Morgunblaðið - 05.01.2017, Síða 86

86 MENNING
MORGUNBLAÐIÐ FIMMTUDAGUR 5. JANÚAR 2017
LISTHÚSINU
Listhúsinu við Engjateig, 105 Reykjavík, sími 551 2050 Opið 11-18, lau 11-16.
Fallegar
gjafavörur
Mikið úrval mælitækja og verkfæra
fyrir raftækniiðnaðinn
Ármúla 17, 108 Reykjavík, sími 552 8636, mbr.is
Allt fyrir raftækni
Mælitæki og verkfæri
Elín Margrét Böðvarsdóttir
elinm@mbl.is
Venju samkvæmt eru Vínar-
tónleikar Sinfóníuhljómsveitar Ís-
lands haldnir nú snemma í janúar.
Fyrstu tónleikarnir í ár fara fram í
Eldborgarsal Hörpu í kvöld en að
þessu sinni verða haldnir fernir
tónleikar.
Óperettutónlist og valsar eftir
Johann Strauss yngri, Franz Lehár
og Emmerich Kálman eru meðal
annars á efnisskránni, til að mynda
úr verkunum Leðurblökunni og
Kátu ekkjunni. Athygli vekur að
meðal verka sem flutt verða á tón-
leikunum er arían „Heut’ Nacht
hab’ ich geträumt von dir“ eftir
óperettuskáldið Emmerich Kálman
sem óvænt hefur slegið í gegn á Ís-
landi við texta Jóns Sigurðssonar,
„Ég er kominn heim“. Einsöngv-
arar eru þau Þóra Einarsdóttir
sópran og Norðmaðurinn Bror
Magnus Tødenes tenór, en hljóm-
sveitarstjóri er hinn austurríski
David Danzmayr. Danzmayr stýrði
Vínartónleikunum einnig fyrir
tveimur árum við mikla lukku en
hann er sagður í fremstu röð evr-
ópskra hljómsveitarstjóra.
Ekki bara staðið og sungið
„Ætli þetta sé ekki í þriðja eða
fjórða sinn sem ég syng á Vínartón-
leikum,“ segir Þóra Einarsdóttir
söngkona. Hún tók fyrst þátt í Vín-
artónleikum Sinfóníunnar í Há-
skólabíói fyrir mörgum árum og var
það eitt af hennar fyrstu stóru
verkefnum í tónlistinni. „Þá var ég
bara nýbyrjuð í námi úti í Bret-
landi, þetta var örugglega um 1992-
93 eða eitthvað svoleiðis.“ Síðan þá
segir Þóra margt hafa breyst, ekki
síst hvað varðar umfang tón-
leikanna. Nú snúist þeir ekki aðeins
um tónlistina sem slíka heldur einn-
ig um alla umgjörðina. „Þetta er
alltaf að verða meiri og meiri sýn-
ing. Það eru dansarar og lýsing og
hreyfingar,“ útskýrir Þóra. „Þetta
er orðin meiri uppfærsla en ekki
bara tónleikar þar sem er staðið og
sungið.“
Af þeim verkum sem flutt verða
á tónleikunum er Leðurblakan í
miklu uppáhaldi hjá Þóru en hún
syngur aríur Adele.
Þó létt sé yfir Vínartónlistinni
segist Þóra ekki nálgast hana neitt
öðruvísi en annað. „Þetta er í raun-
inni kannski ekkert mikið öðruvísi.
Það er létt yfir henni og svona
ákveðin sveifla. Það er valsinn sem
er ríkjandi þannig að það er frekar
erfitt að vera kyrr, maður vill helst
bara dansa með,“ segir Þóra og
hlær.
Undirbúningur gengið vel
„Ætli það sé ekki bara þörfin fyr-
ir eitthvað bjart og ljóst, létt og já-
kvætt svona við upphaf nýs árs,“
segir Þóra um þá hefð að halda
Vínartónleika strax í janúar. Hún
segir undirbúninginn hafa gengið
ákaflega vel og kveðst hlakka til að
koma fram á tónleikunum. „Þetta
lofar góðu, það verður fjör.“
Fyrstu tónleikarnir eru kl. 19.30 í
kvöld, fimmtudagskvöld. Þá verða
aðrir tónleikar á sama tíma annað
kvöld og loks tvennir á laugardag-
inn, þeir fyrri kl. 16.00 og þeir
seinni kl. 19.30. Miðasala hefur
gengið vel og fer hver að verða síð-
astur að tryggja sér miða.
„Alltaf að verða meiri og meiri sýning“
 Fyrstu Vínartónleikar Sinfóníuhljómsveitar Íslands eru í kvöld  „Lofar góðu, það verður fjör“
Morgunblaðið/Golli
Söngkonan „Það er frekar erfitt að vera kyrr, maður vill helst bara dansa með,“ segir Þóra Einarsdóttir.
Áundanförnum árum hefurmyndskreytirinn KristínRagna Gunnarsdóttir unn-ið á eftirtektarverðan og
frumlegan hátt með fornsögurnar og
norrænar goðsagnir, og hefur hlotið
fyrir vinnu sinna verðskulduð verð-
laun. Nú hefur hún sent frá sér
fyrstu bókina sem hún bæði skrifar
og teiknar, fyrir börn og ungmenni,
og í raun fjölskylduna alla. Og Krist-
ín Ragna hefur hér skapað ekki síður
eftirtektarvert
verk þar sem hún
heldur nú um alla
þræðina; hún hef-
ur skrifað afar
áhugaverða, vand-
aða og spennandi
sögu þar sem unn-
ið er á lifandi og
frumlegan hátt
með samtímann og
norræna goðaheiminn.
