Skírnir - 01.09.2005, Side 72
Höfundaskrá
Aldington, Richard (1892–1962); skáld. Einn af fyrstu félögum ímagistahreyfing-
arinnar í Lundúnum og ritstjóri The Egoist frá árinu 1913. Birti síðar nokk-
uð af efni í tímaritum ímagista í Bandaríkjunum.
Arbuthnot, Malcolm (1874–1967); listmálari, myndhöggvari og tískuljósmyndari.
Tengdist hreyfingu vortisista lauslega í upphafi.
Atkinson, Lawrence (1877–1931); tónlistarmaður og listmálari. Einn af stofnend-
um vortisismans.
Dismorr, Jessica (1885–1939); myndlistarkona og skáld. Ein af stofnendum
vortisistahreyfingarinnar, átti m.a. nokkuð af textum í tímaritinu Blast.
Tengdist framúrstefnuhópnum „Group X“ í upphafi þriðja áratugarins.
Gaudier-Brzeska, Henri (1891–1915); myndhöggvari af frönskum ættum. Einn af
virkustu félögum vortisismans frá upphafi, bæði með höggmyndalist sinni og
ritun stefnuyfirlýsinga og annars efnis í Blast. Lét lífið á vígstöðvunum.
Hamilton, Cuthbert (1884–1959); listmálari. Tengdist hreyfingu vortisista lauslega
í upphafi, síðar einn af stofnendum „Group X“ árið 1920.
Lewis, Wyndham (1882–1957); myndlistarmaður og rithöfundur af ensk-amerísk-
um ættum. Nam myndlist í París áður en hann hélt til Lundúna og varð leið-
togi vortisista. Gaf síðar út fjölda fagurfræðilegra, stjórnmálafræðilegra og
heimspekilegra rita.
Pound, Ezra Loomis (1885–1974); ljóðskáld og gagnrýnandi af bandarískum ætt-
um. Einn af helstu höfundum enska módernismans og framúrstefnunnar, m.a.
sem stofnandi og kenningasmiður bæði ímagismans og vortisismans. Gegndi
síðar mikilvægu hlutverki í bandarísku rithöfundanýlendunni í París í upp-
hafi þriðja áratugarins áður en hann fluttist til Ítalíu. Var dæmdur fyrir land-
ráð eftir lok heimsstyrjaldarinnar síðari og lokaður inni á geðsjúkrahúsi.
Roberts, William (1895–1980); myndlistarmaður. Starfaði við auglýsingagerð áður
en hann gekk í raðir vortisista, átti verk á sýningum þeirra og birti efni í Blast.
Saunders, Helen (1885–1963); myndlistarkona. Átti nokkur verk á sýningum vor-
tisista auk þess sem hún birti efni í Blast.
Wadsworth, Edward (1889–1949); myndlistarmaður. Lagði stund á verkfræðinám
í München áður en hann tók þátt í fjölda sýninga á verkum enskra síð-
impressjónista og síðar vortisista. Birti verk og þýðingar í Blast, en sagði skil-
ið við hreyfinguna árið 1917. Átti síðar verk á sýningum „Group X“.
benedikt hjartarson302 skírnir
Skírnir haust 05 RÉTTUR 23.11.2005 13:53 Page 302