Morgunblaðið - 10.06.2017, Qupperneq 24
24 FRÉTTIRInnlent
MORGUNBLAÐIÐ LAUGARDAGUR 10. JÚNÍ 2017
BAKSVIÐ
Ágúst Ingi Jónsson
aij@mbl.is
Þegar Aron Einar Gunnarsson,
fyrirliði landsliðsins í knattspyrnu,
leiðir lið sitt inn á völlinn í leiknum
mikilvæga gegn Króatíu annað
kvöld í undankeppni
heimsmeistaramótsins fetar hann í
fótspor margra af sterkustu og sig-
ursælustu knattspyrnumönnum
þjóðarinnar. Völlurinn hefur í sextíu
ár verið stærsti samkomustaður
þjóðarinnar og þar hafa margir upp-
lifað gleði og sorg. Stórir sigrar hafa
unnist í knattspyrnu og frjálsum
íþróttum, jafnt hjá körlum sem kon-
um. Glæsimörk og met lifa í minn-
ingunni, að ógleymdum sigri okkar
kvenna á Norðurlandamótinu í
handknattleik, en mótið fór fram á
grasinu í Laugardalnum árið 1964.
Fyrsti landsleikurinn fór þar
fram gegn Norðmönnum 8. júlí
1957, fyrir rétt tæpum 60 árum.
Formleg vígsluhátíð fór hins vegar
fram tveimur árum síðar. Með
Laugardalsvellinum var stigið stórt
framfaraskref en hann var barn síns
tíma og þrátt fyrir miklar breyt-
ingar og byggingar er ljóst að veru-
legra endurbóta er þörf svo að hægt
verði að leika þar í lengri tíma ár
hvert. Þannig mætti koma til móts
við íslenskt landsliðsfólk í fremstu
röð og svara sífellt auknum alþjóð-
legum kröfum.
Rikki fyrsti fyrirliðinn
Fyrstur til að standa í sporum
fyrirliða íslenska landsliðsins á
Laugardalsvelli var Skagamaðurinn
Ríkharður Jónsson í fyrrnefndum
landsleik gegn Norðmönnum, en
Ríkharður lést í febrúar í vetur. Alls
voru átta Skagamenn þá í byrjunar-
liði Íslands og sá níundi á vara-
mannabekknum. Leikurinn var lið-
ur í 10 ára afmælismóti
Knattspyrnusambandsins, sem var
stofnað árið 1947. Auk landsliðs Ís-
lands kepptu Norðmenn og Danir á
mótinu.
Noregsleikurinn tapaðist 3:0 og
skoraði Norðmaðurinn Arne
Legernes fyrsta markið á vellinum
úr vítaspyrnu. Það var hins vegar
Rikki sem skoraði fyrsta mark Ís-
lendinga á Laugardalsvellinum, það
kom í leiknum gegn Dönum 10. júlí.
Sá leikur tapaðist 6:2, en síðara
mark Íslendinga skoraði Þórður
Þórðarson. Morgunblaðið sagði svo
frá fyrsta marki okkar manna:
„Ríkharður komst í gegn, brunaði
upp og skoraði fallega af markteig.
Íslenskt frumkvæði, glæsilegt, sem
fagnað var með ferlegum ópum, hin-
um mestu til þessa í Laugardal.“
Alls voru um tólf þúsund áhorf-
endur á Noregsleiknum, sem var
fyrsti landsleikurinn sem fram fór á
grasvelli hérlendis. Laugardals-
völlurinn var ekki fullbúinn þegar
afmælismót KSÍ fór fram, en allt
kapp hafði verið lagt á að gera hann
leikhæfan fyrir afmælismótið. Með-
al annars var miðasala við Laug-
ardalsvöllinn ófullkomin og miðar í
forsölu voru seldir í miðasölu Mela-
vallarins og úr bílum í miðbæ
Reykjavíkur.
Holræsið mikil framkvæmd
Í lok seinni heimsstyrjaldarinnar
hófst undirbúningur að fram-
kvæmdum í Laugardalnum. Gísli
Halldórsson arkitekt var fenginn til
að hanna íþróttamannvirkin og skil-
aði hann teikningum ári seinna. Um
svipað leyti hófust framkvæmdir við
að ræsa fram Laugardalinn, en hol-
ræsið í dalnum var stærsta fram-
kvæmd sinnar tegundar sem ráðist
hafði verið í hér á landi. Holræsa-
gerðinni lauk 1950 og var þá hafist
handa við sjálfa vallargerðina. Vorið
1952 var völlurinn fínjafnaður og
sáð í hann grasfræi. Sama sumar
hófust framkvæmdir við stúkuna og
var lokið við að steypa fremri helm-
ing hennar 1955.
Völlurinn og mannvirkin í
Laugardalnum höfðu mikla breyt-
ingu í för með sér fyrir íslenskt
íþróttalíf en leikir á grasvelli voru
undantekning í íslenskum fótbolta
þar til fyrir 60 árum. Árið 1957 tóku
Íslendingar í fyrsta skipti þátt í
undankeppni HM, tveimur árum
seinna í forkeppni ólympíuleikanna
og árið 1962 tók Ísland í fyrsta
skipti þátt í Evrópukeppni lands-
liða. Góður grasvöllur var ein af for-
sendunum fyrir því að þátttaka í al-
þjóðlegum mótum væri möguleg.