Úlfur og Edda – Dýrgripurinn
fjallar um uppeldissystkinin Úlf, sem
er sjö ára prakkari, og hina ábyrgð-
arfullu Eddu sem er aðeins eldri.
Þegar sagan hefst er sumar og börn-
in eru á leið að Skálholti til sumar-
dvalar, þar sem kennarinn faðir
Eddu hefur tekið að sér að verða
matráðsmaður meðan kona hans,
móðir Úlfs, verður fararstjóri á fjöll-
um. Í Skálholti starfar líka amma
Eddu og nafna, hún er landskunnur
fornleifafræðingur og hefur tengst
staðnum frá barnæsku, þegar hún
varð vitni að því þegar steinkista Páls
biskups fannst sumarið 1954. Á sama
tíma hafði hún fundið sérkennilegan
og fallegan forngrip og frásögnin fer
strax á fleygiferð, þegar í ljós kemur
að brotist hefur verið inn á skrifstofu
hennar og gripnum stolið. Böndin
beinast að sérkennilegum náunga,
hinum framkvæmdasama Guðbrandi
sem er allt í öllu á staðnum, ekur
hvítri drossíu með einkanúmerið ÍS-
LAND og hefur látið reisa torfhús
austan við kirkjuna, svokallaða Þor-
láksbúð – og er ekki allur sem hann
er séður.
Börnin einsetja sér að aðstoða
ömmu sína við leitina að dýrgripnum
og leitin leiðir þau niður í göng eins
og þau sem áður lágu milli húsa í
Skálholti nema þessi liggja milli
heima. Á ævintýralegan hátt enda
börnin í goðheimum og kynnast þar í
leitinni að dýrgripnum mörgum
helstu goðum og skepnum þeirra.
Þór og Sif, Freyja, Heimdallur,
Fenrisúlfur, Mímir, Ratatoskur,
Angurboða, og fleiri goð og þursar,
börnin Röskva og Þjálfi, að ógleymd-
um Loka hinum lævísa, koma við
sögu. Og ekki reynist nóg að reyna
að finna dýrgrip ömmunnar í þessum
furðuheimi, heldur þarf að komast til
baka í mannheima og þarf klæki til.
Frásögnin er lipurlega skrifuð og
drifin áfram af æsilegum atburðum
og vel stíluðum samtölum. Kristín
Ragna vinnur skemmtilega með
heim ásanna, goðin eru dregin skýr-
um dráttum, býsna groddaleg en
spaugileg um leið, og sagan er fín leið
fyrir yngri lesendur inn í þennan
forna heim sem við þurfum öll að
þekkja. Í goðheimum er býsna hratt
farið yfir sögu og frá einum guði til
annars, á stundum svo þessi lesandi
hefði alveg viljað staldra við svolítið
lengur og kynnast persónum betur.
En sagan er spennandi og leitin að
gripnum og samband systkinanna
drífur hana vel áfram.
Höfundurinn er þekktur mynd-
skreytir og við upphaf hvers kafla er
lífleg vinjetta, auk þess sem í bókinni
eru portrettmyndir af öllum helstu
persónum, einar sex heilsíðumyndir
og kort sem er opna. Myndirnar
bæta miklu við frásögnina og eru
listavel gerðar, eins og vænta mátti,
en það er galli að þær séu prentaðar í
svarthvítu því myndirnar eru aug-
sýnilega unnar í lit og hefðu notið sín
mun betur þannig.
Þessi bráðskemmtilega og vel
unna frásögn af systkininum Úlfi og
Eddu býður upp á að lesendur fái að
fylgja þeim í fleiri ævintýri og von-
andi verður sú raunin.
Morgunblaðið/Eggert
Ævintýraheimur Saga Kristínar Rögnu er afar spennandi og áhugaverð og
unnið er á „frumlegan hátt með samtímann og norræna goðaheiminn“.
Ævintýri í goðheimum
Fjölskyldusaga
Úlfur og Edda – Dýrgripurinn
bbbbn
Eftir Kristínu Rögnu Gunnarsdóttur.
Bókabeitan, 2016. Innb., 217 bls.
EINAR FALUR
INGÓLFSSON
BÆKUR
Allt frá árinu 1839 var það hefð í
Vín að halda tónleika strax á
nýju ári. Árið 1939 voru fyrstu
Vínartónleikar sinfóníu-
hljómsveitar borgarinnar haldn-
ir í tilefni nýs árs og lifði sú
hefð áfram fram yfir síðari
heimsstyrjöld. Síðan hafa Vín-
artónleikar verið haldnir á ný-
ársdag ár hvert og er þeim nú
sjónvarpað víða um heim en í ár
fylgdust tugir milljóna manna
með tónleikunum frá 93 lönd-
um. Sinfóníuhljómsveitir um all-
an heim hafa síðan tekið upp
þennan sið og er Sinfóníu-
hljómsveit Íslands þar engin
undantekning.
Rótgróin og
þekkt hefð
VÍNARTÓNLEIKAR