Skírnir - 01.09.2005, Page 57
Ýmsum kann þó að virðast allt þetta umdeilanlegt. Nú ríður á
að setja upp „Lista yfir bönn“ handa þeim sem eru að byrja að
yrkja. En ég get ekki snúið þeim öllum á neikvætt form að hætti
Móse.
Í fyrsta lagi, lítið ekki á reglurnar þrjár sem hr. Flint tók sam-
an sem kennisetningu – lítið aldrei á neitt sem kennisetningu –
heldur sem niðurstöðu af langri íhugun sem e.t.v. er umhugsunar-
verð þótt hún sé íhugun einhvers annars.15
Skeytið engu um gagnrýni manna sem hafa aldrei skrifað
áhugavert verk sjálfir. Íhugið misræmið á milli raunverulegra
skrifa grísku ljóð- og leikritaskáldanna og kenninga grísk-róm-
versku málfræðinganna sem soðnar voru saman til að skýra brag-
arhætti þeirra.16
Tungumálið:
Notið ekkert óþarft orð, ekkert lýsingarorð sem ekki afhjúpar
eitthvað.
Notið ekki orðalag eins og „myrkar lendur friðarins“.17 Það
deyfir myndina. Það blandar óhlutbundnu saman við hið hlut-
ímagismi og vortisismi 287skírnir
15 Þær þrjár reglur sem hér um ræðir voru settar fram í þeim texta Flints sem birt-
ist samhliða yfirlýsingu Pounds: „1. Bein meðhöndlun hlutarins, hvort sem
hún er huglæg eða hlutlæg. / 2. Að nota ekki eitt einasta orð sem ekki leggur
neitt til framsetningarinnar. / 3. Hvað viðvíkur hrynjandi: að semja út frá sjálfri
laglínunni, ekki út frá taktmæli.“ (F.S. Flint: „Imagisme“. Ezra Pound. A Crit-
ical Anthology, bls. 40–41, hér bls. 41).
16 „Málfræði“ (úr gr. grammatikê, þ.e. ‘listin að lesa og skrifa’) ber hér að lesa í
víðri merkingu þess hugtaks sem heitis einnar af sjö frjálsum fræðigreinum
(artes liberales) hins klassíska menntakerfis í lok fornaldar. Greinin, sem talin
er eiga rætur í rannsóknum og skýringum á fornum textum, fól jafnt í sér
ástund vandaðs málfars og þjálfun í lestri bókmenntatexta og var undirstöðurit
hennar á miðöldum Institutio grammatica eftir rómverska málfræðinginn
Priscianus Caeseriensis (u.þ.b. 500 e.Kr.).
17 „myrkar lendur friðarins“, „dim lands of peace“. Tilvitnun í ljóð breska rithöf-
undarins og gagnrýnandans Fords Madox Ford (réttu nafni Ford Madox
Hueffer, 1873–1939), „On a Marsh Road. Winter Nightfall“ (The Face of the
Night, 1904). Pound virðist hér gagnrýna umrædda ljóðlínu Fords, sem var
einn þeirra rithöfunda sem Pound sótti hvað mest til í mótun hinnar ímagísku
fagurfræði, sem lýsandi fyrir veilur hinnar síðsymbólísku ljóðahefðar í enskum
bókmenntum.
Skírnir haust 05 RÉTTUR 23.11.2005 13:53 Page 287