Á árunum 1965-1970 var vestur-
stúkan stækkuð og yfirbyggð. Tart-
anbraut með átta hlaupabrautum
var lögð 1992 og flóðljós voru tekin í
notkun í október það ár. Talsverð
tímamót voru á vellinum fyrir 20 ár-
um, en 1997 var ný stúka byggð að
austanverðu og KSÍ flutti skrif-
stofur sínar í nýja aðstöðu undir
sunnanverðri vesturstúkunni.
Vinna hófst við endurbætur og
stækkun á vesturstúkunni 2005 og
byggingu nýrrar skrifstofuaðstöðu
KSÍ. Enn kemur talan 7 fyrir þegar
rýnt er í annála Laugardalsvallarins
því árið 2007 voru höfuðstöðvar KSÍ
fluttar í nýja skrifstofuaðstöðu og
endurbótum og stækkun lauk á
vesturstúkunni á 50 ára afmæli
sambandsins. Ásýnd Laugardals-
vallarins gjörbreyttist með þessum
breytingum. Það sama ár var
Baldurshaga breytt úr frjáls-
íþróttaaðstöðu í skylmingaaðstöðu.
Magnað kvöld í Laugardalnum
Alls rúmar Laugardalsvöllur
9.800 áhorfendur í númeruð sæti, en
ekki er lengur heimilt að áhorf-
endur séu í stæðum á mótalands-
leikjum í knattspyrnu. Mesti áhorf-
endafjöldi á knattspyrnuleik á
vellinum var á vináttulandsleik Ís-
lands og Ítalíu 18. ágúst 2004, en þá
voru 20.204 áhorfendur í Laug-
ardalnum. Þá var selt í stæði enda
um vináttuleik að ræða svo að skil-
yrði voru ekki eins ströng og á
mótaleikjum. Þetta kvöld var magn-
að í Laugardalnum og 2-0 sigur
gladdi íslensk hjörtu.
Áður höfðu mest mætt 18.194
áhorfendur á leik Vals og portú-
galska liðsins Benfica 18. september
1968. Þá var ekki skilyrði að allir
áhorfendur hefðu sæti og sannar-
lega var troðið í hverja smugu á
vellinum.
Metfjöldi áhorfenda á vellinum
var þó á öðrum viðburði, en talið er
að um 25.000 manns hafi verið á af-
mælistónleikum Kaupþings í
Laugardalnum 17. ágúst 2007, að
því er segir á heimasíðu KSÍ. Sumir
segja að þeir hafi verið enn fleiri.
Það var í þá daga!
Völlurinn stenst ekki kröfur
Enn og aftur er komið að endur-
bótum í Laugardal og forystumenn
Knattspyrnusambandsins eru stór-
huga þegar þeir hugsa til framtíðar.
Gríðarlegar framfarir hafa orðið á
aðstöðu á íþróttamannvirkjum í
Evrópu á síðasta áratug og er þá
nokk sama hvort talað er um að-
stöðu fyrir iðkendur og áhorfendur,
tækni eða öryggismál. Laugardals-
völlur hefur dregist aftur úr og
stenst ekki lengur kröfur Knatt-
spyrnusambands Evrópu.
Þá er veðurfar hérlendis þannig
að heimaleikir í mars og nóvember
eru ekki ákjósanlegur kostur við nú-
verandi aðstæður eins og mun verða
verkefni landsliðs karla á komandi
árum. Það þykir ekki til eftirbreytni
að handmoka frostharðan völlinn
fyrir landsleiki, eins og gert var í
lok október 2008 fyrir leik kvenna-
landsliðsins gegn Írum í umspili um
sæti á EM kvenna í knattspyrnu.
Slíkt er ekki valkostur.
Yfirbyggður leikvangur sem get-
ur hýst viðburði á sviði íþrótta,
menningar og viðskipta, t.d.
sýningarhald er draumur knatt-
spyrnuforkólfa. Innlend og erlend
ráðgjafarfyrirtæki hafa unnið að
hagkvæmnisathugunum á verkefn-
inu. Ná þyrfti samningum við eig-
anda vallarins, Reykjavíkurborg,
um verkefnið og tæpast verður farið
út í það án aðkomu ríkisins við upp-
byggingu þjóðarleikvangsins.
Ljóst er að í heild myndi verkefn-
ið kosta milljarða, en hugsanlega
má áfangaskipta því og setja þá í
Samkomustaður í 60 ár
Sætir sigrar, glæsimörk og met í Laugardalnum Enn hugað að breytingum á þjóðarleikvanginum
Fyrsta markinu fagnað með ferlegum ópum Aðstaða íþróttamanna á Skildinganesmelum í 144 ár
Ljósmynd/KSÍ/Jóhann G. Kristinsson.
Nýtt útlit Miklum endurbótum og stækkun á vesturstúkunni lauk fyrir tíu árum og fengu mannvirkin nýjan svip.
Myndin er tekin 9. ágúst 2006 þegar framkvæmdir stóðu sem hæst, en nú tekur völlurinn 9.800 manns í sæti.
Morgunblaðið/Golli
Landsleikur Aron Einar Gunnarsson
í baráttu gegn Arjen Robben og
Hollandi. Á morgun er það Króatía.
Sími 555 2992 og 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu og Melabúð
Óblönduð
– meiri virkni Selaolía
Ég heyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustað mínum sem ég hafði ekki getað áður.“