Morgunblaðið - 15.03.2018, Qupperneq 4

4 FRÉTTIRInnlent
MORGUNBLAÐIÐ FIMMTUDAGUR 15. MARS 2018
Baldur Arnarson
baldura@mbl.is
Tæpur helmingur nýrra íbúða í
Bríetartúni 9-11 er þegar frátekinn.
Íbúðaturninn fór í formlega sölu á
mánudaginn var. Stefnt er að af-
hendingu íbúða í janúar til mars.
Samkvæmt söluvef Höfðatorgs
eru 40 íbúðir fráteknar og tvær
seldar. Alls 94 íbúðir eru í húsinu.
Til dæmis eru allar íbúðir á
fyrstu hæð fráteknar en þeim fylgir
gistileyfi. Þá eru íbúðir númer 1-5 á
hæðum 2 til 7 fráteknar, ásamt því
sem öll 8. hæðin er frátekin. Þar eru
fjórar íbúðir. Ásett verð íbúðanna er
40,9 til 195 milljónir. Þakíbúð á 12.
hæð er undanskilin en hún er frátek-
in fyrir stjórnarformann Eyktar.
Miðað við verð tveggja íbúða á 11.
hæð er markaðsverð þakíbúðarinnar
300-400 milljónir. Seldir eru bíl-
skúrar í bílakjallara.
Samkvæmt heimildum blaðsins
hafa fjárfestar tekið frá margar
íbúðir í turninum. Horft er til mögu-
legrar skammtímaleigu.
Tæpur helmingur íbúða
í nýjum turni frátekinn
Teikning/PKdM Arkitektar
Höfðatorg Listaverk munu prýða
opið torg við íbúðaturninn.
 Ásókn í íbúðir
í Bríetartúninu
Beint upp á 12. hæð
» Íbúar í turninum munu
geta tryggt sér afnot af bíla-
stæði í kjallara gegn gjaldi. Það
verður um 9.900 kr. á mánuði.
» Íbúar í þakíbúð á 12. hæð
munu hafa forgang í lyftu.
Hún stoppar þá ekki á leið-
inni upp og niður turninn.
Magnús Heimir Jónasson
mhj@mbl.is
Nemendur í 9. bekk fá val um
hvort þeir vilji þreyta samræmd
könnunarpróf í ensku og íslensku
að nýju, samkvæmt ákvörðun Lilju
Alfreðsdóttur mennta- og menn-
ingarmálaráðherra. Grunnskólalög
heimila undanþágu frá prófskyldu
samræmdra prófa ef aðstæður
bjóða. Skólastjórnendur fá val um
hvort nemendur þreyta prófin að
vori eða hausti en geta hins vegar
ekki tekið ákvörðun um að halda
ekki prófin. „Nei, þeir geta það
ekki, það er lagaleg skylda á skól-
unum að halda þessi próf og við
viljum gera það í góðri samvinnu
við skólana,“ segir Lilja.
Þeir nemendur sem luku próf-
unum í liðinni viku fá afhentar
niðurstöður úr þeim. „Það má ekki
gleyma því að það er hópur sem
náði að klára prófin og óskar eftir
þessari endurgjöf og hefur lagt
áherslu á það. Við vorum með
nemendur frá ungmennaráði á
fundi sem höfðu áhuga á því þar
sem það gekk vel hjá þeim að fara
í prófin. Svo á það eftir að koma í
ljós hvernig það verður. Við erum
líka að veita skólum ákveðið svig-
rúm,“ segir Lilja. Öllum býðst því
að taka ákvörðun um að þreyta
sambærileg könnunarpróf að nýju
burtséð frá gengi í fyrri prófum,
enda er það lögbundin skylda
menntamálayfirvalda að bjóða
nemendum mat á námsstöðu sinni.
Þeir nemendur sem kjósa, að
höfðu samráði við forráðamenn, að
taka ekki umrædd próf aftur verða
leystir undan prófskyldu. Lilja
segir að Menntamálastofnun muni
búa til ný próf sem verði þó sam-
bærileg en mismunandi próf verða
lögð fyrir að vori og hausti.
Skoða framtíðarfyrirkomulag
Meirihluti skóla- og frístunda-
ráðs Reykjavíkur lagði fram til-
lögu um að fyrirkomulag sam-
ræmdra prófa yrði tekið til
endurskoðunar og að sett yrði í
gang vinna við að endurmeta gildi
og gagnsemi samræmdra prófa í
grunnskólum Reykjavíkur. Þar
yrði skoðað hvort tilefni væri til að
leggja samræmdu prófin af og
nýta önnur próf og skimanir til að
þjóna sambærilegum markmiðum.
Spurð hvort leggja eigi samræmd
könnunarpróf af segir Lilja að
ákveðið hafi verið á fundi í ráðu-
neytinu í gær að setja af stað
starfshóp til að ákveða framtíðar-
stefnu prófanna.
Morgunblaðið/Eyþór
Samræmd próf Tæknilegir örðugleikar ollu vandræðum við próftöku fjölda nemenda í samræmdu prófunum í ár.
Valið um endurtekt
í höndum nemenda
 Ný samræmd könnunarpróf haldin að vori og hausti
Bandaríska fyrirtækið Assess-
ment Systems, þjónustuaðili
prófakerfis fyrir Menntamála-
stofnun, hefur fengið greiddar
tæpar 24 milljónir frá stofnun-
inni á árunum 2016 til 2018.
