Skírnir - 01.09.2005, Page 66
8. Í ringulreið hins ófullkomna, mishljómi o.s.frv. finnur hún
sömu örvunina og í Náttúrunni.
9. Sá listamaður sem tilheyrir hreyfingu nútímans er villimað-
ur (með engu móti sá „þróaði“, fullkomnaði, lýðholli, Fútúríski
einstaklingur sem takmarkað ímyndunarafl hr. Marinetti gerir ráð
fyrir):33 þessi víðáttumiklu, gjallandi, dagblaðamörkuðu hulduör-
æfi nútímalífs þjóna honum með sama hætti og Náttúran hinum
tæknilega frumstæðari manni áður.
10. Með sama hætti og steppurnar og hörkur rússneska vetr-
arins, þegar bóndinn neyðist til að liggja í hreysi sínu vikum sam-
an, geta af sér þær fádæma skörpu tilfinningar og hugsun sem við
tengjum við slavann; þannig er England einmitt nú kjörið land
fyrir mótun mikillar listar.
III
1. Við höfum gert fyllilega ljóst að í staðhæfingum okkar býr
ekki minnsta þjóðremba eða fegruð föðurlandsást.
2. En í þeim býr heiftarlegur leiði á þeirri hrörlegu Evrópu-
hyggju, auðmýkt vesæls „menntamannsins“ gagnvart öllu því sem
kemur frá París, heimsborgaralegri tilfinningasemi sem enn er svo
víða ráðandi.
3. Rétt eins og við trúum því að Listin verði að vera lífrænt
bundin Tíma sínum, þá leggjum við ríka áherslu á að það sem er
raunhæft og lífvænlegt í Suðrinu er gagnslaust og óraunhæft í
Norðrinu.
4. Álfarnir eru horfnir frá Írlandi (þrátt fyrir heimskulegar til-
raunir til að endurlífga þá) og nautaatshringurinn missir þrótt sinn
á Spáni.34
benedikt hjartarson296 skírnir
33 „lýðholli“, „democratic“. Enska orðið býr yfir ákveðinni tvíræðni, en
„democratic“ getur bæði merkt „lýðræðislegur“ og „alþýðlegur“. Vortisistar
virðast hér beina spjótum sínum að þeirri upphafningu á „alþýðunni“ sem þeir
greina í viðleitni fútúrista til að skapa list er hafi bein áhrif á líf „fólksins“. Í
gagnrýni vortisista á Marinetti virðist jafnframt mega greina þá hugmynd að í
beinum tengslum sínum við fjöldann sé hinn „nýi maður“ fútúrismans í raun
samofinn hinu borgaralega lýðræðisþjóðfélagi og menningu þess.
34 Í þessari skírskotun til álfanna á Írlandi má greina gagnrýni á þær hugmyndir
Skírnir haust 05 RÉTTUR 23.11.2005 13:53 Page 296