Morgunblaðið - 17.05.2018, Qupperneq 34

34 FRÉTTIRInnlent
MORGUNBLAÐIÐ FIMMTUDAGUR 17. MAÍ 2018
Fjölbreytt úrval af gæða viftum frá Vent-Axia fyrir eldhúsið, baðherbergið, skrifstofuna,
verkstæðið eða hesthúsið. Við aðstoðum ykkur við rétta valið.
Lo-Carbon Silhouette 125 Centrif-duo Silent
12in Wall fan Hi-line Sabre Plate
DALVEGI 10-14 | 201 KÓPAVOGI | SÍMI 540 7000 | FALKINN.IS
Hreint loft og vellíðan
Það borgar sig að nota það besta
VENT–AXIA VIFTUR
SVIÐSLJÓS
Höskuldur Daði Magnússon
hdm@mbl.is
Hún hefur verið nefnd Drottning-
arborgin vegna staðsetningar sinn-
ar í öndvegi við Ohio-ána og fyrir
fagrar byggingar og blómlegt lista-
líf. Cincinnati var stærri og auðugri
en flestar borgir Bandaríkjanna á
nítjándu öld en mátti síðan horfa á
aðrar borgir vaxa hraðar á þeirri
tuttugustu. Nú er Cincinnati aftur á
uppleið. Fólki fjölgar hratt og þar
er mikill vöxtur í atvinnulífinu.
Raunar er mesti hagvöxtur sem
finnst í miðvesturríkjum Bandaríkj-
anna í Cincinnati. En íbúar og gest-
ir þarna um slóðir geta þó gert
fleira en sinnt viðskiptum; menn-
ingarlífið er sem fyrr í blóma og
matarmenning er til fyrirmyndar.
Ferðamálayfirvöld í Cincinnati
buðu blaðamönnum víða að úr Evr-
ópu að sækja borgina heim í síðustu
viku í tilefni þess að WOW air hefur
hafið beint flug þangað fimm sinn-
um í viku. Blaðamaður Morgun-
blaðsins slóst í hópinn. Mikil við-
höfn var vegna fyrsta flugsins enda
býðst heimamönnum nú í fyrsta
sinn beint flug til Evrópu án þess að
þurfa fyrst að ferðast til stærri
borga innanlands.
Þýsk og írsk áhrif
En hvað hefur Cincinnati að
bjóða? Fyrst ber að nefna staðsetn-
inguna en flugvöllurinn stendur á
mörkum ríkjanna Ohio og Ken-
tucky. Skammt undan er svo það
þriðja, Indiana. Ohio-áin skilur að
Ohio og Kentucky og íbúar við
mörkin deila mörgum gæðum. Sé
horft til Cincinnati eingöngu þá búa
þar um 300 þúsund manns en yfir
tvær milljónir þegar íbúar í ná-
grenninu eru taldir með.
Stórbrotinn arktektúr vekur at-
hygli allra sem ganga um miðborg
Cincinnati og byggingar í Art Deco-
stíl eru ófáar. Þegar margar af
þessum byggingum risu, til að
mynda tónlistarhús borgarinnar,
fékk Cincinnati viðurnefnið París
Bandaríkjanna. Áhrif þýskra og
írskra innflytjenda eru einnig víða
áberandi. Skemmtilegasta hverfið í
borginni er einmitt helgað þýskum
innflytjendum. Þeir bjuggu flestir
saman á litlum bletti sem afmark-
aðist af skurði. Skurðurinn fékk
nafnið Rhein með vísan í Rínarfljót
og var talað um að „fara yfir Rín“.
Hverfið kallast enn Over-the-
Rhein.
Skemmtilegt er að fara í Carew
Tower sem er önnur hæsta bygging
borgarinnar, 49 hæðir alls. Af toppi
hennar er stórbrotið útsýni yfir
Ohio-ána og svæðið í kring. Carew
Tower var einskonar frumgerð
Empire State byggingarinnar í
New York.
Við bakka Ohio-árinnar er stór-
skemmtilegt safn um Þrælastríðið
og frelsisbaráttu þræla í Bandaríkj-
unum. Safnið kallast National Un-
derground Railroad Freedom Cent-
er og þar er hægt að kynna sér líf
þræla í Bandaríkjunum. Þá er rétt-
indabarátta svartra rakin og meðal
annars hægt að setja sig í spor Rosu
Parks í strætisvagninum í Alabama
árið 1955 í sýndarveruleika.
