Skírnir - 01.09.2005, Page 131

kynnt sér þær þýðingar sem finnast á indverskum og persneskum trúar-
ritum, lagatextum og skáldskap, ásamt útskýringum. Með því að liggja
yfir þessum bókakosti og bera saman skýringar og kenningar hinna ýmsu
höfunda telur höfundurinn sig hafa öðlast nokkuð réttan skilning á trú og
siðum þessara þjóða og þannig geta tekið á þeim málum sem hér um ræð-
ir. Höfundi finnst það mikilvægt að upplýsa nákvæmlega um hvaðan
hann hefur þær skýringar sem notast er við og hefur lagt sig fram um að
fá aðgang að bestu og nýjustu fræðiritum sem eru á boðstólum og hefur í
því tilliti hvorki sparað fé né tíma. Þannig vonast hann til að hafa uppfyllt
skilyrði verðlaunaveitingarinnar að svo miklu leyti sem það er nokkrum
fræðimanni mögulegt.12
Finnur getur einnig framlags Rasks við frekari rannsóknir á fleyg-
rúnunum. Þá nefnir hann að Skúli Thorlacius og Grímur Thorkel-
ín hafi borið goðsagnirnar í Eddu saman við þær grísku, og aðrar
rannsóknir á skyldleika indversks-persneskra mála við gotnesk-
germönsk mál og nefnir rannsóknir Rasks og Jamiesons í því við-
fangi. Af þessu dregur Finnur þá ályktun að Norðurlönd hafi
staðið hinum forna grísk-rómverska heimi jafnfætis á flestum
sviðum, og nefnir verk Birgis (Börge) Thorlacius því til sönnunar,
og P.E. Müller hafi bent á hið stórfenglega menningarsamfélag
sem fornmálið beri vitni um.13
Finni sóttist samning ritgerðarinnar hægar en ráð var fyrir gert
og Bülow kom þá aftur til skjalanna með því að biðja um frest fyr-
ir Finn að ljúka ritgerðinni. Síðari hluta árs 1818 var henni lokið
og Finni afhentur verðlaunapeningurinn eins og fram kemur í
bréfi hans til Rasks 7. september það ár.14 Hinn 4. september 1818
voru verðlaunin afhent með lofsamlegum ummælum og þess ósk-
að að hann héldi þessum rannsóknum áfram.
Útdráttur úr verðlaunaritgerðinni vakti eftirtekt á erlendum
vettvangi. Ýmsir urðu til að hvetja Finn til að láta hér ekki staðar
numið, enda leitaði hann á náðir Vísindafélagsins danska um frek-
ari styrki til að halda þessum rannsóknum áfram. Afrakstur þeirra
var fjögurra binda verk sem kom út á árunum 1824–26 og bar
fjónverjar og íslensk fræði 361skírnir
12 Finnur Magnússon 2002 [1824]:I, x–xi.
13 Finnur Magnússon 2002 [1824]:I, v–xi.
14 Hjelmslev 1941:I, 339.
Skírnir haust 05 RÉTTUR 23.11.2005 13:53 Page 361