Morgunblaðið - 17.05.2018, Qupperneq 82

82 MENNING
MORGUNBLAÐIÐ FIMMTUDAGUR 17. MAÍ 2018
Tuttugu nýjar byggingar hafa verið valdar til
að keppa um alþjóðlegu RIBA-arkitektúr-
verðlaunin í ár og voru þær valdar af dóm-
nefnd úr miklum fjölda innsendra tillagna.
Verðlaunin eru veitt af The Royal Institute of
British Architects (RIBA) og í september
verður tilkynnt hvaða fjórar byggingar fara á
svokallaðan stuttlista og lýkur valferlinu í nóv-
ember þegar tilkynnt verður hvaða bygging
ber sigur úr býtum sem sú besta.
Þær tuttugu byggingar sem valdar voru
hljóta sérstaka viðurkenningu. Þær eru í sex-
tán löndum, eru afar fjölbreytilegar, hvernig
sem á þær er litið, og gegna ólíku hlutverki í
samfélögunum þar sem þær hafa risið. Sumar
eru eftir heimsþekkta arkitekta en aðrar eftir
nýliða í hönnun bygginga. Á listanum yfir
byggingarnar má sjá heilu hverfishlutana jafnt
sem einkaheimili, menningarstofnanir sem
rými á vegum hins opinbera, skóla og til-
beiðsluhús.
Þá velur RIBA og verðlaunar efnilega al-
þjóðlega arkitekta og að þessu sinni urðu
Gustavo Utrabo og Pedro Duschennes frá
Brasilíu fyrir valinu en þeir reka arkitektastof-
una Aleph Zero og er ein bygginga þeirra,
Barnaþorpið í Formoso do Araguaia í Brasilíu,
ein hina tuttugu sem keppa um titilinn sú
besta í ár. Ýmis RIBA-verðlaun hafa verið
veitt frá 1966 en síðast, fyrir tveimur árum,
hrepptu Grafton Architects alþjóðlegu verð-
launin fyrir háskólabyggingu í Líma í Perú.
Byggingarnar sem eru tilnefndar að þessu
sinni eru í Frakklandi, Hollandi, Tyrklandi,
Grikklandi, Sri Lanka, Japan, Spáni, Ítalíu,
Kína, Brasilíu, Ungverjalandi, Ísrael, Kanada,
Mexíkó, Sviss og Ástralíu. Hér getur að líta
nokkrar hinna tilnefndu bygginga.
Óperuhús Stofa arktitektúrstjörnunnar Renzo Piano og Betaplan hönnuðu menningarmiðstöð
Stavros Niarchos-stofnunarinnar í Aþenu. Þar eru nýja Þjóðaróperan, bókasafn og garður.
Menntastofnun Stofa stjörnuarkitektsins Normans Foster hannaði 55.000 fermetra byggingar
við Xiao Jing Wan-háskólann í Shenzhen í Kína, þar sem hleðslusteini er beitt hugvitssamlega.
Arkitektúrverðlaun
Mínimalismi Hiroyuki Ito-arkitektar hönnuðu Tatsumi blokkina, sem er öll í mínimalískum stíl
og sögð hönnuð fyrir þarfir fólks í hinum hraða samtíma. Rýmin eru lítil en einföld og skapa ró.
Við þjóðargrafreit Kimmel Eshkolot-
arkitektar hönnuðu minnisvarða í Ísrael.
Lóðréttur skógur Boeri Studio hannaði Bosco verticale-íbúðablokkina í Mílanó, „arkitektúr-
ískan grasagarð“, með áherslu á líffræðilegan fjölbreytileika og loftgæði í litríku borgarhverfi.
Dvalarstaður Palinda Kannangara-arkitektar á Sri Lanka hönnuðu vinnustofu arkitekts og
íbúð í sama fjögurra hæða húsinu á rólegum stað í Colombo og hefur það vakið athygli.
Háskóli Allford Hall Monaghan Morris-stofan
endurhannaði tvö hús Amsterdam-háskóla.
Moska EAA-Emra Arolat Architecture teiknaði þessa athyglisverðu mosku sem kostuð var af
einkaaðila og reis í útjaðri Istanbul. Nýstárleg hönnunin er óvenjuleg fyrir mosku.