Knattspyrnan í sókn
Cincinnati er einstaklega vinaleg
borg og íbúar eru stoltir af því að
hún sé aftur á uppleið. Fjölmörg
sprotafyrirtæki hafa verið sett á
stofn þar síðustu ár og stórfyrirtæki
horfa til staðsetningarinnar í
miðjum Bandaríkjunum og hafa
komið sér upp bækistöðvum þar.
Amazon hefur til að mynda notað
flugvöllinn í Cincinnati sífellt meira
eftir því sem netverslun hefur auk-
ist. Raunar stækkaði CVG-
flugvöllurinn mest allra flugvalla í
Bandaríkjunum í fyrra.
Íþróttalíf borgarinnar þykir
blómlegt og ferðamenn gætu gert
vitlausari hluti en að skella sér á
leik. Þar standa fremst ruðnings-
liðið Cincinnati Bengals og fótbolta-
liðið Cincinnati Reds. Knattspyrna
nýtur sívaxandi vinsælda og FC
Cincinnati var sett á stofn fyrir
tveimur árum. Það leikur í næst
efstu deild en er með stóran völl og
gæti vel færst upp í efstu deild í
framtíðinni. KR-ingar léku æfinga-
leik við FC Cincinnati í febrúar
2016 og í fyrrasumar mætti stórlið
Valencia frá Spáni í heimsókn.
París Ameríku á uppleið á ný
 Mikill uppgangur í Cincinnati í Miðvesturríkjum Bandaríkjanna  WOW air flýgur nú fimm sinn-
um í viku þangað  Blómlegt listalíf og matarmenning gera borgina að heillandi ferðamannastað
Ljósmynd/Louis Rideout
Cincinnati Horft yfir borgina frá Ohio-ánni. Mikill uppgangur hefur verið í Cincinnati undanfarið en sem fyrr geta gestir gengið að blómlegu listalífi.
Menningarlíf er í miklum blóma í
Cincinnati. Það byggist á gömlum
grunni en hefur fengið vítamín-
sprautu síðustu ár með uppgangi í
atvinnulífinu, enda byggist það að
stærstum hluta á fjárframlögum
fyrirtækja á svæðinu.
Gaman er að heimsækja Ný-
listasafnið sem opnað var árið
1939. Tónlistarhús borgarinnar er
víðfrægt og þar nýtur fólks sígildrar
tónlistar, óperu og ballets. Húsið gekk í gegnum miklar endurbætur í fyrra.
Listasafn borgarinnar, Cincinnati Art Museum, er eitt hið elsta sinnar
tegundar í Bandaríkjunum. Safnið á yfir 65.000 verk sem ná yfir sex þús-
und ára tímabil. Þegar Morgunblaðið sótti safnið heim vildi svo skemmti-
lega til að þar stóð yfir sýning á tveimur verkum Ragnars Kjartanssonar,
The Visitors og 6 Scenes From Western Culture. Óhætt er að fullyrða að
gestir safnsins þennan dag voru mjög hrifnir af verkum Ragnars.
Verk Ragnars vöktu lukku
MENNINGARLÍFIÐ STENDUR Í BLÓMA
Litríkt Götumynd í Cincinnati.
Heimsókn á Findlay-markaðinn er
ómissandi en hann hefur verið við lýði
frá 1855. Þarna má finna líflegt and-
rúmsloft og fjölbreytt úrval af mat
hvaðanæva, allt frá ekta bandarískum
grillmat til ferskra osta og ólíva frá
fjarlægum löndum.
Cincinnati er þekkt fyrir samnefnt
chili en þar um slóðir er chili oftast
borið fram með spaghettí og osti yfir. Kallast það „Three-way“. Borgin er
stundum nefnd chili-höfuðborg Bandaríkjanna.
Fjölmörg forvitnileg handverksbrugghús hafa sprottið upp í Cincinnati
síðustu ár. Vert er að kynna sér Rhinegeist, sem býður upp á frábært bar-
svæði, og Taft’s sem er í gamalli kirkju.
Ef farið er yfir ána og inn í Kentucky-ríki er komið í höfuðstað Bour-
bon-menningar Bandaríkjanna. Íbúar elska sitt viskí og á Old Kentucky
Bourbon Bar, sem er að finna í Mainstrasse-hverfinu í Covington, er til að
mynda hægt að velja úr 600 tegundum af bandarísku viskíi.
Chili-höfuðborg Bandaríkjanna
NÓG AÐ BÍTA OG BRENNA Í CINCINNATI
Veisla Findlay-markaðurinn.