Tímarit hjúkrunarfræðinga - 01.03.2000, Blaðsíða 38

Pistlar œði&AiliÁA
Ritnefnd ákvað að bjóða svæðisdeildum að
skrífa pistla í Tímarít hjúkrunarfræðinga í
tölublöðum ársins 2000 um hvaðeina sem þeim
finnst fréttnæmt. í þessu tölublaði birtast pistlar
frá deildum Austurlands og Vestmannaeyja.
Deild Austurlands
Heilbrígðísstofnun Austurlands
Heilbrigðisstofnun Austurlands var stofnuð í janúar 1999
þegar heilsugæslustöðvar og sjúkrahús á Austurlandi voru
sameinuð. Starfseiningar stofnunarinnar eru allar heilsu-
gæslustöðvar á Austurlandi, allt frá Vopnafirði til Djúpa-
vogs, ásamt sjúkrahúsunum á Seyðisfirði, Egilsstöðum og
í Neskaupstað. Ákvörðun um sameininguna var tekin í
heilbrigðis- og tryggingamálaráðuneytinu en frumkvæðið
kom frá heimamönnum. Aðdragandinn var sá að í mörg ár
höfðu heimamenn verið að glíma við að skipuleggja
þjónustuna og koma á auknu samstarfi innan fjórðungsins
en það reyndist erfitt þar sem stofnanirnar voru svo litlar
og hver með sína stjórn og sinn fjárhagsramma. Mark-
miðið með sameiningunni var því að samhæfa þjónustuna
og samnýta kraftana í fjórðungnum.
Eftir sameininguna urðu helstu breytingar á skipulaginu
þær að stjórnum fækkaði úr sjö í eina og einn fram-
kvæmdastjóri er nú í stað sjö áður. Nú er rekstrarstjóri á
hverjum stað sem starfar í tengslum við framkvæmda-
stjórann og stjórnina. Við stofnunina starfar einn hjúkrunar-
forstjóri sem er yfirmaður hjúkrunar en þeir sem voru áður
í starfi hjúkrunarforstjóra eru nú hjúkrunarstjórar. Nýverið
var komið á laggirnar hjúkrunarráði fyrir stofnunina, því
fyrsta á landsbyggðinni, og kosið í stjórn þess. Meginhlut-
verk hjúkrunarráðs er að vera stjórnendum stofnunarinnar
til ráðuneytis um öll hjúkrunarfræðileg atriði í rekstri og
vera faglegur vettvangur fyrir hjúkrunarfræðinga innan
stofnunarinnar.
Síðastliðið sumar og haust var gerð úttekt á öllum
heilsugæslustöðvum stofnunarinnar til að kanna mönnun,
aðstöðu, tækjabúnað og þá þjónustu sem var í boði. Með
þessari úttekt var hægt að sjá hvað betur mátti fara og
núna er verið að vinna að leiðum til úrbóta. Mönnun er
misjöfn, sums staðar vantar sárlega hjúkrunarfræðinga en
38
á öðrum stöðum er vel mannað. Það gefur auga leið að á
þeim stöðum, sem skortur er á hjúkrunarfræðingum, er
þjónustan skert, en sameiningin býður upp á að senda
hjúkrunarfræðinga á milli staða, t.d. fer skólahjúkrunar-
fræðingurinn á Eskifirði til Neskaupstaðar og veitir þar
fræðslu í grunnskólanum og hjúkrunarfræðingar frá Egils-
stöðum sinna Breiðdalsvík og Djúpavogi.
Þar sem markmiðið með sameiningunni var m.a. að
auka samvinnu heilbrigðisstarfsfólks á stofnuninni var
ákveðið að halda reglulega námskeið fyrir hjúkrunarfræð-
inga stofnunarinnar. Fyrstu námskeiðin voru haldin í
nóvember sl. í slysa- og bráðahjúkrun og skólahjúkrun.
Góð mæting var á námskeiðin og hjúkrunarfræðingarnir
höfðu tækfæri til að hittast og bera saman bækur sínar. í
kjölfar námskeiðsins var ákveðið að stofna fagdeild skóla-
hjúkrunarfræðinga með það að markmiði að auka sam-
starf og koma í veg fyrir einangrun f starfi. Einnig er
ætlunin að fara með sérþekkingu á milli staða þannig að
t.d. hjúkrunarfræðingur, sem sérhæfir sig í hjúkrun krabba-
meinssjúklinga, fari á milli og gefi ráð um hjúkrunar-
meðferð þeirra.
Nýverið hefur stofnunin komið upp fjarfundarbúnaði á
Egilsstöðum, Neskaupstað og Seyðisfirði. Fjarfundarbún-
aðurinn gerir hjúkrunarfræðingum kleift að sitja námskeið
og fyrirlestra sem eru haldin annars staðar á landinu og
þar með að fylgjast með nýjungum í hjúkrun. Til dæmis
hafa hjúkrunarfræðingar stofnunarinnar tekið þátt í viku-
legum fræðslu- og endurmenntunarfundum sem eru
haldnir á FSA. Auk þessa getur starfsfólk stofnunarinnar
nú haldið fyrirlestra fyrir fólk sem er staðsett annars staðar
á landinu án þess að leggja á sig ferðalög á milli
landshluta. Þess má einnig geta að á Egilsstöðum stunda
tveir nemar nám í hjúkrun á öðru ári í Háskólanum á
Akureyri í gegnum fjarfundarbúnaðinn.
Nú ætlar stofnunin að bjóða upp á kjörár í hjúkrun á
landsbyggðinni fyrir nýútskrifaða hjúkrunarfræðinga og
aðra sem hafa áhuga. Kjörár felst í því að viðkomandi
hjúkrunarfræðingi er gefinn kostur á að starfa á fleiru en
einu sviði, t.d. í hálft ár í heilsugæslu og hálft ár á sjúkra-
deild. Hjúkrun á landsbyggðinni er spennandi og spannar
breitt svið. Hjúkrunarfræðingur, sem vinnur á heilsugæslu-
stöð, þarf t.d. ásamt því að sinna ungbarnaeftirliti, heima-
hjúkrun og skólahjúkrun að taka á móti bráðveikum og
slösuðum, fara í sjúkraflutninga og sjá um sálgæslu.
Hjúkrunarfræðingurinn hefur betri heildarsýn yfir aðstæður
skjólstæðinganna og fjölskyldur þeirra en á stærri stöðum.
Tímarit hjúkrunarfræðinga • 1. tbl. 76. árg. 2000