Læknablaðið - 01.07.2018, Qupperneq 44

368 LÆKNAblaðið 2018/104
Læknafélag Íslands bauð læknakandídöt-
um frá læknadeild HÍ 2018 til hefðbund-
innar móttöku í Hlíðasmára þann 13. júní.
Reynir Arngrímsson formaður LÍ bauð
læknahópinn velkominn í félagið og las
upp Genfar-yfirlýsingu Alþjóðalækna-
félagsins. Meðal þeirra sem ávörpuðu
hina nýju lækna voru þau Alma Möller
landlæknir, Páll Matthíasson forstjóri
Landspítala, Jóhann Heiðar Jóhannsson
fyrir hönd orðanefndar LÍ, Ólafur Ólafs-
son fyrrverandi landlæknir og Svanur Sig-
urbjörnsson formaður siðfræðiráðs LÍ.
Öll höfðu þau hollráð að veita læknun-
um og hvöttu þá til að varðveita eldmóð-
inn í hjörtum sínum, og deila tíma sínum
á milli starfs, fjölskyldu og áhugamála.
Páll Matthíasson líkti læknisstarfinu við
langhlaup og mikilvægt væri að gæta að
hraðanum í upphafi svo úthaldið brysti
ekki.
Svanur Sigurbjörnsson vitnaði í
tölu sinni í breska rannsókn þar sem
læknanemar, kandídatar og reyndir lækn-
ar voru spurðir hvaða mannkosti þeir
teldu mikilvægasta í fari læknisins:
„1. Heiðarleiki, 2. Teymisvinna, 3. Góð-
vilji, 4. Dómgreind, 5. Leiðtogahæfni og 6.
Sanngirni – í þessari röð. Af þessum kost-
um töldu þau sig helst skorta upp á teym-
isvinnu, leiðtogahæfni og dómgreind. Það
er jafnan auðvelt að ætla vel en erfiðara
að útfæra það, sérstaklega í samstarfi við
aðra og vinna þannig að góð málefni, verk
og virðing skili sér. Fleiri mannkostir voru
nefndir í rannsókninni. Það vakti athygli
að reyndir læknar nefndu húmor oftar en
hinir yngri sem mikilvæga dyggð læknis.“
Svanur hélt áfram: „Húmor skiptir máli
því að gleði léttir lífið á erfiðum stundum.
Það er einn af styrkleikum mannsins að
geta brosað framan í heiminn – hvert sem
svo happdrætti lífsins leiðir mann. Falleg-
ustu tilfinningarnar spretta fram þegar
góður vilji okkar sigrast á mótlætinu og
við deilum saman sátt, seyru og sigrum.
Brosum því á þessari stundu sigurs – þið
hafið unnið fyrir því.“
Læknakandídatar voru 70 talsins í
þetta sinn, þar af 45 konur. - Háskóli Ís-
lands útskrifaði 47 læknakandídata, þrír
útskrifuðust frá Slóveníu og aðrir þrír frá
Heiðarleiki, teymisvinna,
góðvilji … og húmor
17 íslenskir kandídatar voru brautskráðir frá háskólanum í Debrecen í Ungverjalandi 15. júní síðastliðinn. Hér er hluti
þeirra ásamt alþjóðlegum hópi skólafélaga. Mynd: Sævar Guðbjörnsson.
Svanur Sigurbjörnsson formaður siðfræðiráðs.
Alma Möller landlæknir.
Engilbert Sigurðsson forseti læknadeildar.