Morgunblaðið - 17.05.2018, Síða 86

86 MENNING
MORGUNBLAÐIÐ FIMMTUDAGUR 17. MAÍ 2018
Helgi Snær Sigurðsson
helgisnaer@mbl.is
Poppkórinn Vocal Project heldur
vortónleika sína í Salnum í Kópavogi
föstudaginn 25. maí kl. 21 og býður
upp á drekkhlaðna og stjörnum
prýdda dagskrá, eins og segir um
tónleikana á
Facebook.
Stjórnandi
Vocal Project,
Gunnar Ben, seg-
ir kórinn gjarnan
setja sér þema
fyrir tónleika og
að þessu sinni
hafi goðsagnir
orðið fyrir valinu.
„Það er frábært
þema af því það er svo svakalega op-
ið. Við ákváðum að hafa þetta goð-
sagnir og erum þá að hugsa um flytj-
endur og höfum sem undirþema „27
club“,“ segir Gunnar og á þar við
fræga tónlistarmenn sem létu lífið 27
ára að aldri. Má af þeim nefna Amy
Winehouse, Kurt Cobain, Jimi Hend-
rix, Janis Joplin og Jim Morrison.
„Það væri sjálfsagt hægt að fylla
heila tónleika með þeim en þá þyrft-
um við að sækja þriðja klarínettleik-
ara í stórsveit Benny Goodman, ef
við ætluðum að hafa eitt lag með
hverjum,“ bætir Gunnar við og á þar
við að frægir flytjendur séu ekki það
margir sem létust 27 ára að aldri. Af
goðsagnakenndum hljómsveitum
sem eiga lög á efnisskránni má nefna
The Doors, Earth, Wind and Fire,
Queen og Toto.
Útsetur sjálfur fimm lög
– Nú eru þetta þannig popp- og
rokklög á efnisskránni að líklega er
erfitt að finna kórútsetningar á
mörgum þeirra, ekki satt?
„Það er reyndar til alveg slatti af
svona kórútsetningum í heiminum en
ég á samt fimm sjálfur, útsetti fimm
lög,“ svarar Gunnar.
– En eru lög á efnisskránni sem
enginn á von á að heyra í kórútsetn-
ingu, lög það ólíkleg til kórflutnings?
„Það eru alltaf nokkur svoleiðis.
Við erum með „Cry Baby“ með Janis
Joplin. Ég útsetti það fyrir kórinn
sem var snúið því hún tekur langa og
óreglulega talkafla,“ svarar Gunnar.
– Og þú lætur kórmeðlimi líka
klappa og stappa, ekki satt?
„Já, það kemur alltaf annað slagið
en er alls ekki í öllum lögum. Allir
söngvarar eru með hljóðnema og við
erum með frábæra, fjögurra manna
hljómsveit með okkur í flestum lög-
unum,“ segir Gunnar en hljómsveit-
ina skipa Guðmundur Stefán Þor-
valdsson á gítar, Kjartan Valdimars-
son á hljómborð, Ingólfur Magnason
á bassa eða „krulludýrið“ eins og
Gunnar kallar hann og trommuleik-
ari er Óskar Þormarsson.
Æft í bílakjöllurum
Gunnar segir hljómsveitina leika
með kórnum í flestum laganna en
þegar hún leiki ekki með sé freist-
andi að bæta við „einhvers konar
klapp- og stappáskorun“. Hann segir
klapp og stapp æft sérstaklega og
kórmeðlimi taka það mjög alvarlega.
„Ég hef heyrt af klapp- og stappæf-
ingum í bílakjöllurum verslana-
miðstöðva sem fólk mætir á í hádeg-
ismatnum,“ segir Gunnar og bætir
við að til séu upptökur úr örygg-
ismyndavélum af slíkum æfingum.
Miðasala á tónleikana fer fram á
vefnum tix.is.
Ljósmynd/Hrefna Hlín Sveinbjörnsdóttir
Áskoranir Poppkórinn Vocal Project ræðst ekki á garðinn þar sem hann er lægstur á vortónleikum sínum.
Goðsagnir í Salnum
 Vocal Project flytur á vortónleikum sínum lög eftir
flytjendur sem teljast til goðsagna í tónlistarsögunni
Gunnar Ben
Enn eitt árið eru háir hælar á rauða
dreglinum á Kvikmyndahátíðinni í
Cannes í brennidepli. Að þessu sinni
tók Kristen Stewart, sem á sæti í
dómnefnd, þá ákvörðun að fara úr
pinnahælaskóm sínum og ganga ber-
fætt eftir rauða dreglinum í aðdrag-
anda frumsýningar BlacKkKlans-
man í leikstjórn Spike Lee.
„Það er ekki hægt að gera þá
kröfu til mín að klæðast háhæla-
skóm,“ hefur BBC eftir Stewart.
Árið 2015 vakti það mikla reiði þegar
danska kvikmyndaframleiðandanum
Valeriu Richter var meinaður að-
gangur að bæði rauða dreglinum og
kvikmyndasýningum í Cannes sök-
um þess að hún klæddist flatbotna
silfurlitum Birkenstock-sandölum.
Richter hafði nokkrum árum fyrr
misst aðra stóru tána og hluta af
vinstri fæti vegna veikinda og heldur
af þeim sökum ekki jafnvægi á háum
hælum. Hún fékk ekki að mæta á
frumsýninguna fyrr en hún hafði
sannað líkamlega fötlun sína.
