Úr þjóðarbúskapnum : framvindan ... og horfur .. - 31.03.1982, Blaðsíða 7

7
stærri ríkjum OECD er lítill munur á þessu tvennu. Samkvæmt þessu var hag-
vöxtur hér í fyrra heldur meiri en að meðaltali í OECD-ríkjum.
Fjölgun fólks í vinnu hefur líklega verið 1 V2—2% á síðasta ári. Framleiðsla á
hvern vinnandi mann hefur samkvæmt því verið óbreytt frá árinu áður og því ekki
um neina framleiðniaukningu að ræða á þennan mælikvarða. Aukning vinnuafls
hefur verið nokkuð stöðug síðasta áratuginn, um 2% á ári að meðaltali, en
framleiðslubreytingar hafa verið afar misjafnar frá einu ári til annars. Framleiðsla
á hvern vinnandi mann hefur því verið mjög þreytileg. Væri hins vegar miðað við
framleiðslu á hverja vinnustund, væru sveiflurnar minni, þar sem breytingum í
framleiðslu er að talsverðu leyti mætt með breytingu vinnutíma (yfirvinnu).
Heildartölur um vinnutíma liggja hins vegar ekki fyrir. Miðað við fjölda fólks í
vinnu var framleiðniaukning um 1 'li'/o að meðaltali á ári á tímabilinu frá 1972 til
1981. Á síðasta ári virðist hins vegar ekki hafa verið um neina framleiðniaukningu
að ræða.
Atvinnuástand var svipað því sem verið hefur undanfarin ár. Þó var atvinna í
sjávarútvegi víða minni í fyrra en árin á undan, en að öðru leyti sýndi vinnu-
markaðurinn ýmis merki umframeftirspurnar, einkum yfir sumarmánuðina.
Skráð atvinnuleysi var nánast óbreytt frá árinu áður og nær eingöngu árstíða-
bundið.
Umframeftirspurn eftir vinnuafli, að minnsta kosti í sumum greinum, kemur
meðal annars fram í launaskriði á liðnu ári (hækkun greiddra launa umfram
hækkun kauptaxta) og aukinni yfirvinnu. Þetta eru veigamiklar ástæður þess, að
kaupmáttur ráðstöfunartekna er nú talinn hafa aukist um 4% á síðasta ári, 3% á
mann, þótt kaupmáttur kauptaxta hafi minnkað um 1%. Áætlað er, að einka-
neysla hafi aukist um 5% og samkvæmt því hefur heldur dregið úr sparnaði
einstaklinga á síðasta ári. Fjárfesting jókst í fyrra um 2% að því að talið er, fyrst og
fremst vegna 6% aukningar í fjárfestingu atvinnuveganna. Opinberar fram-
kvæmdir jukust um 4% en íbúðabyggingar drógust saman um 10%. Aukning
fjárfestingar í fyrra stafaði meðal annars af mikilli aukningu í kaupum fiskiskipa.
Fiskiskipaflotinn stækkaði því enn. Afli jókst þó ekki, og horfur eru á að hann
dragist saman á þessu ári. Einnig var mikil aukning í innflutningi flutningatækja
og ýmissa annarra véla og tækja.
Þjóðarútgjöld (neysla og fjármunamyndun) jukust um 4% í fyrra og var það
mun meiri aukning en árið áður. Þetta var einnig talsvert meiri aukning en spáð
var eftir mitt ár í fyrra. Eftirspurn á síðari hluta ársins reyndist mun meiri en ætlað
hafði verið og leiddi til þess, að innflutningur jókst verulega. Hér gætti meðal
annars áhrifa gengisþróunarinnar, bæði lækkunar Evrópumynta gagnvart dollar,
sem dró úr hækkun innflutningsverðs, og stefnu stjórnvalda í þá átt að halda gengi
krónunnar sem stöðugustu í því skyni að draga úr verðbólgu. Vöruinnflutningur
jókst um 6,7% að raungildi á síðasta ári. Almennur vöruinnflutningur jókst
svipað eða um 7%, en á síðasta fjórðungi ársins var aukningin 20%.
2