Skírnir - 01.09.2005, Page 127

það ár, einungis 16 ára gamall. Nyerup var afkastamikill og kom
víða við á langri starfsævi. Eins og vænta mátti snerust rannsókn-
ir hans og útgáfur einkum um danskar bókmenntir og sögu, en
kynni Nyerups við sagnfræðinginn og bókasafnarann P.F. Suhm
urðu til að beina sjónum hans að norrænni fornöld. Nyerup þýddi
Snorra-Eddu – Edda eller Skandinavernes hedenske Gudelære –
sem kom út árið 1808. Rasmus Chr. Rask lagði þar einnig hönd að
verki og það hefir sennilega verið upphafið af kynnum þeirra og
samstarfi.
Nyerup var ekki fyrr orðinn prófessor en hann hélt fyrirlestra
sem báru heitið Udsigt over Nordens ældste Poesi þegar árið 1798
og Íslendingasögur urðu honum einnig rannsóknarefni. P.E. Müller,
sem fékkst við rannsóknir íslenskra fornbókmennta á fyrstu ára-
tugum 19. aldar, lét samt svo um mælt að Nyerup þekkti lítið ann-
að til íslenskra fornbókmennta en fyrirsagnirnar.
Nyerup fékkst einnig við norræna goðafræði og áhugi hans á
fornleifafræði varð til þess að hann kynnti sér rúnir og rúnasteina.
Árið 1806 kom út bók eftir hann sem bar heitið Oversyn over
Fædrenelandets Mindesmærker fra Oldtiden, saaledes som samme
tænkes opstillede i et tilkommende National-Museum. Þar sá hann
líkt og í leiftursýn hvernig stofna ætti minjasafn, þar sem greina
mætti jarteikn um sögu þjóðarinnar í aldanna rás í menningarlegu
tilliti og varðveita minjar um þjóðlega siði. Hann var að vísu ekki
einn um að koma hugmyndinni á framfæri því að Frederik
Münter, síðar biskup, reyndist honum öflugur liðsmaður, en nafn-
ið þjóðminjasafn – Nationalmuseum – var frá Nyerup komið.
Hinn 22. maí 1807 var stofnuð sex manna nefnd að boði konungs
um varðveislu fornminja í ríkinu. Auk Münters og Nyerups skip-
uðu áhugamenn um þjóðleg verðmæti úr æðstu röðum þjóðfé-
lagsins sæti í nefndinni. Yngstur var Birgir (Börge) Thorlacius
prófessor. Hann var af íslensku bergi brotinn og áhugamaður um
forn norræn fræði. Nyerup var kjörinn ritari nefndarinnar.7
Nefndin hóf skjótt að leita eftir vitneskju um fornleifar á Ís-
landi og í Noregi, en sama ár og hún tók til starfa varð danska
fjónverjar og íslensk fræði 357skírnir
7 Lovsamling for Island, 7. bindi (1857):131–32.
Skírnir haust 05 RÉTTUR 23.11.2005 13:53 Page 357