Stewart var þó ekki vísað af rauða
dreglinum fyrir ákvörðun sína fyrr í
vikunni. Í fyrra gagnrýndi hún kröfu
stjórnenda í Cannes um tiltekinn
fótabúnað í viðtali við Hollywood
Reporter. „Menn komast í uppnám
ef við klæðumst ekki háhælaskóm.
Að mínu mati er ekki lengur hægt að
gera þessa kröfu. Meðan þeir krefj-
ast þess ekki að karlar klæðist
háhælaskóm og kjólum, þá geta þeir
heldur ekki gert þá kröfu til mín.“
Stewart er ekki sú fyrsta sem
gengur berfætt eftir rauða dregl-
inum í Cannes síðan uppákoman
varð með Richter, því árið 2016 valdi
Julia Roberts að vera berfætt á
rauða dreglinum fyrir frumsýning-
una á Money Monster
Mótmælir kröfu
um háa hæla
AFP
Léttir Kristen Stewart fór úr pinna-
hælum sínum á rauða dreglinum.
„Ef ég dag einn drep einhvern þá
verður það blaðamaður,“ segir danski
leikstjórinn Lars von Trier í viðtali
við Politiken í tilefni af frumsýningu
nýjustu kvikmyndar hans, The
House That Jack Built, í Cannes. Sjö
ár eru síðan Trier sýndi síðast mynd í
Cannes, þaðan sem honum var úthýst
í kjölfar þess að hann lýsti sjálfum
sér sem nasista sem skildi gjörðir
Hitlers. Í viðtalinu segist Trier hafa
öðlast auðmýkt á þeim tíma sem lið-
inn sé auk þess sem hann hafi sótt sér
meðferð vegna áfengissýki. „Þar [í
meðferðinni] lærir maður að grípa
tækifærið og lifa í núinu. En í Cannes
er ómögulegt að drekka ekki. Þannig
að ég tek mér smá frí [frá meðferð-
inni],“ segir Trier og tekur fram að
sér gangi erfiðlega að losna við þann
neikvæða stimpil sem hann hafi feng-
ið í Cannes fyrir sjö árum.
Nýjasta kvikmynd hans hefur fall-
ið í grýttan jarðveg og aðspurður
segir Trier það gott. „Það er mikil-
vægt að vera ekki elskaður af öllum,
því þá hefur manni mistekist,“ segir
Trier og tekur fram að það gleðji
hann þegar hluti áhorfenda gangi út.
Í myndinni veltir Trier fyrir sér lík-
indunum milli morðingja og lista-
manns sem eigi það sameiginlegt að
þurfa að ganga alla leið. „Metnaður-
inn getur valdið skaða,“ segir Trier
þegar hann er spurður hvaða skaða
listin valdi.
„Í mörg ár hélt ég að ég væri góður
faðir, en nú þegar öll börnin mín eru
komin á þrítugsaldur, tjá þau mér
reiði sína yfir því að myndir mínar
hafi ávallt verið mér mikilvægari en
þau,“ segir Trier og upplýsir í viðtal-
inu að elsti sonur hans hafi skipt um
ættarnafn. „Hann ætlar að verða
prestur. Sjálfur er ég ekki trúaður og
held að hann sé það ekki heldur. En
það er áhugavert að lesa guðfræði. Í
raun held ég að hann hafi valið sér
þetta fag vegna þess hversu lélegar
einkunnir hans voru í menntaskóla.“
Tekur sér frí frá
meðferð í Cannes
AFP
Morð Lars von Trier myndi myrða
blaðamann ef hann gerðist morðingi.
Fræðingar hafa
með stafrænni
tækni endur-
heimt tvær síður í
dagbók Önnu
Frank sem höfðu
verið huldar með
brúnum maskínu-
pappír. Þær inni-
héldu fjóra tví-
ræða brandara
um kynlíf og getnaðarvarnir.
„Hver sá sem les textabútana sem
nú hafa verið endurheimtir getur
ekki annað en brosað,“ hefur
Guardian eftir Frank van Vree, for-
stjóra Hollensku rannsóknarstofn-
unarinnar á sviði stríða, helfarar og
þjóðernishreinsana. „Dónalegir
brandarar höfða til ungmenna. Þeir
sýna okkur að Anna, með öllum sín-
um hæfileikum, var fyrst og fremst
venjuleg stúlka.“ Síðurnar tvær
skrifaði Anna 28. september 1942
þegar hún var 13 ára, en áður en ár-
ið var liðið hafði hún farið í felur
ásamt fjölskyldu sinni.
„Þeir [brandararnir] færa okkur
nær stúlkunni og höfundinum Önnu
Frank,“ segir Ronald Leopold, starf-
andi forstjóri safnsins um Önnu
Frank. Anna Frank hélt dagbók í
þau tvö ár sem hún var í felum fyrir
nasistum ásamt fjölskyldu sinni, þar
til þau fundust 4. ágúst 1944 og voru
send til Auschwitz. Anna Frank lést
15 ára í Bergen-Belsen. Aðeins faðir
hennar, Otto Frank, lifði stríðið af.
Huldar síður Önnu Frank endurheimtar
Anna Frank
SAMSTARFSAÐILI
HVAR SEM ÞÚ ERT
Hringdu í 580 7000
eða farðu á heimavorn.is