Skírnir - 01.09.2005, Page 65
10. Harmleikinn viljum við aðeins ef hann getur spennt hlið-
arvöðva sína líkt og greipar á kviðnum og fært hláturinn upp á
yfirborðið eins og sprengja.
II
1. Frá Ameríku og Meginlandinu heyrum við alls kyns ógeð-
fellda hluti um England: „hið ómúsíkalska, andlistræna, óheim-
spekilega land“.32
2. Við erum algjörlega sammála.
3. Munaðurinn, íþróttirnar, hinn annálaði enski „Húmor“,
hrollvekjandi áhrifavald og meinloka Stéttarinnar, sem geta af
sér skæðasta snobb sem fyrirfinnst í Heiminum; þungbúnir
stöðupollar úr saxneskum dreyra, ófærir um allt annað en að
kvaka eins og froskur í nærsveitum: – þessi fyrirbæri valda ein-
kennilegri sérstöðu Englands meðal þjóðanna í röngum skiln-
ingi.
4. Þetta er ástæða þess að England getur af sér svo góða lista-
menn af og til.
5. Þetta er einnig ástæða þess að hreyfing í átt til listar og
ímyndunar gat brotist út hér, úr þessum samanþjappaða lífsins
köggli, af meira afli en annars staðar.
6. Að telja það nauðsynlegt eða gagnlegt fyrir listina að
„bæta“ lífið – t.a.m. með „smekklegri“ byggingarlist, fatnaði eða
skrautgripum – er fáránlegt.
7. Listhvötin er frumstæð til frambúðar.
ímagismi og vortisismi 295skírnir
32 Ekki er ljóst til hvaða tilteknu texta hér kann að vera skírskotað, en vert er að
hafa í huga að fyrsta hefti Blast kemur út í júnímánuði árið 1914, aðeins
nokkrum vikum fyrir upphaf heimsstyrjaldarinnar fyrri. Sú gagnrýni á „menn-
ingarleysi“ Englands, sem hér er vikið að, á því rætur í deilum þjóðernissinna á
þessum tíma. Í augum margra menntamanna var stríðið sem var í aðsigi ekki
aðeins pólitísk, heldur ekki síður „andleg“ eða „menningarleg“ styrjöld og á
það ekki síst við um fjölda þýskra menntamanna sem héldu uppi vörnum fyrir
stefnu stjórnvalda á þeim forsendum að verið væri að verja „menninguna“ fyr-
ir þeirri ógn sem að henni steðjaði bæði frá Frökkum og Englendingum.
Skírnir haust 05 RÉTTUR 23.11.2005 13:53 Page 295