Skírnir - 01.09.2005, Page 69
11. Öll mikil List Norðursins mun verða mörkuð af þessari
lúmsku og gjósandi óreiðu.
12. Engin mikil ENSK List þarf að skammast sín fyrir að
deila nokkurri sæmd með Frakklandi, á morgun gæti það orðið
með Þýskalandi, eins og landar okkar gerðu á Elísabetartíman-
um.38
13. En hún mun aldrei verða frönsk, engu fremur en
Shakespeare, kaþólskastur og óræðastur allra Englendinga.39
VI
1. Heim Nútímans eigum við nær alfarið engilsaxneskri snilli-
gáfu að þakka – birtingarmyndum hennar og anda.
2. Vélbúnaðurinn, járnbrautarlestirnar, gufuskipin, allt það
sem markar sérstöðu tíma okkar á ytra borðinu, er mun fremur
héðan komið en annars staðar frá.40
3. Í klæðaburði, framkomu, tækninýjungum, þ.e.a.s. LÍFINU,
hefur ENGLAND haft áhrif á Evrópu á sama hátt og Frakkland
hefur gert í Listum.
4. En vegna anna sinna við þetta LÍFSÁTAK varð það síðast
til að öðlast vitund um þá List sem er lífræn afurð þessarar nýju
Skipanar og Vilja Mannsins.
5. Vélbúnaðurinn er mesti miðill jarðar: líkt og af hendingu
ímagismi og vortisismi 299skírnir
38 „Elísabetartíminn“ er kenndur við stjórnartíð Elísabetar I Englandsdrottning-
ar frá 1558 til 1603, en jafnan er litið á þetta tímabil (þar sem fram koma höf-
undar á borð við William Shakespeare, Christopher Marlowe og Ben Jonson)
sem eins konar „gullöld“ enskra bókmennta. Vikið er að tengslum enskra bók-
mennta þessa tíma við franska bókmenntahefð endurreisnarinnar framar í þess-
um texta.
39 Sjá nánar um viðtökur W. Lewis á verkum Shakespeares: W. Lewis: The Lion
and the Fox. The Rôle of the Hero in the Plays of Shakespeare (Grant Richards,
Lundúnum 1927).
40 Þótt vissulega megi greina í þessari yfirlýsingu augljós merki þjóðrembu á hún
að einhverju leyti við rök að styðjast. Þannig var fyrsta eimreiðin t.a.m. hönn-
uð af breska verkfræðingnum Richard Trevithick árið 1804, auk þess sem Eng-
lendingar áttu mikilvægan þátt í þróun gufuskipsins, þótt sú tækni muni upp-
runalega vera komin frá bandarískum uppfinningamönnum.
Skírnir haust 05 RÉTTUR 23.11.2005 13:53 Page 299