Fyrirtækið hefur viðurkennt
ábyrgð á mistökunum sem urðu
við framkvæmd samræmdu
prófanna í síðustu viku. Þegar
Morgunblaðið spurðist fyrir um
það hjá Menntamálastofnun
hvort um endurgreiðslu yrði að
ræða eða lækkuð gjöld vegna
mistakanna var því svarað að
eftir væri að fara yfir sam-
komulagið við fyrirtækið með til-
liti til samnings og mögulegrar
endurgreiðslu. Utanaðkomandi
ráðgjafar hafa verið fengnir til að
fara yfir framkvæmdina og á
Menntamálastofnun von á að
niðurstöðum verði skilað eins
fljótt og auðið er.
24 milljónir
fyrir prófin
BANDARÍSKT FYRIRTÆKI
SÁ UM FRAMKVÆMDINA
Rafvirkjar
LED lampar
Jóhann Ólafsson & Co.
Krókháls 3, 110 Reykjavík
533 1900
lassnis
Agnes Bragadóttir
agnes@mbl.is
Bjarni Benediktsson fjármálaráð-
herra og Sigurður Ingi Jóhannsson,
samgöngu- og sveitarstjórnarráð-
herra, segja að ríkisstjórnin stefni
að skattalækkunum, ekki skatta-
hækkunum.
Bjarni sagði í samtali við Morgun-
blaðið í gær að fyrirsögn fréttar á
forsíðu Morgunblaðsins í gær
„Skattahækkanir til skoðunar“ væri
„einfaldlega röng“. „Eftir lestur
bæði á fréttinni og ítarlegri frétt um
sama mál á blaðsíðu 4, fæ ég ekki
séð að forsætisráðherra hafi nokk-
urs staðar boðað skattahækkanir í
þessu fréttaviðtali,“ sagði Bjarni.
Lækkun forgagnsmál
„Ríkisstjórnin er með það á
stefnuskrá sinni að lækka skatt-
byrðina. Við höfum rætt um lækkun
tekjuskatts í neðra skattþrepinu og
við höfum sömuleiðis talað um lækk-
un tryggingagjalds sem forgangs-
mál,“ sagði Bjarni, „og yfirlýsingin
sem gefin var um daginn til aðila
vinnumarkaðarins er fyrst og
fremst yfirlýsing um að við útfærslu
á þessum skattalækkunum, sérstak-
lega í samhengi við bótakerfin, þá
viljum við eiga samtal við vinnu-
markaðinn.“
Óbreytt áform um lækkanir
Sigurður Ingi sagði í gær að ríkis-
stjórnin hefði í stjórnarsáttmálanum
kynnt ákveðin áform um skatta-
lækkanir og þau áform hefðu ekkert
breyst. Það ætti við um lækkun á
neðra skattþrepi tekjuskattsins og
lækkun tryggingagjalds. Um þetta
væru allir oddvitar ríkisstjórnarinn-
ar sammála.
„Hækkun á fjármagnstekjuskatti
er komin til framkvæmda, en stofn
hans og útfærsla verða endurskoð-
uð, og vissulega er verið að hækka
kolefnisgjöldin, sem eru jú grænir
skattar,“ sagði Sigurður Ingi.
Skattalækkanir,
ekki hækkanir
 Segja forsætisráðherra ekki hafa
boðað skattahækkanir í fréttaviðtali
Bjarni
Benediktsson
Sigurður Ingi
Jóhannsson
Á forsíðu Morgunblaðsins í gær var
fyrirsögn þess efnis að skattahækk-
anir væru til skoðunar hjá ríkis-
stjórninni.
Rætt var við
Katrínu Jakobs-
dóttur forsætis-
ráðherra sem
boðaði aðgerðir í
þágu tekjulægri
hópa. Tilefni við-
talsins voru yf-
irlýsingar Ragn-
ars Þórs Ingólfs-
sonar, formanns
VR, um að kraf-
ist verði breytinga á skatta- og hús-
næðislánakerfinu í komandi kjara-
samningum. Annars verði látið
sverfa til stáls.
Ræddi ekki um skattahækkanir
Katrín segir fyrirsögn fréttar-
innar hafa verið ranga, enda hafi
ekki komið fram í máli hennar að
skattahækkanir séu í skoðun.
„Ég ítreka það sem kom fram í
mínu máli í gær [í fyrradag]. Við
settum fram yfirlýsingu í tengslum
við atkvæðagreiðslu sem fram fór
hjá ASÍ um uppsögn kjarasamn-
inga. Þar gáfum við út að við vild-
um endurskoða skattkerfið, með
áherslu á lækkun skattbyrði í þágu
tekjulægri hópa. Þar myndum við
skoða fyrirkomulag persónu-
afsláttar og samspil við bótakerfin.
Markmiðið væri að styðja við tekju-
lægri hópana. Í tengslum við þetta
eru ekki fyrirhugaðar neinar
skattahækkanir en auðvitað gefum
við okkur ekkert um niðurstöðu
vinnunnar,“ segir Katrín.
Spurð hvernig aðgerðir í þágu
tekjulágra verði fjármagnaðar seg-
ir Katrín ótímabært að ræða það.
Viðræðurnar séu enda ekki hafnar.
baldura@mbl.is
Fyrirhuga ekki
skattahækkanir
Katrín
Jakobsdóttir