Læknablaðið - 01.06.2018, Qupperneq 49

LÆKNAblaðið 2018/104 321
AGNAR BJARNASON varði doktorsritgerð sína við læknadeild
Háskóla Íslands 9. maí. Ritgerðin heitir: Orsakavaldar, áhættuþætt-
ir og afdrif fullorðinna með lungnabólgu.
Andmælendur voru David Murdoch, deildarforseti og próf-
essor við læknadeild Háskólans í Otago á Nýja Sjálandi og
Gunnar Guðmundsson, prófessor og sérfræðingur í lyflækning-
um og lungnalækningum á Landspítala.
Umsjónarkennari og leiðbeinandi var Magnús Gottfreðsson
prófessor og auk hans sátu í doktorsnefnd Karl G. Kristinsson
prófessor, Arthúr Löve prófessor, Ólafur Baldursson og Lars
Magnus Andersson.
Ágrip af rannsókn
Markmiðið var að skoða lungnabólgu sem leiðir til sjúkra-
húsinnlagnar í Reykjavík, bæði almennt og í tengslum við
heimsfaraldur inflúensu. Einnig að bera PCR-rannsóknir á
munnkokssýnum saman við aðrar greiningaraðferðir og skoða
gagnsemi hugtaksins sjúkrahústengd lungnabólga við ís-
lenskar aðstæður. Öllum fullorðnum sem þurftu innlögn vegna
lungnabólgu frá desember 2008 til nóvember 2009 var boðið
að taka þátt og víðtæk leit gerð að meinvöldum. Hluta lungna-
bólguinnlagna í Reykjavík (37%) mátti flokka sem sjúkrahús-
tengda lungnabólgu sem tengdist breyttu mynstri orsakavalda.
Dánartíðni var hærri í þessum hópi, 10% miðað við 1% í samfé-
lagslungnabólgu. Engar fjölónæmar bakteríur greindust og gátu
því ekki skýrt þennan mun.
Doktorsefnið
Agnar Bjarnason (1978) lauk embættisprófi í læknisfræði frá
Háskóla Íslands árið 2005 og var kandídat og sérnámslæknir á
Landspítala til 2010. Eftir framhaldsnám á Sahlgrenska-háskóla-
sjúkrahúsinu í Gautaborg lauk hann sérnámi í lyflækningum
2012 og smitsjúkdómalækningum 2014. Agnar starfar við smit-
sjúkdómadeild Landspítala.
Agnar Bjarnason varðist fimlega andmælendum sínum. Myndina tók
Gunnar Sverrisson.
Styrkir veittir úr sjóði
Sigríðar Lárusdóttur
Þrír styrkir voru nýlega veittir
til rannsókna á sviði bækl-
unarlækninga með áherslu á
stoðkerfissjúkdóma úr sjóði
Sigríðar Lárusdóttur við Há-
skóla Íslands. Styrkhafar eru
Halldór Jónsson jr., prófessor
og sérfræðingur í bæklun-
arskurðlækningum, Kristín
Briem, prófessor við náms-
braut í sjúkraþjálfun, og María
Sigurðardóttir, sérfræðingur
í svæfinga- og gjörgæslulækn-
ingum Landspítala.
Rannsókn Halldórs Jóns-
sonar jr. prófessors felst í að
koma á fót klínísku matskerfi
fyrir sjúklinga sem eru að fara
í heildarmjaðmaliðaskipti.
Markmið rannsóknarinnar er
að þróa verklagsreglur til að
styðja ákvörðun um tegund
mjaðmagerviliðar.
Rannsókn Kristínar Briem,
prófessors við námsbraut í
sjúkraþjálfun, er hluti af stærri
rannsókn sem snýr að nýgengi
og orsakaþáttum ákveðinna
alvarlegra hnémeiðsla og
skurðaðgerðum í tengslum við
þau meiðsli. Markmið rann-
sóknarinnar er að meta áhrif
meiðslanna, skurðaðgerða og
líkamsbyggingar á þróun slit-
gigtar í burðarliðum (hnjám og
mjöðmum).
Rannsókn Maríu Sigurðar-
dóttur, sérfræðings í svæfinga-
og gjörgæslulækningum á
Landspítala, miðar að því
að kanna áhrif langtíma-
undirbúnings og uppvinnslu
sjúklinga sem bíða eftir lið-
skiptum á hné eða mjöðm,
á aðgerðarferilinn og tíðni
fylgikvilla. Rannsóknin er
samvinnuverkefni Landspítala
og Heilsugæslu höfuðborgar-
svæðisins.
Tilgangur Sjóðs Sigríðar
Lárusdóttur við Háskóla Ís-
lands er að efla rannsóknir
á sviði bæklunarlækninga.
Sérstök áhersla er lögð á rann-
sóknir á meðfæddum göllum í
mjaðmarlið, svo sem ættgengi,
tíðni og afleiðingum. Sjóðinn
stofnaði Sigríður Lárusdóttir (f.
5. maí 1918) árið 2005 til minn-
ingar um þá sem hafa glímt við
meðfædda sjúkdóma í mjöðm
en Sigríður átti við þann sjúk-
dóm að stríða frá fæðingu.
Það var bjart yfir styrkveitendum og styrkþegum þegar veitt var úr sjóðnum. Þorvaldur
Ingvarsson bæklunarlæknir, Engilbert Sigurðsson forseti læknadeildar, Halldór Jónsson
jr, María Sigurðardóttir, Sigurbergur Kárason svæfingalæknir, Kristín Briem, Vigdís
Pétursdóttir meinafræðingur og Jón Atli Benediktsson rektor Háskóla Íslands.
Mynd: Kristinn Ingvarsson.