Skírnir - 01.09.2005, Qupperneq 124

sína til að hefja útgáfu á úrvali íslenskra fornbréfa. Þeir Bülow og
Thorkelín áttu það sameiginlegt að vera miklir bóka- og handrita-
safnarar, og Thorkelín reyndist Bülow betri en enginn í þeim mál-
um. Í ríkisskjalasafninu í Kaupmannahöfn eru varðveitt bréfasöfn
beggja og einnig er verulegt bréfasafn úr eigu Bülows í Sórey.
Við árslok 1785 var frá því gengið að Thorkelin sigldi til Bret-
landseyja til að safna skjölum og öðrum minjum sem vörpuðu
ljósi á sögu Danmerkur. Hann lét úr höfn 1. ágúst 1786. Skipið
sem hann sigldi með til Englands hafði varla leyst landfestar þeg-
ar hann fór að skrifa Bülow og bréfaskipti þeirra héldu áfram
meðan Grímur dvaldist á Bretlandseyjum.
Grímur hafði skamma stund dvalist í Lundúnum þegar hann
hafði frá tíðindum að segja. Í bréfi dagsettu 3. nóvember segist
hann hafa fundið ýmislegt markvert í British Museum og nefnir
sérstaklega „et ubekiænt Anglosaxisk, indeholdende Samling af
Sange om de Danske Kongers Bedrifter i det 3ie Aarhundrede“.1
Handritið var Bjólfskviða (Beowulf). Grímur skrifaði það upp, en
síðan liðu ár og dagar án þess frekara yrði að gert. Það var fyrst
árið 1815 að það kom út á prenti.
Bréfin, sem fóru á milli Gríms og Bülows á þessum árum,
varpa skýru ljósi á hve samband þeirra var náið. Í bréfi sem Thork-
elín skrifar Bülow 18. maí 1780 greinir hann frá því að þennan
sama dag hafi sér verið boðin staða við British Museum, og 21.
sama mánaðar skrifar hann Bülow á ný þar sem hann segist hafa
hafnað tilboðinu sama dag, þar sem hann sé skuldbundinn ætt-
jörðu, konungi og ríkisarfa Danmerkur. Það var enginn minni en
erkibiskupinn af Kantaraborg sem fékk þetta svar frá honum.
Vinátta Bülows og Thorkelíns entist meðan báðir lifðu. Sá
fyrrnefndi var alla tíð örlátur á fé Thorkelín til handa. Það var
Bülow sem styrkti útgáfuna þegar Thorkelín lét prenta Bjólfs-
kviðu árið 1815, enda var útgáfan tileinkuð honum. Fimm árum
síðar birtist kvæðið í danskri þýðingu N.F.S. Grundtvigs og aftur
var það Bülow sem kostaði útgáfuna. Grímur Thorkelín reyndist
Bülow einnig vinur í raun þegar Friðrik VI sneri baki við honum
aðalgeir kristjánsson354 skírnir
1 Glahn 1925:57.
Skírnir haust 05 RÉTTUR 23.11.2005 13:53 Page 354