Ægir - 01.07.2017, Page 98

98
Ráðstefnan World Seafood Congress (WSC) sem haldin verður í Hörpu dagana 10.-
13. september nk., er einn
stærsti vettvangur heims sem
fjallar um verðmætasköpun og
matvælaöryggi í sjávarútvegi.
Ráðstefnan er í eigu IAFI (Internatio-
nal Association of Fish Inspectors) sem eru
samtök fag- og eftirlitsaðila í fiskiðnaði og
þar er lögð áhersla á faglega þætti sem
snúa að matvælaöryggi og eftirliti sem
tengist matvælaframleiðslu í sjávarútvegi,
ekki síst í þróunarríkjum.
„Erlendis eru margir sem horfa með öf-
undaraugum til Íslands vegna þess hve vel
okkur hefur tekist að halda utan um stjórn-
un og nýtingu sjávarauðlindanna. Þess
vegna er það mikið tækifæri fyrir íslenskan
sjávarútveg að fá þessa ráðstefnu hingað til
lands til að kynna hvað hann stendur fyrir,“
segir Steinar B. Aðalbjörnsson, forstöðu-
maður miðlunar og markaðssetningar hjá
Matís sem sér um ráðstefnuna. Ráðstefnan
er haldin annað hvert ár og hana sækja
starfsmenn útgerða og fiskvinnslu,
fjárfestar og fólk úr stofnana- og
menntaumhverfinu víða um
heim. Hún var síðast haldin í
Bretlandi og þar áður í Kanada
og er Ísland fyrst Norðurlanda til
að halda hana.
Bláa lífhagkerfið
Sjálf ráðstefnan er í tvo og hálfan dag og
yfirskrift hennar er að þessu sinni „Vöxtur í
bláa lífhagkerfinu“. Lífhagkerfið spannar
allar lífrænar og endurnýjanlegar auðlindir
og bláa lífhagkerfið skírskotar til þess sem
þrífst í höfum og vötnum. „Við viljum vekja
athygli á að allt sem við gerum hefur áhrif á
lífrænar auðlindir okkar. Við erum ekki bara
að tala um fiskinn í sjónum heldur líka þör-
ungana sem fiskarnir þrífast á, orkuna sem
notuð er til að sigla á miðin, hversu vel við
förum með aflann og allt annað sem hefur
áhrif og tengist lífinu í hafinu.“
Steinar segir dagskrá ráðstefnunnar
ákveðna af vísindanefnd sem skipuð er
fulltrúum IAFI og Matís og þar vegi þungt
áherslur IAFI á matvælaöryggi- og eftirlit
og viðhorf vísindamanna Matís sem sveigi
áherslurnar meira að viðskipta- og fyrir-
tækjaverkefnum og fjármögnun. Vel á ann-
að hundrað manns alls staðar að
úr heiminum koma að fyrirlestr-
um sem haldnir verða í nokkrum
samhliða málstofum á ráðstefn-
unni. Á fyrsta degi verður lögð
áhersla á þróunarsamstarf og stöðuna á
hinum ýmsu svæðum í heiminum hvað
varðar matvælaöryggi, eftirlit og þætti sem
miða að því að stuðla að nægu fæðufram-
boði og öruggum matvælum.
Tæknilegar umbyltingar
Á öðrum degi færast áherslurnar meira yfir
á tækniumbyltingar, fjármögnun og fyrir-
tækjarekstur þar sem litið verður á mat-
vælaframleiðslu í sjávarútvegi sem við-
skiptatækifæri. Síðasti ráðstefnudagurinn
verður umfjöllun fram að hádegi enda er
þetta dagurinn sem Íslenska sjávarútvegs-
sýningin hefst í Kópavogi. Þarna verða
kynntar helstu nýjungar og tækniumbylt-
ingar sem orðið hafa síðustu misserin í mat-
vælaframleiðslu, með sérstakri áherslu á
sjávarútveginn. Meðal annars mun fulltrúi
frá Gfresh, sem er nettengt markaðstorg
fyrir sjávarafurðir á heimsvísu, fjalla um
netverslun með sjávarafurðir, Lynette
Kucsma gerir grein fyrir matvælaprenturum
en hún kom einmitt að hönnun eins af
fyrstu þrívíddar matvælaprenturunum.
Loks má nefna John Bell frá framkvæmda-
stjórn ESB sem fjallar um þau áhrif sem
tækniumbyltingar eru að hafa í evrópskum
sjávarútvegi. Forseti Íslands, Guðni Th. Jó-
hannesson, mun svo slíta ráðstefnunni.
matis.is
World Seafood Congress
í fyrsta skipti á Íslandi
Ráðstefnan fer fram í Hörpu dagana fyrir
Íslensku sjávarútvegssýninguna í Kópa-
vogi.
„Það er mikið tækifæri fyrir íslenskan sjávarútveg að fá þessa ráðstefnu hingað til lands,“
segir Steinar B. Aðalbjörnsson, forstöðumaður miðlunar og markaðssetningar hjá Matís.