Morgunblaðið - 30.11.2017, Qupperneq 34
34 FRÉTTIRErlent
MORGUNBLAÐIÐ FIMMTUDAGUR 30. NÓVEMBER 2017
Sindragata 12c | Ísafirði | Sími 456 1300 | smidjan@velsmidjan.is
HLÍFÐARHÚÐ Á RÚÐUR
u Kemur í veg fyrir að óhreinindi safnist
á rúðuna / sólaselluna
u Eykur öryggi og útsýni allt að
tvöfalt í bleytu og rigningu
u Kemur í veg fyrir að flugur, drulla,
snjór og ísing safnist á rúðuna
u Heldur regnvatni frá rúðunni
u Býr til brynju á rúðunni fyrir
leysiefnum og vökvum
u Þolir háþrýstiþvott
u Virkar við -30°C til + 30°C
u Endingartími er 6 – 12 mánuðir
Frábært á bílrúður – gluggarúður – sólasellur
LIÐ Í
ÓLAPAKKANN
Er listamaður í
þinni fjölskyldu?
Mikið úrval af
myndlistarvö
gjafasettum
og trönum.
VA
Borgartúni 22, Reykjavík • Gleráreyrum 2, Akureyri • Opið: 8-18 virka daga og 10-14 laugardaga • slippfelagid.is
rum,
J
Bogi Þór Arason
bogi@mbl.is
Sérfræðingar í kjarnavopna- og eld-
flaugatækni telja að Norður-Kóreu-
menn hafi sýnt að þeir geti skotið
langdrægri eldflaug sem gæti dregið
til hvaða borgar sem er á meginlandi
Bandaríkjanna. Þeir telja þó að enn
sem komið er geti Norður-Kóreu-
menn ekki beitt slíkri eldflaug til að
gera kjarnorkuárás á meginland
Bandaríkjanna en þeir hafi færst nær
því markmiði.
Kim Jong-un, leiðtogi einræðis-
stjórnar Norður-Kóreu, sagði að eld-
flaugarskotið í fyrradag sýndi að hún
hefði náð því markmiði sínu að gera
landið að kjarnorkuveldi. Einræðis-
stjórnin segir að eldflaugin hafi farið
um 4.475 km yfir jörðina og lent um
950 km frá skotpallinum 53 mínútum
eftir að henni var skotið á loft. Hermt
er að flaugin hafi lent í hafinu innan
landhelgi Japans, um 250 km frá
strönd landsins.
Melissa Hanham, sérfræðingur í
öryggismálum og baráttunni gegn út-
breiðslu gereyðingarvopna, telur að
eldflaugarskotið sýni að Norður-Kór-
eumenn gætu gert árás á höfuðborg
Bandaríkjanna, Washington. „Ef töl-
urnar eru réttar sýnir tilraunin að
drægið er miklu lengra en nokkurrar
annarrar eldflaugar [sem Norður-
Kóreumenn hafa skotið til þessa],“ að
því er The Wall Street Journal hefur
eftir Hanham. Blaðið hefur eftir öðr-
um sérfræðingi í öryggismálum,
Abraham Denmark, að Norður-Kór-
eumenn færist sífellt nær því mark-
miði að koma sér upp kjarnavopnum
sem hægt væri að beita gegn Banda-
ríkjunum.
Gæti dregið 13.000 km
David Wright, sérfræðingur
bandarísku vísindasamtakanna UCS
í kjarnorku- og eldflaugatækni, tekur
í sama streng. Hann telur að eld-
flaugin gæti dregið um 13.000 km og
hægt væri að skjóta henni á hvaða
borg sem er á meginlandi Bandaríkj-
anna. Hann telur hins vegar að eld-
flaugin hafi verið með léttan farm og
segir ólíklegt að flaugin gæti borið
kjarnaodd, sem er miklu þyngri, svo
langa leið.
Sérfræðingar í kjarnorku- og eld-
flaugatækni telja einnig að Norður-
Kóreumönnum hafi ekki enn tekist að
smíða langdræga eldflaug sem geti
borið kjarnavopn og komist aftur inn
í lofthjúpinn án þess að sundrast.
Paul Adams, fréttaskýrandi breska
ríkisútvarpsins í Suður-Kóreu, segir
að sérfræðingarnir séu sammála um
þetta og telji að það geti tekið
Norður-Kóreumenn tvö til þrjú ár til
viðbótar að þróa eldflaug sem gæti
borið kjarnaodd og gert árás á
meginland Bandaríkjanna.
Varnarmálaráðherra Japans, Its-
unori Onodera, sagði að svo virtist
sem eldflaugin hefði sundrast áður en
hún lenti í hafinu.
Einræðisstjórn Norður-Kóreu
sagði að þótt landið væri orðið kjarn-
orkuveldi hygðist það ekki beita
kjarnavopnum að fyrra bragði. Öðr-
um löndum myndi ekki stafa hætta af
vopnunum „svo fremi sem þau brjóta
ekki gegn hagsmunum Lýðræðislega
alþýðulýðveldisins Kóreu“. Að sögn
fréttaskýranda BBC er líklegt að ríki
heims gefi lítið fyrir þessa yfirlýsingu
og að N-Kóreumenn haldi kjarnorku-
og eldflaugatilraununum áfram þar
til þeir eignist kjarnavopn sem hægt
væri að beita til árása á Bandaríkin.
