Morgunblaðið - 30.11.2017, Síða 64

64 MENNING
MORGUNBLAÐIÐ FIMMTUDAGUR 30. NÓVEMBER 2017
Helgi Snær Sigurðsson
helgisnaer@mbl.is
Hljómsveitin Grafík kemur saman á
ný í kvöld og fagnar því með tón-
leikum í Bæjarbíói í Hafnarfirði að
30 ár eru nú liðin frá því hljómplata
sveitarinnar Leyndarmál kom út. Á
morgun heldur hljómsveitin svo
norður til Akureyrar og heldur tón-
leika á Græna hattinum.
Grafík naut mikilla vinsælda á
sínum tíma, á níunda áratugnum, og
hlaut fyrrnefnd breiðskífa afar góð-
ar viðtökur og nutu einkum tvö lög
af henni mikilla vinsælda, „Presley“
og „Prinsessan“. Platan kom út 5.
nóvember 1987 en upptökur á henni
hófust rúmu ári fyrr, í október 1986.
Höfðu þá orðið þær mannabreyt-
ingar í sveitinni að Andrea Gylfa-
dóttir tók við hljóðnemanum af
Helga Björns sem fram að því hafði
verið söngvari hljómsveitarinnar.
Auk Andreu skipuðu hljómsveitina
Baldvin Sigurðsson bassaleikari,
Hjörtur Howser hljómborðsleikari,
Rafn Jónsson trommuleikari og
Rúnar Þórisson gítarleikari og kom
Grafík síðast fram með þessari skip-
an um áramótin 1987-88, á áramóta-
dansleik á Hótel Íslandi. Þessi hóp-
ur snýr nú aftur að Rafni undan-
skildum þar sem hann lést árið 2004
og mun sonur hans, Egill Örn
Rafnsson, leika á trommur.
Gleði og löngun
„Í fyrsta lagi er bara gaman að
koma saman og spila,“ segir Rúnar,
spurður að því hvers vegna Grafík
sé að halda upp á útgáfuafmæli
þessarar tilteknu plötu. „Þetta fólk
er allt búið að vera í öðrum verk-
efnum undanfarin ár og önnum kafið
og þá er gjarnan gripið til einhverra
svona tímamóta. Það getur verið
ákveðinn hvati í því að halda upp á
eitthvað og þarna er 30 ára afmæli
þessarar plötu. Hvatinn er sér-
staklega sá að okkur langar gíf-
urlega mikið að spila hana eftir öll
þessi ár.“
Rúnar segir meginþorra laganna á
plötunni ekki hafa verið spilaðan í 30
ár þó „Presley“ og „Prinsessan“ hafi
verið flutt af og til. „Platan í heild
sinni hefur ekki verið spiluð síðan á
útgáfutónleikunum árið 1987 í Holly-
wood,“ segir hann og að því fylgi
mikil gleði fyrir hljómsveitarmeðlimi
að koma saman á ný og flytja þessi
lög. Leyndarmál hafi á sínum tíma
fengið afar góð viðbrögð hjá almenn-
ingi sem og gagnrýnendum.
Óperukenndur söngur í rokkið
Platan var sú fyrsta og eina sem
Andrea gerði með Grafík og vakti
hún mikla athygli á söngkonunni.
Rúnar segir að tónlistin hafi eitthvað
breyst hjá Grafík þegar Andrea gekk
til liðs við hljómsveitina og söngurinn
auðvitað heilmikið. Andrea var nýút-
skrifuð úr Söngskólanum í Reykja-
vík og segir Rúnar að innlimun henn-
ar í sveitina hafi bæði verið stórt
skref fyrir Grafík og Andreu sjálfa.
„Við tókum líka áhættu með því að fá
svona óperukenndan söng í rokkið,“
segir Rúnar en viðbrögð hlustenda
sýndu að sú áhætta margborgaði sig.
En hljómsveit heldur varla upp á
útgáfuafmæli plötu án þess að þykja
platan frábær, eða hvað? Rúnar
hlær, hugsar aðeins málið og segir
svo: „Öllum þykja sín börn fögur og
góð … en við vorum bara mjög sátt
við þessa plötu þegar hún kom út á
sínum tíma og hún er kannski hvað
heilsteyptust af okkar plötum.“
Rúnar segir að platan verði leikin í
heild sinni á tónleikunum fyrir sunn-
an og norðan og útilokar ekki að
fleiri tónleikar verði haldnir ef sóst
verði eftir þeim.
Þrjátíu ára
Leyndarmál
Þá Hljómsveitin Grafík fyrir 30 árum þegar Andrea Gylfadóttir var nýgengin til liðs við hana.
Nú Grafík árið 2017, frá vinstri Hjörtur, Andrea, Egill sonur Rafns, Baldvin og Rúnar.
Leyndarmál Umslag plötunnar góðu.
 Hljómsveitin Grafík kemur saman á
ný eftir afar langt hlé og heldur upp á
útgáfuafmæli plötunnar Leyndarmál
SAVÍST, samtök
atvinnuveitenda
í sviðslistum,
sendi í gær frá
sér eftirfarandi
yfirlýsingu:
„Stjórnendur
þeirra menning-
arstofnana sem
eiga aðild að
samtökunum
munu bregðast
við stöðunni sem
uppi er varð-
andi áreitni, of-
beldi og hvers
konar misbeit-
ingu valds í
menningargeir-
anum og láta
gera sameig-
inlega faglega
úttekt á stöð-
unni sem verður
fylgt eftir með markvissum hætti
í samráði við hlutaðeigandi fag-
félög.
Við tökum þá ábyrgð mjög al-
varlega að skapa starfsfólki í
menningarstofnunum öruggt
starfsumhverfi og munum gera
allt sem í okkar valdi stendur til
þess að tryggja
að svo verði.“
Að yfirlýsing-
unni standa Ari
Matthíasson
þjóðleikhús-
stjóri, Arna
Kristín Einars-
dóttir, fram-
kvæmdastjóri
Sinfóníu-
hljómsveitar
Íslands, Erna
Ómarsdóttir,
listdansstjóri
Íslenska dans-
flokksins, Krist-
ín Eysteins-
dóttir borgar-
leikhússtjóri,
Magnús Geir
Þórðarson
útvarpsstjóri,
Steinunn Birna
Ragnarsdóttir óperustjóri og
Þuríður Helga Kristjánsdóttir,
framkvæmdastjóri Menningar-
félags Akureyrar og Leikfélags
Akureyrar.
Kristín er formaður SAVÍST og
sendi yfirlýsinguna fyrir hönd
samtakanna.
Gera sameiginlega
úttekt á stöðunni
Ari
Matthíasson
Erna
Ómarsdóttir
Steinunn Birna
Ragnarsdóttir
 SAVÍST taka á kynferðislegri áreitni
Kristín
Eysteinsdóttir
Sogavegi við Réttarholtsveg og Miklubraut
Opið kl. 9-18 virka daga | Sími 568 0990 | gardsapotek.is | appotek.is
Lágt lyfjaverð - góð þjónusta
Einkarekið apótek
Nú einnig netapótek: Appotek.is