofnun NLFÍ
í Hveragerði. Einnig vantar hjúkrunarfræðinga til sumarafleysinga.
Við leitum að hjúkrunarfræðingum sem hafa áhuga og skilning á
heildrænni hjúkrun. Áherslan er lögð é heilbrigðiseflingu, forvarnir
og endurhæfingu. Starfshlutfall eftir samkomulagi.
Bæjarfélagið
Hveragerði er lifandi og blómlegur bær, örstutt frá höfuðborginni
þar sem gott er að ala upp börn. Þar er hægt að njóta kosta
þess að búa í litlu samfélagi en jafnframt hafa möguleika á tíðum
samskiptum við höfuðborgarsvæðið. Aðeins er um 30 mínútna
akstur til Reykjavíkur.
Hringið og kannið húsnæðismál og launakjör.
Upplýsingar veitir Hulda Sigurlina Þórðardóttir, hjúkrunarforstjóri,
í símum 483 0300 eða 896 8815.
Hueragerði
20
Tímarit hjúkrunarfræöinga • 1. tbl. 76. árg. 2000