Á fárra kosta völ
Donald Trump Bandaríkjaforseti
hefur lofað að koma í veg fyrir að
Norður-Kóreumenn eignist slík vopn.
Hann tísti á Twitter í ágúst að Banda-
ríkin myndu svara „með eldi og ofsa-
bræði, sem heimurinn hefur aldrei
áður séð“, ef einræðisstjórnin í
Pjongjang hefði í frammi fleiri hót-
anir við Bandaríkin og gaf til kynna
að til greina kæmi að beita kjarna-
vopnum gegn Norður-Kóreu.
Norður-Kóreumenn virtu hótun
Trumps að vettugi, héldu áfram að
skjóta eldflaugum á loft og sprengdu
öfluga kjarnorkusprengju í tilrauna-
skyni í byrjun september.
Viðbrögð Trumps við eldflaugar-
skotinu í fyrradag voru varfærnis-
legri. „Ég segi ykkur aðeins að við
munum sjá um þetta … Þetta er
staða sem við ráðum fram úr,“ sagði
hann við fréttamenn í Hvíta húsinu.
Stephen Collinson, fréttaskýrandi
CNN-sjónvarpsins, segir að þessi
óljósu ummæli endurspegli hversu
fáa kosti forsetinn hafi í málinu og
hversu alvarlegt það sé orðið. Hann
gæti þurft að velja á milli þess að
sætta sig við að Norður-Kóreumenn
eignuðust kjarnavopn, sem hægt
væri að beita gegn Bandaríkjunum,
og þess að beita hernaði sem gæti
leitt til mikilla blóðsúthellinga í Asíu.
Gæti dregið til Bandaríkjanna
Eldflaugarskot N-Kóreumanna talið sýna að þeir gætu skotið flaug á meginland Bandaríkjanna
Talið er þó ólíklegt að flaugin geti borið kjarnaodd og komist í lofthjúpinn án þess að sundrast
Drægi eldflauga Norður-Kóreumanna
Heimildir: Varnarmálaráðuneyti Suður-Kóreu/KCNA/NuclearThreatInitiative/GlobalSecurity/missiledefenseadvocacy/
CSIS/38 North/rannsóknastofnun Johns Hopkins-háskóla
10.000 km
8.000 km
BANDA-
RÍKIN
HAWAII
ALASKA
KANADA
RÚSSLAND
KÍNA
NORÐUR-
KÓREA
Fjarlægð frá
Norður-Kóreu
4.500 km
1.000
km
Guam
(bandarísk
herstöð)
NewYork
Washington DC
JAPAN
IND-
LAND
FRAKKLAND
ÁSTRALÍA
Áætlað drægi eldflauga sem
hefur verið skotið á loft
frá Norður-Kóreu í ár,
samkvæmtmati sérfræðinga
og stjórnvalda í Suður-Kóreu
4. júlí
28. júlí
13.000 km**
** Skv. mati DavidsWright,
sérfræðings í kjarnavopna-
og eldflaugatækni*Að sögn stjórnvalda í N-Kóreu
29. nóvember
29. ágúst
14. maí
29. nóvember
Hæð: 4.475 km
Vegalengd: 950 km*
15. september
AFP
Fögnuður Íbúar Pjongjang í N-Kóreu fagna fréttum af eldflaugarskotinu.
Hvatt til viðræðna
» Stjórnvöld í Rússlandi gagn-
rýndu eldflaugarskot Norður-
Kóreumanna, sögðu að það
væri „ögrandi aðgerð“ sem yki
spennuna á Kóreuskaga.
» Kínversk stjórnvöld sögðust
hafa miklar áhyggjur af eld-
flaugatilraunum Norður-
Kóreumanna, hvöttu þá til að
virða ályktanir öryggisráðs
Sameinuðu þjóðanna og sögðu
að viðræður væru eina leiðin til
að leysa deiluna.
Ríkisstjórn Bretlands og embættis-
menn Evrópusambandsins hafa náð
samkomulagi í meginatriðum um
að Bretar greiði sambandinu 45 til
55 milljarða evra, jafnvirði 5.500 til
6.800 milljarða króna, þegar þeir
ganga úr ESB, að sögn The Daily
Telegraph í gær. Stuðningsmenn
Brexit brugðust reiðir við fréttinni
og einn forystumanna þeirra, Nigel
Farage, sagði að tölurnar væru „al-
gerlega óviðunandi“. Áður hafði
Theresa May, forsætisráðherra
Bretlands, sagt að stjórnin léði
máls á því að greiða 20 milljarða
evra (2.400 milljarða króna).
VIÐRÆÐURNAR UM BREXIT
Reiðir vegna frétta um skilnaðargreiðslur